EUNGKOT BACE TATAGUEN NGON PLIEK
BOH LABU PUTIEK KEU KUWAH LADA
BUET YANG HANA GOT KAJUET LAJU TATIEK
JINOU TATUJIEK TIKA MUSALLA
BOH GIRI BALI BULAT BULAT
JINOU BOH LANGSAT KA TEUKA MASA
TAPUJO RABBI SUPAYA BEK TULAT
BEK PUGOT BANGSAT TANYOU KATUHA
BOH SUKON TUHA TACROHKU BADA
BOH MURIA JINOU KA LANGKA
SEDARA LON BEK LE TA MUDODA
LAJU BEUSIGRA TAUBAT NASUHA
DONYA KA AKHE DALI TAKALON
HAN TREP LE MASA BAK HIE LAM RUPA
BUET DUM JAHE KA TUGOM TUGOM
JADEH SANG GUGOM NYOU UMU DONYA
NIBAK IBADAT KA JAREUNG JAREUNG
HANA LE URUENG YANG TEM MUCUBA
JINO RAME THAT KA NAFSI NAFSI
BAK MITA KURSI DALAM NEGARA
ASAI PENG NA KEU ASOE DOMPET
HANA PIKE LE YANG PUNTENG BULANJA
ALAHOM DONYA KA CANGGEH
WAHE E WAREH HANA LE CARA
BUET KEJI KA JI MUHAROK
BUET YANG COCOK KA JITEM SUBA....