Asslamu alaikum wa Rahmatullah.
Apne amaal pr ghamnd na kro.
Hazrat Abu Huraira R.A farmate he ki Nabi Kareem S.A.W ko ye irshad farmate huye suna:
Bani israeel me do 2 dost the, ek un me gunah kiya krta tha, or dusra khub ibadat kiya krta tha.
Aabid jb bhi gunah krte huye dekhta to us se kehta ki gunah se ruk ja.
Ek din use gunah krte huye dekha to phir kaha ki baaz aaja.
Usne kaha ki mujhe mere rab pr chor de me janu mera rab jane, kya tujh ko mujhe pr nigran bna kr bheja gya he?
Aabid ne gusse me aakr kaha Allah ki qasam!
Allah taala teri maghfirat nhi krenge ya ye kaha ki Allah taala tujhe jannat me dakhil nhi krenge.
Phir dono ka inteqal ho gya or aalam e arwaah me dono Allah taala ke samne jama ho gye.
Allah taala ne aabid se puchha: Kya tum mere bare me jante the ki me muaf nhi krunga ya muaf krna jo mere qabze me he kya tumhe us pr qudrat hasil thi ki tum mujhe muaf krne se rok do ki jo daawa kya ki Allah taala teri maghfirat nhi krenge.
Or gunahgar se irshad farmaya: mere rehmat se jannat me chla ja is liye ki vo rehmat ka ummeedwar tha or aabid ke bare farishto se farmaya ki use dozakh me le jao.
Hadees shareef ka ye matlab nhi ki gunah pr jurat ki jaye is liye ki us gunah ki muafi Allah taala ke fazal se huyi.
Zaruri nhi ki hr gunahgar ke sath yhi mamla ho kyunki usul to yhi he ki gunah pr saza ho or na ye matlab he ki gunaho or najayez kamon se roka na jaye.
Quran o hadees me sainkaro jagh gunaho se rokne ka hukm he or na rokne pr waeed he.
Balki hadees ka mansha ye he ki aabid ko apni ibadat pr ye ghamnd nhi hona chahiye ki vo khudayi ikhteyarat me dakhal de kr itni badi bat kehne ki jurat kr ki qasam kha kr kisi ki maghfirat ka inkar kr de jbki Allah taala ko ye haq he ki jise chahe bakhsh skte he.
Shukriya..
