sfcharity50pc | Vegan Pizza Margarita by @fatimasabirli

Hamıya kainatın gözəlliklərini arzulayıram.Bu gün sizinlə çoxumuzun sevimli yeməyi olan pizza resepti paylaşacam. Ancaq bildiyiniz kimi biz veqan ailə olduğumuz üçün, bu resepti də özümüzə uyğun, etik şəkildə hazırlayacam. Çox uzatmadan keçək reseptə

Xəmir üçün lazım olan inqrediyentlər:
150 qr un
0.5 ç.q duz
2 ç.q quru maya
30 ml bitki yağı
40 ml ilıq su ( lazım olsa, biraz da əlavə etmək olar)

Xəmiri yoğurub, üzərini ya streçlə, ya da dəsmalla bağlayın və 30 dəqiqə gözləyin

Sous üçün:
1 x.q tomat pastası və 30 ml suyu qarışdırın
Lazım olan digər inqredientlər:
3 ədəd pomidor
2 dəstə reyhan
Və vegan əriyən pendir

Hazırlanma qaydası
Pomidorları doğrayırıq

Vegan pendiri sürtgəcdən keçirdirik

Xəmir 30 dəqiqə acıdıqdan sonra onu oxlov vasitəsilə açırıq

Xəmiri açdıqdan sonra mən, kənarları boş qalmasın deyə pendir qoyuram. Belə daha dadlı olur

Sonra sobanın qabına bişirmə kağızı qoyub, xəmiri ora yerləşdiririk

Daha sonra sousu üzərinə çəkirik

Reyhanları səliqəli şəkildə düzürük

Öncədən doğradığımız pendirləri düzürük

Pomidorları düzürük və üzərinə son toxunuş edərək reyhanı qoyub veririk sobaya

180 dərəcəli sobada 20-25 dəqiqə bişirin

Və Margarita hazırdır.

Çox gözəl görüntü ilə yanaşı, dadı da əla oldu. Rəsmən pendir axırdı və yumşaq idi.
Üzərinə pesto sousu yaxıb, nuş etdik

Sonda, bu prestijli cəmiyyətə @steemfoods və @alikoc07 -yə bizə reseptlərimizi öyrənib paylaşa biləcəyimiz bu məkanı təqdim etdikləri üçün təşəkkür etmək istəyirəm.

Bu yazıdan əldə edilən mükafatların 50% -i, ehtiyacı olanlara kömək etmək və dəstəkləmək üçün @ sf-xeyriyyə hesabına gedir.

Bütün fotoşəkillərin müəllifi mənəm və Redmi cib telefonu ilə çəkilib