All is well/ 3 idiots

අද සැප්තැම්බර් 5 වෙනිද. අද තමයි අවුරුද්දකට වතාවක් කටිටිය රැන්චො හොයාගෙන යන දවස. කිව්වට විශ්වාස කරයිද මන්ද. අද වෙනකම් මං කවදාවත් රැන්චො ව හොයන් ගිහින් නෑ. එක දවසක් 3 idiots බලන්න පටන් අරන් මඟදි නැවැත්තුවා කියල මතක් වුණෙත් ගොඩක් අය අද 3 idiots ගැන post share කරල තිබුණ නිසා. අද නම් ඉවරයක් වෙනකම්ම බැලුව. අද තමයි හොඳම දවස. රැන්චො කියල දුන්න ගොඩක් දේ එදාට වඩා අද හොඳට තේරෙනවා. මං එකින් එක පිළිවෙලට ලියන්නම්.

All is well කියල කියන්නෙ අපිව ඉස්සරහට අරන් යන, මොන ප්‍රශ්න තිබ්බත් ඒක හරියනව කියල අපිට ඒත්තු ගන්නන්න අපිට පාවිච්චි කරන්න පුලුවන් මන්ත්‍රයක් කියල කවදහරි අහල තියෙනවද? රැන්චො කියල දෙනකම්ම කවදහරි හිතල තියෙනවද? ප්‍රශ්න වලම එල්ලිලා ඉන්නවට වඩා ඒ මත්තෙම එල්ලිලා නහිනවට වඩා all is well කියලා අපිටම මතුරලා ඒකට යන්න දුන්නම ඇත්තටම all is well වෙන එක ඇත්තක්. රැන්චොගෙන් අපිට ඉගෙන ගන්න තියෙන පළවෙනි පාඩම ඒක.

රැන්චොගෙ ජීවිතේ හරිම සරලයි. හිනා වෙනව, විහිලු කරනව, ළඟින් ඉන්න අයත් හිනාගස්සනවා. ඒත් බලපු අය දන්නවා එයාගෙ ජීවිතේ දිහා බැලුවහම මොකද වෙලා තියෙන්නෙ කියලා. මොන ප්‍රශ්නෙ තිබුණත් එයා ඉන්නෙ හිනා වෙලා. අපි ළඟ සතුට තියෙනකොට අපේ වටේ යහපත් වෙනවා. අපේ intentions pure වෙනකොට අපිට හොඳම දේ ලැබෙනවා. ඔය දෙකම එකතු වුණාම වඩා හොඳ ජීවිතයක්, ලැබෙනවා. ඒක තමයි මට කියන්න ඕනෙ දෙවෙනි එක.

තුන්වෙනි එක තමයි, බය වෙන්න එපා! රාජු එයාගෙ අතේ තිබ්බ හැම මුද්දක්ම විසි කරලා දාන්නෙ රැන්චො නිසා. එයා ඇයි ඒ මුදු දාගෙන හිටියෙ? එයා නිතරම බය පැළඳගෙන හිටිය නිසා ඒ මුදු එක්කම. ඒ මුදු විසි කරලා බයෙන් නිදහස් වෙන්න කියල දෙන්නෙ රැංචො. බය අපිට කිසිවක් ලබාදෙන්නෙ නෑ වගෙම බය අපෙන් ගොඩාක් දේ ඈත් කරනවා.

අන්තිම එක. ඔයාගෙ හදවත කියන දේ අහන්න. ඔයාට ඕනෙ wild life photographer කෙනෙක් වෙන්න නම් ඔයාට කවුරුහරි බල කරන නිසා engineer කෙනෙක් වෙන්න දඟලන්න එපා. එතකොට ඔයාට සතුටින් ඉන්න එක අපහසු වෙනව වගේම ඔයාට හොඳ enginner කෙනෙක් වෙන්න බැරි වෙනවා.

රැන්චො වගේ යාලුවෙක් අපි හැමෝගෙම ජීවිත වලට ලැබෙන්න කියල මම ප්‍රාර්ථනා කරනවා!💛
(මේක ලිව්වෙ සැප්තැම්බර් 5. ඒකයි දිනය එහෙම තියෙන්නෙ)