Trinco බලා.. | Day 1 | 5% for SL-Charity

කලකට පස්සේ පොඩ්ඩක් මම නිදහස් උනේ මගේ එක්සෑම් එකේ වැඩ ඉවර උන නිසා.ඒක ඉවර වෙලා නම් දැනට මාසයක් විතර වෙනවා.ඒක ඉවර වෙනකම් මම බලන් හිටියේ කොහේ හරි අළුත් තැනක යන්න ඇවිදින්න හිතාගෙන.කොහොමහරි මං අද කියන්න යන්නේ ඒක ඉවර වීමත් එක්කම අපි ගියපු පොඩි trip එකක් ගැන.එක්සෑම් එක ඉවර වුණේ නම් Friday දවසක.කොහොමහරි ඒක ඉවර වෙලා පැය භාගයක් ගියේ නැහැ මට කෝල් එකක් ආවා weekend එකේ ට්‍රිප් එකක් කියමු කියලා අහලා.මමත් එක්සෑම් එක නිසා ගොඩක් හෙම්බත් වෙලා හිටියේ .ඒ නිසා මමත් එක පයින්ම ඒකට හා කිව්වා.අඩුම තරමේ මම යන්නේ කොහේද වත් කියලා ඇහුවේ නෑ .පස්සේ තමයි කිව්වේ Trinco තමයි යන්නේ කියලා .

ඔයාලට මතක ඇති මම දඹුල්ලේ යාලුවෙක්ගෙ place එකට ගියපු කතාවක් මීට පෙර කිව්වා. මේ පාරත් මේ Trinco trip එකේ ආරම්භය වුනේ මගේ ඒ යාළුවගේ place එක. මම සිකුරාද හවස ම බස් එකේ නැගලා එහෙ යන්න පිටත් වුණා. අපි ඔක්කොම සෙට් උනේ යාළුවගේ place එකේ. එදා රෑ අපි ඔක්කොම නිදා ගත්තෙ පහුවදා උදේම නැගිටින්න හිතාගෙන. දන්නවනේ ඉතින් නින්ද කියන එක කොච්චර වැදගත් ද කියලා. කොච්චර වැදගත්ද කියනවනම් පහුවදා අපි නැගිටිද්දී උදේ 10:30 යි . උදේ නැගිටිද්දී පරක්කු වුනත් ට්‍රිප් එකේ ගෙනියන්න අවශ්‍ය කරන ඔක්කොම අපි පැය දෙකක් වගේ යද්දි සූදානම් කරගත්තා.

අපි Trinco ගිහින් නවතින්න ප්ලේස් එකක් බලලා තිබ්බේ. ඒක beach එක අයිනෙ තියෙන ලස්සන නිදහස් place එකක්. අපිට booking charge වලට ගියෙ පොඩි ගානක් උනත් එතැනට ගියාට පස්සේ තමයි තේරුනේ ඒක හොඳ ප්ලේස් එකක් කියලා. එතනට යද්දි නම් ඒ ප්ලේස් එකේ කවුරුත්ම හිටියේ නෑ. security uncle විතරයි හිටියේ. එයා දන්නෙත් නෑ අපි එතැන book කරලා කියලා. පස්සේ එයාට කියලා අපි ඇතුලට ගියා. අපි එදා රාත්‍රිය එහි ගත කළේ පුංචි BBQ පාටි එකක් එක්ක. පස්සේ අපි බෝඩිමේදි හදාගෙන ආව paste එකත් එක්ක chicken ටික මික්ස් කරල BBQ දැම්මා. පස්සේ BBQ පාටියක් එක්කම අපි එළිවෙනකම් සින්දු කිව්වා. අපි නැවතිලා හිටිය placeඑකේ එදා රෑ නම් හිටියේ අපි විතරමයි. ඒ මොකද කියන්න නම් දන්නෙ නෑ. ඒ නිසා අපි නිදහසේ සිංදු කිව්වා. අන්තිමට නිදා ගත්තෙ හතර හමාරට විතර. මෙහෙම තමයි අපේ ට්‍රිප් එකේ පළවෙනි දවස ඉවර උනේ.