පුද්ගලයෙක් එකවර හඳුනා ගන්න ඔබටත් නොහැකිද? | 10% for SL Charity

ජීවිතේ එක එක කාල වලදී අපිට එක එක ආකාරයේ පුද්ගලයන් හමු වෙනවා. ඒ සමහරුන් සමීපතමයන් වනවා වගේම, තවත් සමහරුන් කාලයත් සමගම දුරස් වෙලා යනවා. මේ කවුරුන් ගැන උනත් අපෙ හිතේ රැදුන චරිතයක් තියෙනවා. සමහරවිට ඒක නිවැරදි වෙන්නත්, සමහරවිට ඒක වැරදි වෙන්නත් පුලුවන්.

ගොඩක් අවස්ථා වලදී, අපි පුද්ගලයෙක් මුනගැසුනවිට ඒ පුද්ගලයා මොන වගේ කෙනෙක්ද කියලා පෙර නිගමනයකට එලඹෙනවා. මම මේවගේ නිගමන වලට එලඹුන අවස්ථා ගනනාවකදීම, මගේ නිගමන වැරදිලා තියෙනවා. සමහරවෙලාවට ඔයාටත් මේ දේම වෙලා ඇති.

_{Photo by Brett Jordan on Unsplash}

මට සිදුවුන සිදුවීම් කිහිපයක් මම කියන්නම්. පලමු කෙනා මගේ හොදම යාලුවෙක් ලෙස මම හිතාගෙන හිටිය කෙනෙක්, 1 වසරේ ඉදලා 13 වසර වෙනකම් තිබුන යාලුකමක්, නමුත් ඇය අවසානයේ අපිට බොරු පවසලා අපිත් එක්ක තරහා වෙනවා.

දෙවනියට මම කියන කෙනා, ඕනම කෙනෙක්ට උදවුවක් ඕන වන වෙලාවක උදවු කරන කෙනෙක්. මම ඇය හඳුනාගත්විට සිතුවේ ඉතාමත් යහපත් කෙනෙක් බව.nනමුත් මේ කෙනාට තවත් වෙනස් චරිත ලක්‍ෂන තිබෙන බව හඳුනා ගන්න මට අවුරුද්දක් වගේ කාලයක් ගතවුනා. අනිත් අයට උදවු කරන හොඳ ගතිගුන තාම තිබුනත්, නරක ගතිගුන යලුවෙක්ගෙන් පිලිගන්න පුලුවන් දෙවල් නෙමෙයි.

මීළඟ දෙදෙනා මට හමුවෙන්නේ මගෙ ක්‍ෂේත්‍ පුහුනුව ලබන කාලයේදී. දැක්ක මුල් දවසෙදිම මම, එක්කෙනෙක් ගැන හිතුවේ, ආඩම්බරකාරියක් ලෙස. නමුත් ඇය මගේ සමීපම මිතුරියක් වුනා. පසුකාලෙකදී, අපි දෙන්නා උදේ හවස එකම කෝච්චියේ වැඩට යන්න එන්න තරම් යාලුවෝ උනා. අනිත් කෙනා ගැන කිව්වොත් මම හිතුවේ එයා ලස්සනයි කියලා. එත් මට ටික දවසකින් තේරුම්ගියා, ලස්සනට ඉන්න, පොෂ් වෙන්න එයා කොයිතරම් මහන්සි වෙනවද කියලා.

මේ හැම අවස්තාවකින්ම මම ඉගෙනගත්තේ, පුද්ගලයෙක් තෙරුම් ගැනීම කාලය අනුව තීරනය වෙන්නේ නෑ කියලා. ගොඩක් කල් යනවිට හොදින් තේරුම් ගන්න පුලුවන්න්ම් අවුරුදු 13කට පස්සේ මට යලුවෙක් නැතිවෙනේ නෑ.

මම තේරුම් ගත්ත විදියට, හැම කෙනෙක් ලඟම චරිත කිහිපයක් තිබෙනවා. ඒ ඒ අවස්ථානුකූලව බාහිර පුද්ගලයන් දකින චරිතය වෙනස් වෙනවා. නමුත් සැබෑම චරිතය දකින්නේ ගොඩක්ම සමීපතමයන් විතරයි.

සමහරවිට අපි පුද්ගලයා ගැන තීරනය කරන්න ඉක්මන් වුනා වෙන්නත් පුලුවන්, නමුත් බොහොවිට අපි දැක්කේ ඇත්තම චරිතය නොවෙන්නත් පුලුවන්.

කෙසේ නමුත් පුද්ගලයෙක් යනු මේ ලොකයේ තෙරුම් ගැනීමට අපහසුම දෙවල් වලින් එකක් විය හැකි.