කඳුළු බිඳුව | 5% for SL Charity

සිතේ සිරවූ කඳුළු බිංදුව
මහමෙරක් සේ දැනි දැනී
නෙතු අගින් දොරේ ගලන්නට
අවසරය උව නොදෙනිමි
ගලා හැලෙනා කඳුළු ගංගා
සිය දහස් දෙන වුව දකී
ඉකි බිදින්නට නොහැකි කඳුළක්
ප්‍රේමයක් පමනක් දකී

මේක මගේ අත්දැකීම. කඳුළු කියන්නේ අපි හැමෝම ලඟ තියෙන දෙයක්. මං මේ කියන්නෙ විද්‍යාත්මකව. ඒ හැරුනුවිට කඳුළු කියන්නේ අපේ දුක ප්‍රකාශ කිරීමේ සංකේතයක්. කාගේ හරි ඇස් වලින් කඳුළු රූරා වැටෙන්න ගත්තොත් අපි දන්නවා ඒ කෙනා දුකින් ඉන්න බව. ඒත් කෙනෙක්ගෙ හිතේ තියෙන දුක, කඳුළු හැම කෙනෙක්ටම දකින්න බැහැ.

හිතට දරාගන්නම බැරි වෙන අවස්තාවකදී දුක කඳුළු වලට පෙරලෙනවා. ගොඩක් වෙලාවට ඒක තනියම ඉන්න අවස්තාවක් හෝ අපිට සමීපම කෙනෙක් ලඟ ඉන්න අවස්තාවක්. තවත් සමහර වෙලාවට පුලුවන් තරම් හිතත් එක්ක සටන් කරල කඳුළු හිර කරගෙන්න ඉන්න බලනවා.

_{Photo by Luis Galvez on Unsplash}

මම හොඳින් කියන හැම වෙලාවකම මම හොඳින් ඉන්න අවස්තාම නොවෙන්න පුලුවන්. ඒත් මම ඇත්තටම හොඳින් ද නැද්ද කියලා හැම කෙනෙක්ටම දැන ගන්නත් බැරි වෙන්න පුලුවන්.

අම්මා කියන්නේ අපි හැරෙනකොටම මොකක්ද අවුල කියලා දන්න කෙනා. අපි වෙනදට වඩා වැඩියෙන් නිදාගත්තත්, කෑම බීම ගන්න එක වෙනසක් උනත් එයා දන්නවා ප්‍රශ්නයක්ද නැද්ද කියලා.

තව කෙනෙක් ඉන්නවා, අපි දෙන්න කියන්නේ අපි දෙන්නා තරහාකරයො දෙන්නා කියලා. ගොඩක් වෙලාවට මම අවුලකින් ඉන්නවානම් එයා දන්නවා. එයා අවුලකින් ඉන්නවානම් මම දන්නවා. ඉස්සර බෝඩිමෙ ඉන්නකොට මම, සඳු (@sandu), නවෝ තුන් දෙනා, වැඩිය බඩගිනි නෑ, අද මම කලින් නිදා ගන්නවා වගේ සාමාන්‍ය හැසිරීමෙන් පිට පනිනකොට ප්‍රශ්නයක් කියලා දන්නවා. ඒ වගේ අපිව තේරුම් ගන්න පුලුවන් යාලුවෝ ලැබීම නම් ජීවිතේ ලොකුම වාසනාවක්.

ඉතිං අපේ ජීවිතේ මේ වගේ දුක කියාගන්න බැරි අවස්තාවකදි අපිට වැඩියෙන්ම ආදරේ කරන කෙනෙක්ට ඒක කියන්නත් කලින් තේරුම් ගන්න පුලුවන් කියන්නේ ඒක ලොකු සහනයක් වගේම ශක්තියක් කියලයි මම හිතන්නේ.

විශේෂයෙන්ම විවාහ වෙලා ජීවත් වෙනකොට අනිත් කෙනාගෙ දුක, කඳුළු කියන්න කලින් තේරුම් ගන්න පුලුවන් කෙනෙක් ලැබීම ජීවිතය පහසු කරවාවි. ඒ වගේම රැකවරණය, ආදරය වැඩි වෙවි.

ප.ලි. මගේ මූණේ ඉරියව් වෙනස් වෙනකොට, කෙල්ල අඬන්නද යන්නේ කියලා දන්න තව කෙනෙක් දැන් ඉන්නවා😂.