Gamba: ceukrenchot
Yang paleng canggih bak jameun jinoe, nyankeuh hp nyoe wahee syedara
Gara-gara na hp bak jameun jinoe, abeh dum rugo pabrek kamera.
Tip ngen vcd, hana le soe bloe, kalender jeum jaroe bak hp kana, yang baca koran hana payah bloe, wartel pih rugo ka gulong tika.
Teulepon rumoh yang pakek taloe, hana le soe bloe katinggai masa
Tv, radio jareung yang deungoe, bak hp jinoe lengkap semua.
Gamba: ceukrenchotMeu judi jameun payah meusom droe, meu judi jinoe lam kawan raya.
Rata aneuk mit hp bak jaroe, meunyoe han geubloe jipoh yah ngen ma.
Hp that peunteng bak jameun jinoe, tapi geutanyoe beukeng agama.
Belanja online maju that jinoe, toke tan meuso, barang katroek teuka.
Abeh aneuk mit cukop that palo, lale tip uroe meu en game online ngen nonton tik tok, oh abeh paket, kajipoh adoe, payah geujak bloe ngen peng PKH.
Gamba: ceukrenchotHp that canggih bak jameun jinoe, aneuk geutanyoe beukeng agama. Ban na berita di luwa nanggroe, katrok bak tanyoe lam siklep mata.
Jama'ah mugreb jiduk 3 droe, yang le meusaho rata pos jaga, kadang na salah yang loen karang syae nyoe, peumeu ah hai adoe ken loen sengaja.
By @midiagam
