السلام وعلیکم محترم دوستو

اللّٰہ پاک کے نام سے شروع کرتا ہوں جو بڑا مہربان اور نہایت رحم والا ہے ۔بارہ ربیع الاول مسلمانوں کے لیے سب سے اہم اور خاص دن ھے بارہ ربیع الاول کو ھمارے پیارے نبی صلی اللّٰہ علیہ وسلم کی ولادت باسعادت کا مبارک دن ھے اور آپ صلی اللّٰہ علیہ وسلم کی شان بیان کرنا کسی انسان کے بس کی بات نہیں کیونکہ خود اللّٰہ پاک نے قرآن پاک میں ارشاد فرمایا کہ اے میرے پیارے محبوب حضرت محمد صلی اللہ علیہ وسلم میں نے آپ کا ذکر بلند کر دیا میرا محبوب بڑی شان والا ھے اور میں نے پوری کائنات کے لیے رحمت العالمین بنا کر بھیجا ۔
بارہ ربیع الاول کے دن دنیا کے کسی بھی کونے میں کیوں نہ ہوں یہ دن بڑی شان و شوکت سے مناتے ہیں اور اپنے پیارے رسول حضرت محمد صلی اللہ علیہ وسلم سے محبت کا اظہار کرتے ہیں اور خوش قسمت ہیں وہ لوگ جن کو یہ سعادت نصیب ھے ۔

جلوس میں شرکت

بارہ ربیع الاول کے دن ھمارے گاؤں میں بہت محبت بہت عقیدت و احترام سے ایک ریلی نکالی جاتی ہے جو کہ صدیوں سے جاری ہے ہر آدمی گھر سے تیار ھو کر نکلتا ہے نئے کپڑے نئے جوتے اور گروپ کی شکل میں گھروں سے نکل کر آتے ہیں اور ایک مرکزی جگہ پر جمع ھوتے ھیں اور پھر وہاں سے جلوس کی شکل میں پورے شہر کا دورہ کرتے ہیں پھر تری خیل شہر سے نکل کر مین روڈ پر جاتے ہیں وہاں سے اڈے پر سٹاپ کرتے ہیں جہاں پر مختلف علماء تقاریر کرتے ہیں پھر یہی جلوس اڈے سے نکل کر دلیوالی کے جلوس میں شامل ھو جاتا ھے اور آگے اور آستانہ عالیہ خواجہ آباد شریف پر اختتام پذیر ھوتا ھے ۔

جلوس کے آنے کا انتظار

ھم صبح ساڑھے سات بجے تیار ھو کر گھر سے نکل گئے جس وقت ھم تری خیل شہر پہنچے تو جلوس ابھی شہر کی گلیوں میں ہی سے گزر رہا تھا ھم وہاں سے جلدی جلدی تری خیل اڈہ پر پہنچ گئے جب ھم پہنچے تو ھم سے پہلے بہت سے لوگ وہاں جمع تھے ہر طرف خوشی کا سماں تھا کوئی جھنڈیاں لگا رہا ہے تو تو کوئی بینر آویزاں کر رہا ھے کوئی نعلینِ پاک کے سٹیکر بانٹ رہا ھے تو کوئی چاول اور حلوہ کا لنگر تقسیم کررہا ھے ھم بھی وہاں گھل مل گئے اور سب سے اونچی جگہ پر کھڑے ہو کر جلوس کو آتا دیکھنے لگے دل میں کیفیت کچھ ایسی تھی کہ زبان سے بیان کرنا ممکن نہیں اونچی جگہ پر کھڑے ہو کر جلوس کو نہر کے پل سے گزرتے دیکھا تو دل میں خیال آیا کہ کیوں نہ اس جلوس کی تصویروں کو اپنے کیمرے میں محفوظ کیا جائے تو فوراً میں نے موبائل نکالا اور جلوس کی تصویریں بنانا شروع کر دیں جس طرف نظر جاتی تصویر بنا لیتا جب جلوس محفل والی جگہ پر پہنچا اور تقاریر کا سلسلہ شروع ہوا تو پھر میں نے تصویریں بنائیں بچے بڑے نوجوان اور بوڑھے سب کو کیمرے کی آنکھ سے دیکھا اور کیمرے میں محفوظ کیا ۔

--	--
--	--

دلیوالی جلوس میں شرکت

تری خیل اڈے پر جب تمام پروگرام اختتام پذیر ھوئے تو پھر وہاں سے دلیوالی جلوس میں شامل ھونے کا ارادہ کیا اور تمام لوگ پھر تری خیل اڈہ سے جلوس کی شکل میں دلیوالی کی طرف روانہ ہوئے جب دلیوالی شہر پہنچے تو وہاں کے لوگوں کی حضرت محمد صلی اللہ علیہ وسلم کی ذاتِ مبارکہ سے محبت دیکھ کر دل میں کیفیت کچھ عجیب سی ھوئی سمجھ میں نہیں آ رہا تھا کہ ان کی محبت دیکھ کر میں اپنی محبت کا اظہار ان اے کیسے کروں ہر طرف گلیوں کو خوبصورت بینر خوبصورت جھنڈے خوبصورت پھولوں سے سجایا ھوا تھا ہر چہرے پر مسکراہٹ تھی ایک دوسرے سے گلے مل رہے تھے ایک دوسرے کو عید میلادالنبی صلی اللہ علیہ وسلم کی مبارک باد دی جا رہی تھی بہت لاجواب اور دلکش نظارے دیکھنے کو ملے میں یہ تمام مناظر آنکھوں سے دل سے اور اپنے موبائل فون کے کیمرے سے اندر محفوظ کرتا رہا کوشش یہی تھی کہ کوئی لمحہ میری آنکھوں سے اوجھل نہ ہو ہر نظارہ سمیٹ لوں
ہر طرف سے لبیک یا رسول اللّٰہ کی صدائیں بلند تھیں آقا پاک صلی اللّٰہ علیہ وسلم سے اظہارِ محبت کی مثال قائم کی جا رہی تھی میں نے ہر طرف کیمرہ گھمایا اور سب کچھ اپنے پاس سمیٹ لیا ۔

--	--
--	--
--	--

اونٹ اور ٹریکٹر پر جلوس

ھم ایک پاسماندہ علاقے میں رہتے ہیں اور یہاں کے لوگ زیادہ تر غریب گھرانوں سے تعلق رکھتے ہیں یہاں وسائل کی کمی تعلیم کی کمی اور روزگار کی کمی یہ بہت بڑے یہاں کے مسائل ھیں لیکن آقا پاک صلی اللہ علیہ وسلم کی ذاتِ مبارکہ سے اظہارِ محبت بہت دل آویز دیکھنے کو ملا جس آدمی کے پاس جو وسائل تھے اس غریب آدمی نے اسی کا استعمال کر کے اپنی محبت کا حصہ ڈالا کسی نے اونٹ گاڑی کو سجایا ھوا ھے تو کسی نے ٹریکٹر ٹرالی کو چار چاند لگا کر جلوس میں شامل کیا بے شک مالی طور یہ لوگ ھوں گے لیکن ان کی محبت اس بات کی گواہی دے رہی تھی کہ وہ لوگ دل کے بہت امیر ھے اور اس بات کی گواہی میرا رب قیامت کے دن ضرور دے گا یقین مانیں جتنی دیر میں یہ خوبصورت نظارے دیکھتا رہا میرا دل اور میری آنکھوں سے آنسوں جاری رہے کہ واقعی میرے نبی پاک صلی اللّٰہ علیہ وسلم بڑی عظمت و شان والے ھیں اور الحمدللہ ھم بھی اس جلوس کا حصہ بنے اور پورے علاقے کے جلوس اسی جلوس میں شامل ھو گئے مین روڈ کو مکمل طور پر ٹریفک کے لیے دونوں اطراف سے بند کر دیا تھا الحمدللہ سیکیورٹی کے سخت انتظامات کیے گئے تھے پبلک ٹرانسپورٹ کے لیے متبادل راستہ چھوڑ دیا گیا تھا تاکہ کسی مسافر کو کسی دشواری کا سامنا نہ کرنا پڑے جب جلوس ختم ھوا تو بچوں کو ساتھ لے کر گھر واپس آگیا
آج کی پوسٹ اردو زبان میں لکھی گئی ہے آئندہ پھر انگلش ہی استعمال کروں گا کوئی بھی بات ناگزیر گزری ھو تو معذرت خواہ ہوں دعاؤں میں یاد رکھنا اللّٰہ حافظ ۔

--	--
--	--
--	--

Regard

@khang572