Minnal Murali (2021) | 5% For SL-Charity

කාලෙකට පස්සෙ මම කියන්න හදන්නේ මේ ළඟදී release වුණ ලස්සන මලයාලම් චිත්‍රපටයක් ගැන. සොඳුරු මලයාලම කියූ හැටියෙම අපිට මතක් වෙන්නෙ සරල, සුන්දර ස්වාභාවික ලස්සනක් එක්ක බැඳුණු ආදර කතා. ඒක මලයාලමට සුවිශේෂී දෙයක්. ඒත් Minnal Murali? ඒක තවත් විශේෂයි. ඒකට හේතුව තමයි Minnal Murali කියලා කියන්නේ මලයාලමෙන් බිහි වුණ සුපිරි වීරයෙක්. ඒ කියන්නේ මේක superhero movie එකක්.

Source

අපි මෙච්චර කල් දැනගෙන හිටියේ Superman, Spiderman, Batman වගේ අයනේ. එයාලගේ චිත්‍රපටි අපි නරඹලත් තියනවනේ. එතකොට ආයේ ඉන්දියාව පැත්තෙන් Krrish, Flying Jatt වගේ සුපිරි වීරයන්ව නිර්මාණය කරලා තියනවා. ඒ අතරට අලුතින්ම එකතු වුණ සාමාජිකයා තමයි Minnal Murali.

Source

මේ ගැන කෙටියෙන් කිව්වොත් අපේ කතාවේ වීරයා තමයි ජේසන්. ජේසන්ට බොහෝම සාමාන්‍ය විදියට ජීවත් වුණ කෙනෙක්. එයාට මේ සුපිරි බලය ලැබෙන්නෙ අවුරුදු 700කට වතාවක් සිදු වෙනවයි කියන ත්‍රිකෝණාකාර ග්‍රහ පිහිටීමක් නිසා ඇති වන අකුණක් වැදිලා. කතාවේ වීරයෙක් ඉන්නවා නම් දුෂ්ඨයෙකුත් ඉන්නම ඕනනේ. ජේසන්ට වගේම මේ අකුණ නිසා සුපිරි බලයක් ලැබුණ තව කෙනෙක් ඉන්නවා. ඒ ගැන විස්තර ෆිල්ම් එක බලලම හොයාගන්න එක හොඳයි. 🤭

Source

ජේසන්ගේ චරිතය රඟපාන්නෙ මම පෞද්ගලිකව ආස කරන නළුවෙක් වන Tovino Thomas විසින්. අපි මලයාලම් වල හොයන සුපුරුදු ලස්සන මේකෙත් තියනවා. වෙනසකට තියෙන්නෙ අපි හොයන ආදර කතාවක් මෙතන නැති එක විතරයි. අපි බලලා තියන superhero movies වල වගේම මේකෙත් තියනවා ජේසන්ට සුපිරි බලය ලැබෙන හැටි, තමන්ට එහෙම බලයක් තියනවා කියලා දැන ගන්න හැටි, ඒක අත්හදා බලන හැටි ඒ වගේම එයාට ඇඳුමක් හදා ගන්න හැටි එහෙම ලස්සනට ඉදිරිපත් කරලා තියෙනවා. ඒ හැමදේම මලයාලම් ෆිල්ම් වල culture එකත් එක්ක සම්බන්ධ කරලා ඊට ආවේණික විදියට ඉදිරිපත් කරලා තියෙනවා. මේක මලයාලමේ අපි දකින සුපුරුදු කතා තේමාවෙන් පිට පැනලා අලුත් සුපිරි වීරයෙක්ව හඳුන්වලා දෙන්න අරගෙන තියන සුන්දර වගේම සාර්ථක උත්සහයක්. හැබැයි ඉතින් ඒ දේ පේන්නෙ Marvel, DC ඇහෙන් නොබැලුවොත් විතරයි. 🌚