Happy Birthday Master Mind

ඊයේ දවස ශ්‍රී ලංකා ක්‍රිකට් ලෝලීන්ට වැඩිපුර සතුටු සහ ටිකක් දුකත් හිතුනු දවසක්. සතුටු හිතෙන්න හේතුවනම් බංගලාදේශය සමග පැවති දෙවන ටෙස්ට් තරගය ජයගනිමින් තරගාවලියේ ශූරතාවය ගන්න පුලුවන් උන එක.ඒකත් වැඩියත්ම සතුටු බංගලාදේශය පරාජය කරපු එක. ඒවගේම ඊයෙ දිනයේ , ටෙස්ට් පිටියේ දකුණත් වැඩිම ලකුනු හිමි , ටෙස්ට් පිටියේ ඉහළම සම්බන්තාවක් සංගා සමග පැවැත්වූ, එක්දින ඉතිහාසයේ වැඩිම උඩපන්දු ගණනකට උරුමකම්කියන, 2007 ලෝක කුසලානයේ අනුශූරතාවය දිනූ කණ්ඩායමේ නායකයා සහ එම වසරේම විස්ඩන් ක්‍රීඩකයාද වෙමින් ක්‍රිකට් ක්‍රීඩාව වර්ණවත් කර විශිශ්ටයෙකු වු මහේල ජයවර්ධනගේ උපන්දිනය යෙදී තිබුනා. ඉතින් ඔහුට හොද තෑග්ගක් විදියට අපේ ක්‍රිකට් කණ්ඩායම ඊයේ තරගාවලි ජයග්‍රහනයක්ම ලබා දුන්නා. දුක් වෙන්න හේතුවනම් මෙතෙක් කල් IPL වල ආසාවෙන් බලන් හිටපු අපේ කොල්ලොන්ගෙ වැඩ ඊයේ දිනයෙන් අවසන් වුනා . ඒ වනිදු ක්‍රීඩාකළ RCB කණ්ඩායමේ පරාජයත් සමගින් . නමුත් ඔහු වැඩිම කඩුලු ලාභීන්ගේ සටහනේ තවමත් පලමු ස්තානයේ රැදී සිටීම සතුටට කරුණක්.

දෙවන ටෙස්ට් තරගය ගැන පොඩ්ඩක් කෙටියෙන් ලියල ඉන්නම්. පළමුවෙන් පහරදීමට බංගලාදේශය තීරණය කරේ මිර්පූර් ක්‍රීඩාංගණය අවසන් දින දෙකේදී දගපන්දු යවන්නන්ට වඩා වාසිදායක වන නිසා. ලකුනු 24ට කඩුලු පහක් දැවී තිබුණු පලමු ඉනිම ලකුණු 365ක් දක්වා රැගෙන ඒමට රහීම් හා දාස් සමත් වුනේ විශිශ්ට ශතක දෙකක්ද සමගින් . එහිදී තම පලමු කඩුලු පහ දවා ගැනිමට රාජිත සමත් වුනා. පිලිතුරු ඉනිම තම පලමු ඉනිම ක්‍රීඩාකළ ශ්‍රී ලංකා කණ්ඩායම දැවැන්ත ලකුණු 506 ක් රැස් කිරීමට සමත් වුනා. ඒ චන්දිමාල්ගේ සහ මැතිව්ස්ගේ විශිෂ්ට ශතක දෙකකුත් සමගින්. ඉන්පසු දෙවෙනි ඉනිම ක්‍රීඩාකිරීමට පිටියට පිවිසි බංගලාදේශ පිතිකරුවන්ට සිතූ සේ ලකුනු ලබා ගැනිමට අසිත ඉඩලබාදුන්නේ නෑ.එහිදී කඩුලු හයක් දවාගත් අසිත, තරගය පුරා කඩුලු දහයක් දවාගනිමින් වාස්ට පසු ශ්‍රී ලංකාවේ එම දක්ශතාව දැක්වූ අනික් වේගපන්දු යවන්නා ඔහු වෙමින් බංගලාදේශ ඉනිම 169 ට සීමාකිරීමට සමත් වුනා. ඒ අනුව හිමිවූ ලකුණු 29ක ඉලක්කය සියලු කඩුලු ඉතිරිව ලබාගනිමින් තරගයේ ජය හිමි කරගැනිමට සිංහ පැටව් ටික සමත් වුනා. තරගයේ වීරයා හා තරගාවලියේ වීරයා සම්මාන පිලිවෙලින් අසිතටද , මැතිව්ස්ටද හිමිවුණා.

තරගය අවසානයේ නායක දිමුත් ශූරතාවය ලබාගැනිමට පෙර හරි ලස්සන වචන ටිකක් කිව්වා. ඒ නිසා ඒකත් එක්කම ලියල ඉවර කරන්නම්.
"I would like to dedicate this win for SriLankans , We are having a tough time and this win will some joy to their faces "