ලොකු ගැටලුවකට තාවකාලික විසඳුමක්..| 5% for SL Charity.

දීප්ත්මත් දිනයක් වේවා ඔයාල හැමකෙනෙක්ටම.

මේ කාලෙ හැමොටම එක හා සමාන ගැටලුවක් උනේ ගෑස් ප්‍රශ්නෙ.. දිගින් දිගටම එකපිට එක ප්‍රශ්න එද්දි,ගෑස් ටැංකි පිපිරෙද්දි,ජීවිතේ ආසාවත් ඇතෑරල අපේ අම්මලට සහොදර,සහෝදරියන්ට කෑම උයන්න සිද්ද උනා.

මේ ගෑස් ප්‍රශ්නෙට මේ වන තුරු නිසියාකාර පිළිතුරක් නොලැබුනත්.මිනිස්සු එදා වේල සරි කරගන්නෙ හරිම බයෙන්.දර ලිපේ මේ කාලෙ වෙද්දි ඉතා සුලු පිරිසක් ඇරෙන්න ඉතිරි අය ගෑස් වලින් උයන්න,පිහන්න පුරුදු වෙල ඉවරයි.ඒත් ගොඩක් අය ආයෙම පරන ක්‍රමේට හැඩගැහිල.

ඒත් මේ ප්‍රශ්නෙට සැලකිය යුතු විසඳුමක් ලැබුන් නැහැ.බැරිම තැන එලියෙ දර ලිපේ උයන්න ගත්තා. ඒකත් එක දිගට කරන්න බෑ, වැස්සත් එක්ක..හෙවනක් නොතිබුණ නිසා..
එලියෙ ස්ථිර විදියට පොඩි කුස්සියක් හදා ගන්න ඉඩත් මදි.පායන දවසට උයා ගන්න පුලුවං.වහින දවසට තමා ගැටලුව.ඒ කොහොම උනත් මේ ගැන මගේ වෙන්න මහත්තයාට(boy friend) 😄කියල තිබුන.එයා පහුගිය දවසෙ එයාගෙ යාලුවෙක් අතේ මේ..induction model එකට හදපු hot plate එක එවල තිබුන.මොකද එයා විදේශ ගතවෙල ඉන්න නිසා.ඇත්තටම ඒක වටිනව කියල හිතෙනව.

මේකෙ cambridge කියන brand එකේ product එකක්.පෙට්ටිය දැක්ක ගමං හිතුවෙ ලොකු එකක් කියල..ඒත් හිතුවට වඩා ඒක පැතලියි..ලොකු බරකුත් නෑ..තව මේක ඇතුලෙ මේ cooker එකට sense කරන stainless steel වලදක් free ලැබිල තිබුන.මොකද මේ cooker එකට හැම වර්ගෙම වලං ගැලපෙන් නෑලු.

මේක හැම දේම පාලනය කරන්න තින්නෙ touch sensor වලින්.වතුර නොවැටෙන්න පාවිච්චි කරන්න නං වෙයි වගේ.මේකට power දුන්නම led එකක් on වෙනව.මං මුලින් වතුර ටිකක් රත් කරල බැලුව..වැඩේ නරකම නෑ..මේක අපිට heat එක පාලනය කරන ක්‍රම ගොඩක් තීනව.සෙල්සියස් විදියට තමා මං බැලුවෙ.තව timer,hotpot,soup,stir-fry,fry,steam
ඔය කියන ක්‍රම වලට මේක control කරන්න පුලුවං.ඒවගේම මේකෙ වලද ගත්ත ගමං auto off වෙන්න safety system එකකුත් දාල තීනව.stove එක heat වෙන එක වළක්වන්න cooling fan එකකුත් දාල තීන්නෙ..

එයා මේක එහෙන් අරගෙන තිබ්බෙ ලංකාවෙ මුදලින් රු:10200/=ක් වගේ වටිනකමකට.ඒත් අපි මේක මෙහේ බැලුවොත් අඩුම තීන්නෙත් රැ:20000/=පැනල.ඇත්තටම ඉස්සරහට මේකෙන් ලොකු දෙයක් නැතත් තරමක් හරි මේ ගෑස් ගැටලුවෙන් මිදෙන්න මේක හොද උත්තරයක් වෙයි.හැබයි ටිකක් විදුලිබිල නං ටිකක් වැඩිවෙයි නේහ්.ඒත් ඉස්සරහට දවසෙ පැය 2.30ක් විදුලිය කපන නිසා..අපට ඕන වෙලාවට මේක පාවිච්චි කරන්න ලැබේද කියන එක නං සැකයි.😊

ස්තූතියි ..