အန်ထုတ်လိုက်မိတယ်

တစ်နေ့ကပေါ့ ဖေ့စ်ဘုတ်လေးသုံးရင်း စာသားလေးတစ်ကြောင်းဖတ်မိ

အောင်မြင် သူတွေရဲ့ အကြောင်းကို မဖတ်ပါနဲ့
ကျရှူံးသူတွေရဲ့ အကြောင်းကို ဖတ်ပါတဲ့

ကျရှူံးသူဆိုတာ မအောင်မြင်သေးတာလား
အောင်မြင်ပြီးမှ ကျရှူံးတာလား (ဝေခွဲမရ ဖြစ်မိ)

သေချာတာကတော့ ဒီအဖြေအတွက် စာအုပ် သမားကြီးတွေက
အမျိုးမျိုး ဖြေကြမပေါ့။

ဘယ်လိုပဲ ဖြေကြ ဖြေကြ
ကိုယ်ဟာ ကျရှူံးမှုတွေနဲ့ ရင်းနှီး ပြီးသားမို့
လှောင်ရယ်သံတွေနဲ့ အသားကျနှင့် ။

နောက်ကျောဓားနဲ့ထိုးတဲ့ တိုးတိုးတိတ်တိတ် အတင်းဖျင်းတွေနဲ့
မျက်နှပြောင်တိုက်တက်တဲ့ ခပ်နှိမ့်နှိမ့် စကားလုံးတွေကြောင့်
မုသားရဲ့သားကောင်းလည်း ဖြစ်ခဲ့ဖူး ။

ဘာတွေရေးမိမှန်းမသိသလို ခံစားချက်တွေကိုလည်း
အမည်မဖော်တက် ။

ရင်ဝတည့်တည့်မှာ စူးနေတဲ့ စကားလုံးတွေကို
အန်ထုတ်လိုက်မိတယ်...