යාලුවෝ හැමෝටම නිදුක් නීරෝගී සුබම සුබ අලුත් අවුරුද්දක් වේවා කියලා මම ප්‍රාර්තනා කරනවා. ඔන්න ඉතින් අපි හැමෝම මග බලා උන්නු අලුත් අවුරුද්දත් උදා උනා. අලුත් අවුරුදු චාරිත්‍ර උදේ පාන්දරම යෙදිලා තිබුනු නිසා නෑගම් යන්න නම් මෙදා සැරේ හොදටම කාලය ඉතුරුයි.
අපිත් වෙන්දා වගේම නැකත් වේලාවට ලිප ගිනිමොලවලා කිරිබත් හදුවා. වැඩ අල්ලලා, ගනුදෙනු කරලා, සුබ නැකතින් ආහාර අනුභව කලා. කවදාවත් කිරිබත් නොකාපු වේලාවකට තමයි ඔන්න මෙදා සැරේ ආහාර අනුභව කරන්න යෙදිලා නම් තිබුනේ. කොහොම නමුත් චාරිත්‍ර ටික ඒ ආකාර්යෙන්ම සිදු කලා.
පාන්දර ඉදන්ම ටිකක් මහන්සියෙන් හිටිය නිසා අපි හැමෝම ටිකක් විවේකයක් අරගෙන නෑගම් යන්න පිටත් උනා. අහල පහල ගෙවල් කිහිපයකට ගොඩ වැදිලා ආගිය තොරතුරු කතා කර කර ඉදලා අපි ආයෙම ගෙදර ආවා.
ප්‍රශ්න ගොඩක් මැද්දේ ජීවිතේ ගෙනියන මිනිසුන්න්ට එක අතකට මේ වගේ දිනයක් එලෙබෙන එකත් හොදයි. නෑදෑ හිතමිත්‍රයින් එක්ක ටික වේලාවක් හරි කතාබහ කරලා, සතුටු සාමිචිචියේ යෙදිලා ටික වේලාවක හෝ තමන්ගේ හිතේ තියෙන මනසික පීඩනය අඩු කරගන්න මෙකත් හොද අවස්ථාවක්.
පරන යාලුකම් අලුත් කරගන්න, පරන තරහා මරහා අමතක කරගන්න, ජීවිතේ අයේම වතාවක් අලුත් විදිකට පටන් ගන්න මේක හොඳ අවස්තාවක්. ඒ හින්දා මට හිතෙන්නේ කොච්චර ආර්ථික අපහසුතා ආවත් තමන්ට පුලුවන් සුලු විදිකට හෝ අවුරුද්ද සමරන එක වටින දෙයක් කියලා.
ඉතින් ඔයලාගෙ අවුරුදු දිනය ගතවුනේ කොහොමද? ඔයාලගේ අත්දැකීම් කොහොමද?