බන්ටුට කේක් | 5% to SL Charity

බන්ටු, ඒ කියන්නෙ අපේ ලොකු අම්මගෙ පුතාගෙ පුතා. එයාට අක්කෙකුත් ඉන්නව අපි කියන්නෙ දෝණී කියලා. බන්ටුට බන්ටු කියල කව්ෘ දැම්මද කියලා අදටත් මතක නැ. ඒත් ඒ නම කියන්නෙ අපේ ගෙදර අය විතරය්. කොහොම හරි බන්ටුගෙ උපන්දිනේ තමය් පෙරේද. ඒත් එයාගෙ තාත්තාට නිවාඩු නැතුව උපන්දිනෙ සැමරුවේ ඊයේ.

අපි මේ කොරෝනා නිසා කාගෙවත් ගෙවල් වල ගියේ නෑ. ඒක දෙගොල්ලොන්ටම අනතුරක් නිසා. ඒත් බන්ටුලගෙ ගෙදර විතරක් අපි ගියා දවසක් දෙකක්. මීට සතියකට වගේ කලින් එහේ ගියා තාත්තය් මාය් අක්කෛ. යද්දි සාලෙ කොනක ස්ටූල් එකක් තියල එතන පුටුවල් තියලා හැපි බර්ත්ඩේ කියලාත් කොලේඑක ලියලා අලවලා. අක්කටය් මටය් හිනා. අපි දෙන්න ඉතින් ඇහුවා මොකෝ මේ දැණ්ම කියලා. තව දවස් හතය් හරි අටය් හරි තියෙන්නෙ කියලාත් කිව්ව. අපි එහෙන් එන්න හදද්දි අපට කියනවා එදාට එන්නලු කේක් එකක් අරන්. ඒ කියපු හුරතල් විදියට ඉතින් කොහොමද නොදී ඉන්නේ.

ඉතින් අක්කය් මාය් බන්ටුට දෙන්නෙ මොන වගෙ කේක් එකක්ද කියලා හිතුව. ඔන්න බත්ඩෙ එකට දවසක් දෙකක් තියෙද්දි උදේ කෝල් එකක් ආව. දසුනි නැන්දේ, මල්ලිට නිල් පාට කෝච්චි එන්ජිමක් ඕන. අන්න එහෙමය් කිව්වෙ. අක්කටය් මටය් ඉතින් හිනා. එදාට එන්න හොදේ තරග තියෙනවා අපට කරන්න. එහෙමත් කිව්ව. මන් ඇහුව ඉතින් මොනාව තරග කියලා. මුකුත් ඒ වෙලේ හරියටම කිව්වේ නැ. ඔන්න තව පොඩ්ඩකින් ආයෙම කෝල් එකක්. ඔන්න දසුනි නැන්දෙ තරග ටික කියල ලිස්ට් එකක් කියවනවා. සමහර ඒව මන් දන්නෙත් නැති තරග😂

ඔන්න පොරොන්දු උන විදියටම අපි කෝච්චි එන්ජිමක් හදන්න හිතාගත්තා. අපි කේක් පුරුද්දට හදන අය නෙව්නේ ඉතින්. ඒත් හොදටම කරන්නය් අපි දෙන්නට ඕන උනේ. අපි ෛතින් වීඩියෝ කීපෙකුත් බලලා අපට ලස්සනය් කියල හිතුන එකක් හොයාගත්තා. පැය කීපයක්ම ගියා වැඩේට. ඒත් අන්තිම ප්‍රතිපලේ දැක්කම කොච්චර සතුටුඉද. මහන්සිය මතකත් නෑ.

අමාරුම වැඩේ තමය් ලස්සනට හදාගත්ත කෙක් එක ඒ විදියටම යවන එක. ඒක ඇත්තටම අමාරු නම් නෑ. ඒත් කලින් උන අවාසනාවන්ත දෙයක් නිසා හරිම බයෙන් හිටියෙ කරදරයක් නැතුව කේක් එක අරන් යනකන්. ඒත් වාසනාවකට අපට මේ කේක් එක නම් කිසිම අව්ලක් නැතුව අරන් යන්න පුලුවන් උනා.

හැමදේම හොදට උනා. හැමෝම සතුටු උනා එදා. කාලෙකින් එහෙම දවසක් ආවෙ. ආයෙත් එහෙම දවසක් එනකන් බලන් ඉන්නව.

හැමෝම පරිස්සමෙන් ඉන්න.