ඔයාලට කොහොමද හැමෝම පරිස්සමින් ඇති කියල මම හිතනවා.දන්නෙම නැතුව 2023 අවුරුද්දෙ පස්වෙනි මාසෙටත් ඇවිල්ල නේද.ඉතින් අවුරුදු උත්සව ඉවරවෙලා දැන් තියෙන්නෙ වෙසක් උත්සවයට ලෑස්ති වෙන්න තමයි.

හැබැයි මම අද කතා කරන්නෙ ඒ ගැන නම් නෙමේ. පහුගිය දවස් ටිකේ ලොකු මාතෘකාවක් උන වගාවට විශාල වශයෙන් හානි කරන, හැබැයි දැක්කම දුක හිතෙන රිලව් ගැන 🐒.

ඇත්තටම පහුගිය දවස් වල ලොකු මාතෘකාවක් තමයි මේ රිලවු පිටරට පටවන එක. ඒගැන ලොකු විස්තරයක් නම් මම දන්නෙ නැහැ.හැබැයි අපේ හොස්ටල් එකට නම් හැමදාම යන එන ආගන්තුක පිරිසක් කියලනම් හොදටම දන්නවා.

මහඉලුප්පල්ලම කැම්පස් එකේ ඉන්න කාලෙත් හැමදාම උදේට වහලෙ පෙරලෙන තරමටම සද්දයක් එනව ඒ වෙන කවුරුත් නිසා නෙමේ මේ රිලවු නිසා තමයි. රිලවු කිව්වම දන්නවනෙ ඉතින් කෑමක් හරි එලියෙ තිබුනොත් ඉවරම තමා. නිකං හරි අපි කාමරයක් වහන්නෙ නැතුව ගියොත් ඉවරම තමා. මහඉලුප්පල්ලමෙන් එද්දි සතුටින් ආවෙ රිලවු ප්‍රශ්නෙ නම් ඉවරයි කියල.

ඒත් පේරාදෙණිය ඊට වඩා හපන්.අපේ හොස්ටල් එකට හැමදාම රිලවු 100ක් විතර එනව. පලවෙනිම දවසෙ මම ගිහින් රෑට නිදාගෙන උදේ ඇහැරුනේ රිලව් අපේ කාමරේ ලගටම ඇවිත් කරපු සද්දෙට. එක දවසක් ලෙක්චර්ස් ගිහින් එද්දි සම්පූර්ණයෙන් අපේ මල්ලක්ම ඇදල දාල තිබුනා.

😂 හොදම දේ තමයි තේ බොන්න තියාගෙන ඉදපු සීනි එකත් අරගෙන ගිහින්.ආයෙ රෑට තේ බීලත් ඉවරයි ඉතින්.
මම කතා කරේ කරදර විතරයි නෙ.හැබැයි ලගට දකිනකොට හරි අනුකම්පාවක් දැනෙනවා මටනම්. අක්බාර් පාලමෙ අපි යනකොට රිලවු පවුල් පිටින් ඉන්නව.කිසිම බයක් නෑ ලමයි කොච්චර ආවත්.මම නිකමට ලගට ගිහින් පොටෝ එකක් ගත්තා.එයාල හරියට පොටෝ වලටම ඉන්නව වගේ කිසිම වෙනසක් කරන්නෙ නෑ. මොනා උනත් සත්තුනෙ.උන් කියල කොහේ යන්නද කියල හිතෙනවා ඒ වෙලාවට.

රිලවු කියන අය එක පිරිසකට ඇත්තටම ලොකුම ලොකු කරදරයක්.කොහොම උනත් උනුත් ඉන්න ඕනිනෙ මේ පරිසරයෙ. ඔයාලගෙ අදහස මොකද්ද මේ පිලිබදව?