To My Forever Friend Roshani.....

හය වසරේ ඉඳන් එක පන්තියේ හිටියත් මමත් රෝෂණිවත් එකම කණ්ඩායමට වැටුනෙ හත වසරේ ඉඳල. ඉස්සර ඉස්කෝලේ ඇරිලා යද්දි දෙන්න දෙන්න එකතු වෙලා පේලි හැදිලයි යන්න තිබුනෙ. මල්කී - පාරමී, දිවංකා - නිකේෂලා සහ රන්දුලා සහ රෝෂණී තමයි කපල් එක වුණේ. ඉස්සර ඉඳන් රෝෂණී කලබල ළමයෙක් නෙවෙයි. මමත් වැඩිය දුවන කෙනෙක් නෙවෙයි. ඒත් ඉක්මනට ඉස්කෝලෙන් එලියට යන්න නම් දුවල ගිහින් පේලිය අල්ල ගන්න ඕන. ඉතින් අපි දෙන්නටම යන්න ලැජ්ජයි. ඔයා යන්න ඔයා යන්න කියා කියා රණ්ඩු වෙනව. අන්තිමට අනිත් යාලුවෝ අපට විහිළු කරනවා. කොහොම කොහොම හරි රණ්ඩු වේවි අවුරුදු 3ක් අපි එකට ඉස්කෝලේ ඇරිලා ගියා.

_{From Roshani to my 13th Birthday, I am 25 now}

10 වසරේදී අපි කැඩිලා පන්ති 5 කට වැටුණ. එදා ඇත්තටම අපි ගොඩක්ම ඇඩුව. එත් කිසිම විදියකින් අපේ යාලු කම නම් අඩු වුණේ නෑ. ඉස්සර රෝෂණි ට අපිත් කිව්වේ "මුතු" කියල. ඇත්තටම අපි විහිළුවට කිව්වේ. රෝෂණි ව ඉක්මනට තරහ ගස්සන්න පුළුවන්. හැබැයි ඒ ඇත්තටම තරහ ගන්නවා නෙවේ. ගැහැණු ළමයින්ම 4ක් ඉන්න පවුලක බාලය වෙච්ච රෝෂණි විනය ගැන හරියට හිතුව. හොර වැඩ, කට්ට වැඩ කිසි දේකට සම්බන්ධ වුණේ නෑ. හරිම හෙමින් තමයි එයා කතා කරේ. අහිංසක කාටවත් වරදක් නැති ළමයෙක් විදියට එදත් අදත් රෝෂණි එහෙමමයි.

_{From Roshani to my 14th Birthday, Yeah 11 years ago}

එයාට පොඩි කලේ ඉදන්ම හොඳ නිර්මානශීලි හැකියාවක් තිබුණ. ඇත්තටම ඒ එයාගේ තාත්තාගෙන් ලැබුන දේවල්. ඉස්සර පොත් හදන්න දුන්නම අපේ පොත්වලත් මාතෘකා ලියල දෙන්නෙ රෝෂණි. එයාගේ අකුරු රවුම්. ඒ වගේම එක එක හැඩ වලට අකුරු ලියන්න එයාට පුළුවන්. ඒ විතරක් නෙවෙයි, කවි ලියන්න, රචනා ලියන්න, චිත්‍ර අදින්නත් එයාට පුළුවන්. මම වගේම Sports meet එකේ නැටුම් සංදර්ශන වලට බොරු ලෙඩ ගත්තට රෝෂණිට භාරත නටන්න පුළුවන් කියලා අපි විහිළු කරා.

_{Roshani sent me this few months ago}

රෝෂණි කියන්නේ නිවුන චරිතයක්. ඒ නිසාම තව කෙනෙක්ට ඇහුම්කම් දීල එයාව තේරුම් ගන්න හොඳ හැකියාවක් එයට තිබුන. මම ඒ හැකියාවෙන් ගොඩක් ප්‍රයෝජන ගත්තෙ A/L වලින් පස්සේ. ගොඩක් හිතට වද දෙන ප්‍රශ්න මම එය එක්ක කතා කරලා තියනව. එතකොට හිතට ලොකු සැනසීමක්.

ඉස්සර වගේම තවමත් එයා මගේ ඕන ප්‍රශ්නයක් අහන්න ලේස්තියි. රෝෂණි එයාගේ හැකියාවන් පාවිච්චි කරලා පුංචි ව්‍යාපාරයක් පටන් ගත්ත. ඒ Lassana Crafts. මමත් එක දවසක් එයාගෙන් චොකලට් පෙට්ටියක් Order කරා. එක දීපු දවසේ ඉඳන් පුදුම කැපවීමකින් එයා ඒක හදල දුන්න. එයාගේ හැම වැඩක්ම අතරේ අපි මෙහෙම දාමුද මේවා දෙමුද, මෙහෙම කරා නම් හොඳයි කිය කිය එයා මට ලස්සන නිර්මාණයක් හදල එව්ව. ඒ තමයි අපේ රෝෂණි!!!

ඉස්සරත් අදත් හෙටත් මතුවටත් රෝෂණි වගේ යාළුවෙක් ලැබුණ එක අපට වාසනාවක්. මමත් අපේ යාලුවෝ හැමෝමත් රෝෂණි ට ගොඩක් ආදරෙයි.

HAPPY BIRTHDAY @roshipeiris !

50% to Roshi :)