ජීවිතය කියන කතා පොතේ පිටුවෙන් පිටුව පෙරලද්දි අපිට අත්දකින්න ලැබෙන පුංචි පුංචි රස කතා, ලස්සන ලස්සන දේවල් වලින් අපි අපේ පිටු ලස්සන කර ගන්නවා වගේම මම හිතනවා අනිත් අයත් එක්කත් ඒ දේවල් බෙදා ගත්තම තව ගොඩක් අයගේ ජීවිත පොත්වල පිටු ලස්සන වෙන හැටි අත්දකින්න ලැබෙන එකත් හරි ලස්සන වැඩක් කියලා. ඉතින් යාලුවනේ, අද මම කතා කරන්න යන්නේ මම අත්දැකපු ලස්සන අත්දකීමක් ගැන.
දවස් කීපෙකට කලින් මම tiktok එකේ දැක්කා ගෑනු ළමයෙක් සිංදුවකට නටනවා. ඉතින් සිංදුව ඇහෙද්දිම දැන ගත්තා මේ සිංදුව ගැයෙන්නේ මම අහන්න ආසම කඩහඩකින් කියලා. ඒ වගේම තමා සිංදුවේ තාලේ. ඉතින් මම පිස්සුවෙන් වගේ සිංදුව ගැන හොයන්න පටන් ගත්තා. සිංදුව හින්දි සිංදුවක්. ඉතින් ඒ සිංදුවට නැටුම නටපු ළමයා ඒ සිංදුවේ නම දාලා නොතිබුණු නිසා මම හොදට සිංදුව අහලා වචනයක් අහගෙන ඒකෙන් හොයන්න පටන් ගත්තා. අන්තිමට මට සිංදුව හම්බුණා.
සිංදුවේ නම Bharala Ha Madumas. මම අහපු සිංදු කෑල්ලේ මම ආසකරන කටහඩ විතරක් ඇහුනට මොකද මේ සිංදුව යුග ගීතයක්. ශ්‍රියා ගෝෂාල් සහ අජේ ගෝගවලේ තමා මේ සිංදුව ගායනා කරන්නේ. මේ සිංදුව Maharashtra Shahir කියන චිත්‍රපටයේ එන ගීතයක්. හරිම සරල සංගීතයක් තමයි සිංදුව පුරාවටම ගලාගෙන යන්නේ. හරියට කනට මී පැණි වක්කරනවා වගේ. ඔයාලත් අහලම බලන්නකෝ.
ඉතින් යාලුවනේ, මටත් හිතුණා මේ සිංදුව කියන්න. මම ඉතින් youtube එකේ හෙව්වා මගේ පරාසෙට හරියන karaoke එකක් තියෙද කියලා. Original සිංදුවෙම තනුවට තමා karaoke තිබුණේ. ඒත් ඉතින් මම උත්සාහ කරා. ශ්‍රියා ගෝෂාල් වගේ දැවැන්ත හඩක් එක්ක ගත්තම මම තාම් පලවෙනි පඩිය නගින ගමන්. ඉතින් ඇය යොදන සියුම් අලංකාර, හැගීම් මම ගයද්දි නම් ඔයාලට ඇහෙන්නේ නැති වෙයි.හැබැයි මට එක පැත්තකින් හරිම සතුටුයි. ඒ තමයි ඕනිම භාෂාවකින් පැහැදිලිව උච්චාරණය කරලා සිංදුවක් කියන්න පුළුවන් ජාතියක කෙනෙක් වීම ගැන. දන්න තරමින් හැම භාෂාවම පැහැදිලිව උච්චාරණය කරන්න පුළුවන් විදියට දිව නැමෙන එකම ජාතිය සිංහල ජාතිය. එහෙම නේද?
Baharla Ha Madhumas Song | Cover
Artist:-Ajay Gogavale & Shreya Ghoshal
Karaoke:- Riyaz Karaoke Makers youtube.com/@riyazkaraokemakers5810
මේ තමයි මම ගත්තු පුංචි උත්සාහය. සංගීතය කියන්නේ විශ්ව භාෂාවක්ම තමයි. කිසිම තේරුමක්වක් වත් නොදැන මම ඒ සිංදුවට ආදරේ කරන විදියට මටම පුදුමයි. එන්න අපි අපේ ජීවිත කතා පොතේ පිටුවක් ලස්සන කරගමු.
-සඳුපි-
💚
Thank you, friend!
I'm @steem.history, who is steem witness.
Thank you for witnessvoting for me.
please click it!
(Go to https://steemit.com/~witnesses and type fbslo at the bottom of the page)
The weight is reduced because of the lack of Voting Power. If you vote for me as a witness, you can get my little vote.
Downvoting a post can decrease pending rewards and make it less visible. Common reasons:
Submit