පොතක්

ඉතින් ඉතින් කොහොමද යාලුවනේ ,

අද සතිඅන්තේ පලවෙනි දවස. මේ සතියේ වැඩ තිබ්බේ දවස් 4ක් උනාට වැඩ ටිකක් වැඩි උනා. හැබැයි එකෙන් සති අන්තෙට චුටි ෆ්‍රී එකක් තියේ. ඉතින් ඔන්න මම අද කියන්න යන්නේ පොත් ගැන.

මම කලින් ලිපියේ කීව්වනේ මම අලුත් company එකෙක්ට join උනා කියලා. කොහොමින් කොහොම හරි එකේ පලවෙනි මාසේ salary එක ආවම මට හිතුන මේ පාර පොතක් ගන්න ඕනි කියලා. ඉතින් මම අපේ නඟත් එක්ක ගියා සරසවි පොත්හලට. ..මම කියන්නේ, පොත් කඩයක් කියන්නේ තනිකරම පිස්සු හැදෙන තැනක් මට නම්. සැහෙන වෙලාවක් එහෙ මෙහෙ ඇවිද ඇවිද අලුත් පොත් බල බල ඉන්න කොට වෙලාව යනවා දැනෙන්නෙම නෑ.

පැය කීපයක් එහෙට මෙහෙට ඇවිදලා ඇවිදලා, තෝරලා බේරලා පොත් තෝරන්න ගත්ත අපි දෙන්නා. කොහොම කොහොම හරි අමාරුවෙන් තොර ගත්තා පොත් 5ක් . මේ තියන්නේ ඒ ටික. සිංහල ඉංග්‍රීසි පොත් කලවමේ ගත්තා.

ඉස්සර මට පොතක් කියන්නේ ලෝකයක් වගේ. අතට ගත්තොත් කියවල ඉවරයක් කරලා මිසක් නතර කරන්නේ නැහැ. දවල් රෑ කන ගමන් හරි මට කියවල ඉවරයක් කරනකන් ඉවසිල්ලක් නැහැ . මම ඉස්සර ආසම පොතක් කියවද්දී එකේ ඉන්න වටපිටාව චරිත මවාගන්න. එතකොට අපිත් ඒ කතාවේ කොටස්කාරයෙක් වගේ. කෙටි කතා, නව කතා, පරිවර්තන, රහස් පරීක්ෂණ කතා, විද්‍යා ප්‍රබන්ධ ඒවා මේවා මහා ගොඩක්. මඩොල් දුවේ උපාලි, ජින්නා, සිබිල් නැන්දගේ ලස්සන චිත්‍ර තිබ්බ කතා පොත්, ගම්පෙරලිය, විරාගයේ ඉදලා ලංකවේ ලස්සන තැන් වලට යද්දී ලෝර, විලියම්, ශර්ලොක්, ටෝටෝචන්, පොලියනා එක්ක මුළු ලෝකේ වටේ යන්න පුළුවන් උනේ පොත් නිසා.

ඒ උනාට දැන් වෙනස වෙලා. ඉස්සර ආසාව තිබ්බට එක දිගට කියවන්න වෙන්නේ නැ. හැබැයි මම ඒක නතර කලෙත් නැ. ඉස්සර වරුවෙන් කියවපු පොතක් මම දැන් කොටස් විදිහට කියවනවා. එකත් අමුතු fun එකක් තියේ. නිකන් හරියට සතියට සැරයක් පෙන්නන TV show එකෙක් වගේ.

මොනව කරන්නද ඉතින්, කාලය මැව් වෙනසක අරුමේ තමයි.