මැන්ඩෙලා ආර්ට් | 5% to SL Charity

පළවෙනි පාරට මැන්ඩෙලා ආර්ට් එකක් අඳිනකම් මං හිතන් හිටියෙ ඒක චිත්‍ර අඳින්න පුලුවන් අය විතරක් අඳින බරපතළ වැඩක් කියලා. කවදාවත් ට්‍රයි කරන්නෙ වත් නැතිව ඒ විදියෙ දේවල් හිතාගන්න එක සෑහෙන්න වැරදි වැඩක් කියලා මට තෙරුණා.

වෘත්තීය චික්ත්සාවේදී මානසිකව වගේම කායිකවත් මිනිස්සුන්ගෙ මනස සැහැල්ලු කරන්න මැන්ඩෙලා ආර්ට්ස් කරනවා. හැමෝටම කරන්න පුලුවන් දෙයක් වුණාට මේකට ඉවසීම අවධානය කියන දෙකම ඕනෙ.

ඉතින් මේ ළඟදි දවසක අපි මැන්ඩෙලා ආර්ට්ස් ඉගෙන ගත්තා. ඉගෙන ගෙන ටික දවසකට පස්සෙ ලෙක්චර් හෝල් එකේ හිටිය හැමෝටම කොළයකුයි කවකටුව කුයි ලැබුණා මැන්ඩෙලා ආර්ට් එකක් අඳින්න පොඩි උපදෙස් ටිකක් එක්කම. ඉන්ටර්නෙට් එකෙන් බලලා ලස්සනයි කියලා හිතුණ එකක් තෝරගෙන මං මැන්ඩෙලා ආර්ට් එක අඳින්න පටන් ගත්තා. ඔන්න ඔහොම තමයි මගේ ජීවිතේ පළවෙනි මැන්ඩෙලා ආර්ට් එක අඳින්න පටන් ගත්තෙ. ඒක ටික ටික ඉවර කරන්න දවස් තුනක් විතර ගියා.

ඉවසීම ඕනෙ කිව්වට ඒක නැතිවුණ අවස්තාත් තිබුණා. මැන්ඩෙලා ආර්ට් ගැන මං ඉගෙන ගත්ත කරුණු ටිකක් පහළින් ලියන්නම්.

මැන්ඩෙලා ආර්ට් කියන්නෙ සංස්කෘතික භාශාවෙන් "මැජික් සර්කල්" කියන එක.

මැන්ඩෙලා ආර්ට් එකකින් ලැබෙන ප්‍රයෝජනත් ගොඩක් තියෙනවා. ඒක මානසික සමතුලිතතාවය වැඩි දියුණු කරනවා. ඒ වගේම තමයි මැන්ඩෙලා අර්‍ර්ට් එකක් දිහා බලන් ඉන්නකොට හිත සාමකාමී වෙන්න පුලුවන්. අපේ අවදානය වගේ දේවල් වැඩි කරන්නත් මැන්ඩෙලා ආර්ට් එකකට පුලුවන්.

ඒ වගේම තමයි මැන්ඩෙලා ආර්ට් එකකට කෙනෙක් පාවිච්චි කරන පාට වලින් සහ ශේප්ස් වලින් ඒ කෙනාගෙ ඇතුළාන්තය ගැන කියන්නත් පුලුවන්. රතු පාටින් ශක්තිය, බලය වගේම අධික කේන්තියත් නිරූපණය වෙනවා. තැඹිලි පාටින් සතුට ශක්තිය නිරූපණය වෙනවා. කොළ පාටින් කියන්නෙ අභ්‍යන්තර සාමකාමීත්වය. කොළ පාටින් කියන්නෙ පහසුව, බලාපොරොත්තුව වගේ හැඟීම්.

ඔය විදියෙ මැන්ඩෙලා ආර්ට් එකක් අඳින්න රෝගියෙක්ට දීලා එයා ඒකට පාවිච්චි කරන ශේප්ස් වලින් පාට වලින් අපි එයාගෙ අභ්‍යන්තරය තේරුම් ගන්න උත්සාහ කරනවා. හැම වෙලේම 100%ක් ඒක හරි කියලා මම හිතන් නෑ. ඒත් ගොඩක් දුරට තේරුම් ගන්න පුලුවන්. ඒ වෙනුවෙන් තමයි අපි මැන්ඩෙලා ආර්ට්ස් ඉගෙන ගන්නෙ.

නිදහස් වෙලාවකට කරලා බලන්න. ඇතුළින් සන්සුන් වෙන්න මේක හොඳ ක්‍රමයක්. මේ තියෙන්නෙ අන්තිමට මං ඇඳලා ඉවර කරපු එක.