සුන්දර ඔහිය

අද මම ඔයාල එක්ක බෙදාගන්න යන්නෙ මම ඔහියෙ ගිය ගමන ගැන.. ඔහිය මුණගැහෙන්නෙ හෝර්ටන් තැන්නට යන පාරෙ. ඒ වගේ ලස්සනම ලස්සනම පාරක නම් මං මගේ ජීවිතේ කවදාවත්ම ගිහින් නෑ කියලා විශ්වාසෙන්ම කියන්න පුලුවන්.

අපි ගමන පටන් ගත්තෙ බණ්ඩාරවෙලින්. බණ්ඩාරවෙලින් බොරලන්දට ගිහින් ඔහිය පාර හරහා හෝර්ටන් තැන්නට යන එක තමයි අපේ ගමනාන්තය. මුලින්ම අපට මුණගැහෙනවා කහම කහ මල් වියන් අතුරපු බණ්ඩාරවෙල බොරලන්ද පාර. පාර දෙපැත්තෙ හැමතැනම ලොකුම ලොකු කහ මල් පිරුණු ගස් වලින් පාරෙ යන එන හැමෝටම කහ මල් වියනක් හදල දීලා තියෙනවා. සොබාදහම අපිට විඳින්න කියලා අනන්තයක් දේවල් දීලා තියෙනවා නේද කියල එතකොට අපිට හිතෙනවා. උදේම තුබුණෙ වැහිබර කාලගුණයක්. වැස්සෙ නැතත් වැහිබරයි. ඒ වැහිබර කාළගුණය දවස පුරාම තිබ්බා.

ඔන්න ඊළඟට එනවා ඔහිය පාර. දෙපැත්තෙම යෝධ පයින් ගස් පිරුණු කැලෑව. ඒ මුලු පාරම යන්න තියෙන්නෙ පයින් වියනක් හරහා. වීඩියෝ ෆොටෝස් වලට වඩා ගොඩාක් ඉස්සරහිනුයි ඒ පාර තියෙන්නෙ. පුදුම ලස්සනක්. ඉඳහිටක හෝර්ටන් තැන්න බලා යන වාහනයක් හැරුණම පාර දෙපැත්තෙ පාලුව මකන්න කියල තියෙන්නෙ යෝධ පයින් ගස් යාය විතරමයි.

අපිත් සමහර තැන් වල නැවතුණා ෆොටෝස් වීඩියෝස් ගන්න. ඒ තරම් නිශ්ශබ්ද, අඳුරු, ගුප්ත සහ සුන්දර ලෝකයක් මම මීට කලින් කිසිම දවසක දැකල නෑ. සීතල
කඳුකරේ කාලගුණය කියන්නෙ තත්පරෙන් වෙනස් වෙන දේකට. මීදුම ඇවිත් අපිව වහගන්නෙ තත්පරෙන්. ඒක අලුත්ම වෙනස්ම අත්දැකීමක්. ඒ සුන්දර අත්දැකීම ඔයාලත් කවදහරි විඳින්න ඕනෙ.

ඊළඟට article එකෙන් අපි හෝර්ටන් තැන්නෙ යමු.