සමරු ඵලක |5% to SL charity

හරියටම මාස හතරකට පස්සෙ ආපහු මගේ ගෙදරට එන්න අවස්ථාව ලැබුණේ ගිය සතියේ සෙනසුරාදා. පළාත් අතර සංචරණ සීමා දාලා තිබුන නිසා නිවාඩු ලැබුණත් මට ගෙදර එන්න අවස්ථාවක් ලැබුණේ නැහැ . කොච්චර සුවපහසු තැන් තිබුනත් මටනම් මගේ ගෙදර තරම් අනිත් කිසිම තැනක් හිතට සුවදායක නෑ. මොකද ගෙදර කියන්නේ ලස්සන මතකයන් පිරුණු හරිම ලස්සන තැනක්.

පහුගිය දවස් වල වැඩ කටයුතු කටයුතුත් එක්ක පෝස්ට් එකක් ලියන්න මට අවස්ථාවක් තිබුණෙ නෑ . ඒ වගේම ගෙදරටම හිර වෙලා හිටපු නිසා ලියන්න තරම් සුදුසු මාතෘකාවක් මගේ හිතට දැනුනෙත් නෑ. හැබැයි ගෙදර ආවට පස්සෙ ලියන්න ඕනි තරම් මාතෘකා මට ලැබුණා .

අපි කොච්චර වයසින් වර්ධනය වුණත් වුනත් අපේ සමහර මතකයන් වලට අපි තාමත් හරිම ආදරෙයි. ඒ විතරක් නෙමෙයි අපි පුංචි කාලේ ආසාවෙන් ලබා ගත්ත සෙල්ලම් බඩු එහෙමත් නැත්තං සිහිවටන වලට තාමත් ගොඩක් ආදරෙයි. මම පුංචි කාලේ ගොඩක් ආසාවෙන් කරපු දෙයක් තමයි සමරු පලක එකතු කරන එක. පුංචි මැටි පිළිම ,පිඟන් ගඩොල් වලින් හදපු පිළිම, සිප්පි කටු මේ වගේ දේවල් වලින් හදපු පුංචි ලස්සන සමරුඵලක ගොඩක් මං ගාව තිබුණා . මම කොච්චර පුංචි වුණත් මං ඒ දේවල් ආදරෙන් බලා ගත්තා . ඒත් මට ඒ දේවල් එක එක නැතිවුනේ මං ඒ දේවල් ලස්සනට ගෙදර සාලෙ තියලා තියෙනකොට ගෙදරට එන වෙන පුංචි අය අතින් ඒ දේවල් එක දෙක බිඳෙන කොට.

මම ඉස්සෙල්ලම මේ විදියට සමරු පලක එකතු කරන්න ගත්තේ හතර වසරෙදි. ඒ මගේ උපන්දිනේට මගේ අක්කා දීපු ලස්සන සමරු ඵලකයක ට ආස උන නිසා. ඒක පුංචි සුරංගනාවියකගේ පිලිමයක්.

මේ වගේ අවුරුද්දකට අඩුම තරමේ පුංචි පිළිම දෙකක් තුනක්වත් එකතු කරන්න මම පටන් ගත්තා. සමහර වෙලාවට සල්ලි එකතුකරල lovers shop එකකට ගියාම පුංචි ලස්සන සමරු පලක මම මිලදී ගත්තා.

මම ආස කරපු තවත් ඒ වගේ පුංචි සමරූ පිලිමයක් තමයි මේ තියෙන්නෙ. මේකත් මගේ උපන් දිනයකට දුන්නෙ මගේ පොඩි අක්කා. ඒක නං මං තවමත් ගොඩක් පරිස්සමින් ඉටිකොලේවත් අයින් කරන්නෙ නැතුව තියාගෙන ඉන්නවා .

2009 අවුරුද්දේ අපිව පාසලෙන් එක්කගෙන ගියා තවත් පාසලක ප්‍රදර්ශනයක් නරඹන්න. එතන විවිධ ආකාරයේ පුංචි වෙලෙඳ සැල් තිබුණා. එතෙන්දි මට මගේ යාළුවෙක් ලස්සන පුංචි පිලිමයක් තෑගි කලා. එයාට නම් මතකද දන්නෙ නෑ . මේ තියෙන්නෙ ඒ පුංචි ලස්සන පිළිමය. @randulakoralage ඔයාට මතකද මේක?

ඒත් මේ ලස්සන පිලිම ටික දැන් ගොඩක් කැඩිලා. මං ආසාවෙන් තියන් හිටපු සිප්පිකටු වලින් හදපු කුරුලු කුරුලු පවුලක පිලිමයක් ගෙදරට ආපු පොඩි එක්කෙනෙක් අතින් බිම වැටිල කැඩුනා. ඒත් ඒකට මං තවමත් ආදරෙයි. ඒ නිසා කැඩුණු සිප්පිකටු ටික පවා මං තාමත් අරන් තියාගෙන ඉන්නවා .

අපි කොච්චර ලොකු වුණත් උනත් සමහර ඒ අපි ආස දේවල් වෙන කෙනෙකුට දෙන්න වත් කැඩුණත් විසි කරන්නවත් කරන්න වත් අපි ආස නැත්තේ අපිට පුංචි කාලේ තිබුණු සුන්දර මතකයන් නිසා වෙන්න ඇති. අපි ඒ දේවල් ලබා ගන්නකං බලන් හිටපු හැටි, ඒවා ලැබුණම අපිට දැනුණු සතුට , දැන් අපිට ලබාගන්න හිතන්නවත් බෑ. අනිත් දේ තමයි දැන් කාලේ පුංචි අයට මේ වගේ දේවල් වටින්නේ නෑ . තාක්ෂණයත් එක්ක වගේම සුව පහසුකම් අතින් එයාලා ගොඩක් වෙලාවට ඉල්ලන්නේ ටිකක් ලොකු දේවල්.කොහොම උනත් මටනම් මේ පරණ මතකයන් තාමත් ඉස්සර තරම්ම් ගොඩක් සොඳුරුයි .