ඔයාලට කොහොමද හැමෝම පරිස්සමින් ඇති කියල මම හිතනවා.මේ දවස් වල ගොඩක් පැති වලට වහිනවා නේද.ඒවගෙනුත් අපි පරිස්සම් වෙමු.

ඉතින් අද මම කතාකරන්න හිතුවෙ හදිස්සියෙ ගියපු හපුතලේ ගමන ගැන කියන්න. වෙනද වගේ නෙමේ දැන්.කැම්පස් ඉදල ගෙදර ආවම පරන යාලුවො එකතු කරගන්න හරිම අමාරුයි.මොකද එක එක අය ඉන්නෙ වෙන වෙන කැම්පස් වලනෙ.ඒ නිසා එයාලට නිවාඩු නැහැ. ඉතින් මේ පාර මම දවස් 3ක විතර පොඩි නිවාඩුවකට ගෙදර ආවමත් උනේ ඒකම තමා.

වාසනාවට මගේ සාගර විශ්ව විද්‍යාලයෙ ඉන්න යාලුවා ගෙදර ඇවිත් තිබුනා.ඒ නිසා ඌට කතා කරල මම පොඩි ගමනක් දාගත්තා. ඇත්තටම ඉස්සර වෙලාම එන්න කිව්වෙ අපේ ගෙදර.මොකද ලොකු කාලෙකින් අපෙ ගෙදර ආවෙ නෑනෙ.ඉතින් හාලිඇල ඉදන් බන්ඩාරවෙලට එයා ආවෙ කෝච්චියෙ.ඉතින් ඒ නිසාම මමත් ඒ කෝච්චියටම සෙට් වෙලා අපි ගියා හපුතලේට යනකං.ඇත්තටම අපි ඉදල්ගස්හින්නට යනකං ටිකට් අරගෙන තිබුනෙ.ආපහු එන්න වෙලාවක් නැති නිසා අපි හපුතලෙන් බැස්සා.බදුලු කෝච්චිය ගැන ඔයාලට අමුතුවෙන් කියන්න ඕනි නෑනෙ.කොහොමත් උඩරට දුම්රිය මාර්ගය කොහොමත් ලස්සනයි.මේ දවස් වල හොදටම වහින නිසා වැහැල පායනකොට ගොඩක් ලස්සනයි.

ඉස්සර වෙලාම අපි ගියේ හපුතලේ හදල තියන view point එකට.ඇත්තටම එතන නම් කියන්න බැරි තරම් ලස්සනයි.ඔයාලට මතකනම් රූපවාහිනියෙ විකාශය උන Can you hear me ටෙලිනාට්‍යයේ දර්ශන වාර රගපෑමට එතන යොදාගෙන තිබුන. ටිකවෙලාවක් අපි එතන ඉදල සුප්‍රසිද්ධ ඇඩිශම් බංගලාව බලන්න ගියා.හපුතලේ ටවුන් එකේ ඉදන් බස් එක්ක පොඩි දුරක් ගියාම බංගලාවට යන පාර හම්බෙනව.ඉතින් අපි ගිහින් පයින්ම ගියා බංගලාව බලන්න.

ඇත්තටම ගොඩක් මිනිස්සු ඇවිත් හිටිය ඒක බලන්න.ගොඩක් ලස්සනට නඩත්තු කරගෙන යන ලස්සන බංගලාවක් ඒක. සරිගම චිත්‍රපටය සදහා ඒ බංගලාව යොදාගෙන තිබුනනෙ. බංගලාවෙ ලස්සන වගේම තමා ලස්සන ගෑනු ලමයිනුත් ඇවිත් හිටිය බලන්න.එතකොට ලස්සන දෙගුන වෙනව 😉. ඉතින් අපි එහෙනුත් එලියට ඇවිත් ආයෙම හපුතලේ railway station එකට ඇවිත් කෝච්චියේම අපේ ගෙදරට ආව.

ලොකු කාලෙකින් හම්බුන නිසා කතා කරන්න ඕනි තරම් දේවල් අපි දෙන්නට තිබුන.දෙන්න උපාධිය හදාරන්නෙ වෙනමම විශය ක්ශේත්‍ර වලින් නිසා එකිනෙකට වෙනස් ගොඩක් දේවල් තියෙනවා.ඒ වගේම කැම්පස් දෙකත් වෙනස් නිසා ගොඩක් දේවල් අපිට තිබුන කතා කරන්න. ඒ ඔක්කොටම වඩා පරන දේවල් මතක් කර කර හිනාවෙන තරම් විනෝදයක් තවත් නෑ. ඉතින් ඔහොම තමයි අපේ දවස ගෙවුනෙ.ආයෙමත් පරන යාලුවො එක්ක ගමනක් යන්න ආසයි. ඒත් කවදද කියල කියන්න බෑනෙ.එතකොට නම් දුකත් හිතෙනවා.

හැමෝම පරිස්සමින් ඉන්න .
ස්තූතියි 🙏