Assalamu alaikum wa Rahmatullah.
Esi biwiyon pr farishton ki la'anat.
Rasool Allah S.A.W ne farmaya ki jb koi mard apni biwi ko apne bistr ki taraf bulaye, or ye shohr biwi ke makhsus talluqat ki taraf kinaya he.
Yani shohr apni biwi ko in talluqat ko qayem krne ke liye bulaye, or vo aurat na aaye, ya esa tarz e amal ikhteyar kre jis se shohr ka vo mansha pura na ho, or us ki wajh se shohr naraz ho jaye.
Sari raat subah tk farishte us aurat pr la'anat bhejte rehte he ki us aurat pr khuda ki la'anat ho.
Or la'anat ka matalab ye he ki Allah taala ki rehmat us ko hasil nhi hogi, is liye ki tumhare itne huquq biyan kiye gye, tumhare huquq ka lehaz kya gya.
Us ka mansha drhaqiqat ye he ki tumhare or tumhare shohr ke darmyan jo talluq he vo durst ho jaye.
Or us talluq ki dursti ka ek lazmi hissa ye he ki tumhare zariye shohr ko iffat hasil ho, paak damni hasil ho.
Nikah ka bunyadi maqsad ye he ki paak damni hasil ho, or nikah ke baad shohr ko kisi or taraf dekhne ki zarurat na rhe.
Is liye tumhare zimme ye fareeza aayed hota he ki is mamle me tumhare taraf se koi kotahi na ho.
Agr koi kotahi hogi to phir farishto ki taraf se tum pr la'anat hoti rhegi.
Shukriya..
