ඔයාලට කොහොමද? හැමෝම පරිස්සමින් ඇති කියල මම හිතනවා.අවුරුද්ද අවසන් වෙන්නත් ලගයි නේද. ඒ එක්කම අපිට දුන්න නිවාඩුවත් ඉක්මනටම ඉවර වෙනව. ඉතින් ගෙදර ආපු දවස් ටිකට යාලුවොත් එක්ක ගමන් ටිකක් ගියා මම.

ගෙදර ආපු ගමන්ම යාලුවොත් එක්ක ඇවිදින්න ගියාම නෙමේ. දවස් දෙකක් විතර යනකම්ම අපේ පැත්තට හොදටම වැස්ස. ඉතින් ඊටපස්සෙ ඉස්කෝලේ කාලෙ පරන යාලුවො එක්ක කතා කරද්දි හැමෝටම වගේ අවුරුද්දෙ අවසාන නිවාඩුව හම්බෙලා.ඉතින් කතාඋනා කොහේහරි යමු කියල.යමුයි කිව්වට තැනක් වත් හරියටම ප්ලෑන් කරල නෑ. ඉස්සර වෙලාම ඉතින් එක යාලුවෙක්ගෙ ගෙදරට සෙට් උනා ඔක්කොම කොල්ලො ටික. අපේ 6 දෙනෙක් හිටියට හම්බුනේ 4 දෙනෙක් විතරයි. ඒ උනාට තව කොල්ලෙක් ඇවිත් තිබුනා මගේ යාලුවෙක්ගෙ ගෙදර. පස් දෙනාට බයික් දෙකක ගමන යන්න අමාරුයි නෙ. ගෙවල් ලග අයියා කෙනෙක්ට කතාකරල එයත් ගමනක් යමු කියල කතාකරගත්ත.

ඇත්තටම කිසිම අදහසක් තිබුනෙ නෑ යන තැනක් ගැන. ටවුන් එකෙන් තෙල් ගහගෙන දියතලාවට යනකොට තමා හිතුවෙ ඉදල්ගස්හින්නෙ යමු කියල. ඒත් අතරමග යනකොට පොඩි පොදයක් ආවා.ඊටපස්සෙ හිතාගත්තා ඔහියට යමු කියල.ඉතින් ඊටපස්සෙ බොරලන්ද පාර හරහා අපි ගියා ඔහියට. ඔහියට යන පාර ගැනනම් අමුතුවෙන් කියන්න ඕනි නෑනෙ. වැස්සත් වැහැල පස්සෙ වැටෙන ඉරඑලියත් එක්ක ඒ පරිසරයේ ලස්සන හිතාගන්න බෑ. ඒතරම්ම ලස්සනයි. අපිත් එක්ක ආපු කෑගල්ලෙ යාලුවා පලවෙනි පාරට තමා ඒ පැත්තෙ ඇවිත් තිබුනෙ. පොරට නම් දිව්‍යලෝකෙ ගියා වගේ තමා.හැමපැත්තම බලනවා. ඉතින් ඔහියට ගියාට පස්සෙ හිතුන තව ටිකදුරයිනෙ ඔහොමම හෝර්ටන්තැන්නටත් ගිහින්ම එමු කියල.

ඔන්න ඔහොම තමා ඉතින් අපි ගමන් යන්නෙ. එවලෙ කතාවෙන ගමනක් තමා. අන්තිමේදි ඉතින් හෝර්ටන්තැන්නටත් ගිහින් තමා අපි ආවෙ. නමුත් අස්සෙ ඇවිදින්නනම් වෙලාවක් තිබුනෙ නෑ. මොකද අපි ගෙවල්වලින් ආවෙ දවල් 12ට විතර නෙ. හදිසි ගමන් යනඑකනං ටිකක් අවදානම් තමා.නමුත් මම කියන්නෙ එහෙම ගමන් ගොඩක් විනෝදයි. රෑ කෑම වෙලාවට හැමෝම ගෙවල් වලට අවසානෙදි සේන්දු උනා.එතකොට හැමෝටම වගේ හොදටම බඩගිනි නෙ. ඔන්න ඔහොම තමා වරුවෙන් අපි හෝර්ටන්තැන්න ගිහින් ආවෙ.

ඊලග ගමන ඊලග කොටසෙන් කියන්නම්.එතකන් හැමෝම පරිස්සමින් ඉන්න.
ස්තූතියි 🙏🏻🙏🏻🙏🏻