Stress Releasing With YouTube | 5% for sl-charity

කවදා ඉවර වෙයිද කියල හිතාගන්න බැරුව ඉන්න🥴 ,එත් ඉක්මනට ඉවර කරන්න ඕන , මග අරුණු වැඩ ගොඩක් නිසා, ටික දවසක් ලියන්න බැරි උනාට, ආයෙත් ඔන්න කීප දවසකට පස්සේ...😁 අද මන් හිතුව අද කාලේ බොහෝ දෙනෙක් දන්න කියන, use කරන youtube එක සම්බන්ධව මගේ අදහස් ලියන්න. youtube එක ගැන කියල කිව්වට මන් කියන්න යන්නේ youtube එකේ මන් වැඩියෙන්ම ආස channels කීපයක් ගැන...😉

youtube කියන්නේ මන් පැය ගානක් උනත් ඔහේ කාල දාන තැනක් උනාට එකෙන් අපිට ගන්න පුළුවන් useful දේවලුත් ගොඩක් තියනවා. මාත් ඉතින් ඉදල හිටලා වැඩකට ඇති දේවලුත් බලනවා.😊 සමහර දන්නේ නැති දෙයක් ඉගෙන ගන්න ගියාම මට නම් ගොඩක් වෙලාවට මතක් වෙන්නේ youtube එක තමයි. ඒ අතින් නම් ඒක ගොඩක් ප්‍රයෝජනවත්.
youtube එකේ විවිධ ආකාරයේ channels ගොඩක් තියනවානේ..travelling ,cooking ,technological දේවල් ,musical channels වගේ පුළුල් පරාසයක විවිධ category යටතේ මේ channels වල අන්තර්ගතය ව්‍යාප්ත වෙලා තියනවා. කිසි අර්ථයක් නැති දේවල් තියන channelsඋත් නැතුවාම නෙමෙයි. අද මන් කතා කරන්න යන්නේ එකිනෙකට වෙනස් අන්තර්ගතයන් තියන මන් වඩාත් ප්‍රිය කරන youtube channels කීපයක් ගැන.

Travelling සම්බන්ධ channels ගත්තම මන් වැඩියෙන්ම ආස කරන චැනලයක් තමා binario 12..couple එකක් කරගෙන යන මේ channel එක සාමාන්යෙන් ගොඩක් අය දන්නවා. ලංකාවේ ඉපදුනාට වෙන රටක ජිවත් වුනු, ලෝකේ වටේ සංචාරය කරන, නදී සහ චිරන්තන කියන දෙන්නගේ travelling vlogs බලන්න පුළුවන්, binario 12 youtube චැනලයට මේ වෙද්දී ලක්ෂ 2 කට ආසන්න(182k ) subscriber ස්ල ප්‍රමාණයක් ඉන්නවා.


මාත් travelling කියන දේට ගොඩක් ආස නිසාම ඉදල හිටලා හරි videos බලනවා , මොකද මන් නම් දැකලත් නැති, video එක බලනකන් දන්නෙත් නැති, බලා සැනසෙන්න විතරක් පුළුවන්, ලෝකේ විවිධ රටවල්වල, දුපත් වල මේ දෙන්න සංචාරය කරනවා. එයාල හරිම පැහැදිලිව ගමනේ සියලු තොරතුරු බලන අයට විස්තර කරනවා. ඒවා බලද්දී මාත් නිකන් එහෙ ඉන්නවා වගේ. එයාල සංචාරය කරපු තැන් වලින් මන් ගොඩක්ම ආස කරපු තැනක් තමා හිම කන්දේ ලී ගෙදර කියන්නේ. ඒකත් එයාලම දාපු නමක්. ඉතින් ඔයාට හිතෙනවා නම් මාත් මේක බලන්න ඕන කියල මෙන්න binario12 youtube channel එක👇🏻

binario12

දැන් බලමු මන් ගොඩක්ම බලන cooking channel එක මොකක්ද කියල...🥧


දැන් නම් කියන්න ඕනත් නෑ දැක්ක ගමන් හැමෝම වගේ දන්නවා මොකක්ද ඒ channel එක කියල. මන් හිතන්නේ දැනට මිලියන 2 ඉක්මවූ subscriber ස්ල ඉන්න ලංකාවේ එකම ඉවුම් පිහුම් පිලිබඳ youtube චැනලය මේක තමා. කෑමක් හදන්න හිතුණම මන් ගොඩක් වෙලාවට බලන්නේ 'අපේ අම්මා' චැනලයෙන් තමයි. පැහැදිලිව අවශ්‍ය අමුද්‍රව්‍ය වගේම මිලදී ගන්න පුළුවන් තැන් පවා ඇය video එක තුල සඳහන් කරනවා. හැබැයි ඉතින් පොඩි අවුලකට තියෙන්නේ ගොඩක් වෙලාවක් කතා කරන එක තමා, ඒකත් හරීම හෙමින්. ස්කිප් කරන්න පුළුවන් නිසා ඉතින් ඒක ගැන නොහිත කෑම හදන හැටි බලන්න පුළුවන්. අපේ අම්මා චැනලය මන් ආසම චැනලයක් කියනවට වඩා බොහෝ වෙලාවට ප්‍රයෝජනවත් වෙන චැනලයක් කිව්වොත් වඩාත් නිවැරදි.. 👇🏻

Ape Amma

Entertainment කියන එක එකිනෙකා ලබන ආකාරය විවිධාකාරයි. මන් ගොඩක්ම music හා සම්බන්ධ දේවල් වලට ගොඩක් කැමතියි. stress එක අඩු කරගන්න, හිත නිදහස් කරගන්නත් ඒ දේවල් මට ගොඩක් ගොඩක් වැදගත් වෙනවා. සංගීතමය අන්තර්ගතයන් සහිත youtube channels අතරින් violin වාදනය සම්බන්ධ channels මන් ගොඩක් බලනවා. මන් practice කරන්න හරීම කම්මැලි නිසා ඒවා වලින් ඒ ලැබෙන තල්ලුවට මන් කැමතියි. ඒ විතරක් නෙමෙයි ඒ වාදනයන් බලන්න, අහන් ඉන්න මගේ ලොකු කැමැත්තක් තියනවා. ඉතින් මන් වඩාත් ප්‍රිය කරන violinist ල දෙන්නෙක් ඉන්නවා. Karolina Protsenko Violin කියන්නේ ඒ එක youtube channel එකක්.


Karolina කියන්නේ අවුරුදු 12ක් විතර වයස, හරීම ලස්සන, ඒ වගේම දක්ෂ street performer කෙනෙක්, වයලින් වාදන ශිල්පිනියක්, කියන්න පුළුවන්. ඇගේ youtube චැනලයට මේ වෙද්දී මිලියන 5.5 ඉක්මවූ subscribers ල ප්‍රමාණයක් ඉන්නවා. කැරොලිනාගේ හැම වදනයකටම මන් හරීම කැමතියි. හැම වාදනයක්ම, බලන් ඉන්න අහන් ඉන්න ආස හිතෙන විදිහට, ඇයගේම ආකාරයකට දක්ෂ විදිහට ඉදිරිපත් කරන්න ඇයට පුදුම හැකියාවක් තියනවා.
ඇගේ චැනලයට👉🏻👇🏻

Karolina Protsenko Violin

මන් කියපු අනිත් චැනලය තමා මේ තියෙන්නේ. අවුරුදු 21ක් පමණ වයස Alan කියන වයලින් වාදකයාගේ තමයි මේ youtube චැනලය. ඔහුගේ නම Alan Milan උනත් චැනල් එකට නම තියල තියෙන්නේ 'ItsAMoney' කියල. එකට හේතුවත් ඔහු එක video එකකදී කියනවා. US වල ජිවත් වන මොහුගේ චැනලයට මේ වන විට ලක්ෂ 8.5 ඉක්මවූ subcribers ල ප්‍රමාණයක් ඉන්නවා. ඔහු හරීම දක්ෂ විදිහට relax එකේ Violin එක හසුරවනවා. ඇත්තටම මන් ඔහුගේ හැම වාදනයකටම කැමති නිසා එකක් කියල විශේෂයෙන් කියන්න බෑ. ඒ නිසා ඔයාටත් පුළුවන් මේ ලින්ක් එකෙන් ඔහුගේ වාදනයන් නරඹන්න.👉🏻👇🏻

ItsAMoney

ඉතින් එහෙනම් මන් මෙතනින් නවතිනවා. ඔයාලත් මන් මේ කියපු youtube channels වල රසිකයෝ නම් පහලින් comment කරන්න. මිට වඩා වෙනස් ඔයා ආස කරන channels තියනවා නම් ඒවත් පහලින් comment කරන්න. ආයේ දවසක තවත් article එකකින් හම්බෙමු..👋🏻