Paano mapansin ng mga curators at magkaroon ng posibleng upvotes? (How to get noticed by the curators and gain possible upvotes?)

Ang mga hinahangaan nating sikat na content creator dito sa Steemit ay katulad din nating lahat na nagsimula sa pagiging baguhan. Dumaan din sila kung ano man ang proseso na pinagdaanan natin ngayon. Dapat tandaan na walang mahirap kung tayo ay mag pursige at patuloy na mangarap. Katulad ko hindi ko rin inaasahan ang mga bagay na nakamtan ko ngayon sa Steemit dahil isa lang akong ordinaryong tao. Ngunit nagsikap akong matuto at pinahalagahan ko kung ano man ang binigay sa akin ng platform na ito.

Hindi madali ang journey natin dito sa Steemit, minsan dumating talaga sa punto na ma discourage tayo at sabihin sa ating sarili kung saan tayo na nagkamali at bakit hindi tayo nakatanggap ng upvotes sa mga malalaking curators’. Kaya ginawa ko ang artikulong ito sa hangaring na makatulong sa ating lahat at gawing tama ang mga mali sa ating pagawa ng ating content.

1.Maging Aktibo- Ugaliin nating maging aktibo sa paggawa ng iba't ibang content na may kalidad at pagkaroon ng engagement sa pamamagitan ng pakikipagpalitan ng makabuluhang kumento at sumali sa mga contest mula sa ibat ibang kumunidad. Isa ito sa unang makakuha ng atensyon sa mga curators.

2. Sundin ang mga Community Rules- May ibat ibang rule ang bawat community na dapat sundin. Katulad ng pag set ng iba't ibang percentage ng inyong post income sa community account at pagkaroon ng delegasyon. Makakatulong ito sa pagpalaki ng Steem power sa isang community account kung saan ito ang gagamitin sa pag upvote ng ating mga post.

3. Sundin ang basic protocol ng Steemit sa paggawa ng posts- Hindi tayo basta basta na lang gagawa ng content at mag post. May mga alituntunin tayong dapat sundin.

• Gamitin ang #steemexclusive at #burnsteem25 tag- Ang #steemexclusive tag ay ang pinaka importante sa lahat ng mga tags. Ibig sabihin nito na ang inyong posts ay exclusive lamang sa Steemit at hindi ninyo itong maaring i post sa ibang social media blogging site. Ang #burnsteem25 naman ay ang pag set ng 25% pay out ng inyong post sa @null account. Basahin ang buong detalye sa link na ito.

• Maging orihinal at iwasan ang pagkopya sa ibang gawa, "plagiarism" ang tawag dito kapag kayo ay mahuli. Dapat nating tandaan na may mga tools ang mga curators upang ma detect ang ating mga posts. Marami na ang mga nahuli nito at ang mabigat na parusa ay tuloyan ma "mute" ang inyong Steemit account.

• Gumamit lamang mula 8 hanggang 10 mga letrato. Ang ibang posts minsan ay subra na ang mga letrato. Dapat natin tandaan na hindi priority ng mga curators ang inyong mga letrato kundi ang kalidad ng inyong artikulo. Kaya dapat piliin lang ang inyong pinaka magandang letrato para hindi masayang ang oras ng mga curators.

4. Gawing presentable ang inyong posts sa pamamagitan ng paggamit ng wastong markdowns-Ang markdown ang syang nag papaganda sa ating mga post ngunit hidi rin ito dapat sumobra. Ang advice ng mga curators ay dapat may caption ang bawat letrato sa inyong content. Para sa karagdagang kaalaman basahin ang post ni @kneelyrac tungkol sa basic markdowns ng Steemit sa link na ito.

5. Palakihin ang inyong steem power sa pamamagitan ng pag power up-Hindi natin dapat e drain ang ating account dahil nakakasama ito sa Steemit ecosystem. Kaya may #club5050, #club75, #club100 tayong dapat pagpilian sa ating account status. Karamihan sa atin ay alam na kung ano ang ibig sabihin nito. Ang pag power up sa ating account ay reflection natin at dito makikita ng mga curators kung karapatdapat ba tayo sa kanilang supporta. Huwag din natin kalimutan na hindi tayo dapat mag self vote. Dapat gamitin natin ang ating steem power sa pamamagitan ng pag upvote sa ibang posts.

Sana ay makatulong ang post na ito sa ating lahat lalo na sa mga bago. Hindi man kayo mapansin sa mga curators’ ngayon, hindi kayo dapat mawalan ng pag-asa kundi patatagin ang inyong sarili, maging aktibo at mag basa ng ibat ibang post para mag karoon ng idea kung ano ang dapat gawin. Hindi tayo dapat tumigil sa pag diskubre sa ating sarili at gamitin ang ating mga potensyal bilang isang manunulat.

Dapat nating tandaan na ang "tanim na mataas ay syang nakatangap ng sinag ng araw."

Cover image arranged via Canva

Inyong lingkod,
@juichi