Assalamu alaikum wa Rahmatullah.
Bachon ko buzrgo ka adab sikhao.
Bachon ko bado ka adab sikhao or bado ka ekram krne ki taaleem do.
Jo bache bado ka adab krte he to bade un ko achhi achhi nasihate krte he, or buzrgo ki nasihate un ke liye aab e hayat sabit hoti he.
Agr bache bado ka adab krenge to un ki nasihate bhi dil ki tawajjo se sunege or us pr amal kr ke fayeda uthayenge.
Lekin agr un ki izzat or adab na krenge to un ki nasihaton ko bhi ehmiyat na denge.
Or is tarah vo bado ke ilm or un ke tajurbon se kuch bhi fayeda na utha skenge.
Jo bacha ustazon ka adab krta he to ustaz us bacha ko mehnat, tawajjo or bahut pyar se prhate he.
Or chahte he ki ese pyare or honhar bache ko kisi tarah bhi apna ilm ghol kr pila de.
Jo bache bado ka adab krte he to vo un se mohabbat krte he, un ko duayen dete he, aqal or tameez ki bate sikhate he, or be adabi krne wale bache esi barkato se mehroom rehte he.
Is liye maa ko chahiye ki vo apne bacho ko bado ka adab krne ki taaleem de.
Shukriya..