Burnsteem25|| December 4, 2022|| The Diary Game Season 3|| "Beach Travel"

Magandang hapon sa lahat lalo na sa mga magigiliw na magbabasa dito sa dito sa ating komunidad. Ang ibabahagi ko para sa araw na ito ay ang pagpunta ko sa isa sa mga magagandang tanawin dito sa aming lugar at ito ay ang Lamisahan na matatagpuan sa Barangay Punta Silum sa Manticao Misamis Oriental. Kaninang umaga ay nagpasya ako kasama ang aking mga kaibigan na gumala sa dalampasigan at dahil maganda ang lugar kaya kumuha ako ng letrato. Makikita dito ang mga sasakyang pandagat o mga bangka na inilagay sa lugar na hindi maabot ng tubig dagat. Medyo malalaki at malalakas kasi ang mga alon dahil sa malakas din ang hangin kaya minabuting ilagay ang mga bangka sa ligtas na lugar.

Lubos akong namangha sa nakita kong malaking tipak na bato at sa pakiwari ko ay naporma ito dahil sa tubig na humahambalos sa bato. Ayun sa mga nakakatanda na nakatira dito sa lugar, dati itong daanan ng mga tao. Ang lugar na ito ay sementado at aspaltong daan ng mga tao noong nakaraang panahon. Nagsisilbi itong shortcut sa kanila noon at kumokonekta ito sa dalampasiganng Barangay Calangahan na ngayon ay naging dalampasigan na rin. Ang malaking tipak ng bato ay nakasandal ito sa maliit na bato habang humahambalos ng alon dito.

Dito sa lugar na ito kapag may lowtide ay maraming pumupunta dito para manguha ng mga makakain sa hapagkainan. Kadalasang makikita sa mga bato dito ay mga tulya, hipon, alimasag at minsan ay mga isda kong swertehin. May mga naglalakad din dito lalo na kong tuwing hapon at minsan ay kumukuha ng mga letrato lalo na sa paglubog ng araw. Kadalasang makikita dito sa dalampasigan ay mga malalaki at malalapad na mga bato dahil inilagay kasi ito at sinadya din dahil sa paggawa ng daan noong nakaraang panahon.

Ang malaking bato na ito ay aspaltong daan noong unang panahon at malaking kahoy ang makikita daw dito noong una, pero ngayon ay puro katubigan na ng makikita. Dito rin nagsisipagligo ang mga taong gustong maligo sa dagat at nagsisilbi itong entablado sa kanila. May mga butas-butas sa ibabaw na parte nito kasama na ang mga talaba pero unti-unti nang kinuha ng mga tao dahil makakakain naman ito.

May floating cottage din dito dahil malapit lang din naman sa bagong beach resort dito sa Barangay Punta Silum. Pero dahil sa nakakaranas ng malalakas na alon ay pinagpaliban muna ng pagbukas ng naturang resort kaya ang ibang tao na gustong maligo ay humanap ng paraan kong saang lugar sila maliligo. Ayun din sa iba, ang tawag dito ay bandera, dahil may nakatayong flag dito at para sa akin, isa itong historical na lugar at puno ng estorya mula pa noong unan panahon.

Naaliw at nagkaroon ako ng magagandang karanasan kanina. Kahit medyo masungit ang dagat ay nananatiling maganda pa rin ang lugar.

Bago ko tataposin ng talaarawan ko sa araw na ito ay nais kong imbitahan sina @aehryanglee, @jb123, @jessmcwhite at ang 25% na payout mula sa post kong ito ay ibabahagi ko sa @null*.