The Diary Game (02-07-2024) Attending a Mehfil e mosaalma🏴🏴

آداب دوستو

السلام علیکم دوستوں کیا حال ہے میں امید کرتا ہوں اپ سب
خیریت سے ہوں گے میں بالکل ٹھیک ہوں الحمدللہ۔ زندگی کے دن بھی بہت اچھے اور پرسکون گزر رہے ہیں موسم بہت ہی اچھا ہو گیا ہے لیکن اتنی زیادہ بارشیں نہیں ہوئی ہے جتنی ہونی چاہیے تھی ویسے تو پورے پاکستان میں کافی حد تک بارشیں ہوئی ہیں لیکن ہمارے پاس اتنی بارشیں نہیں ہوئی امید ہے کہ انے والے دنوں میں اچھی بارشیں ہوں گی۔

^{کینوا سے بنائی گئی تصویر}

اک یادگار محفل

دوستوں یہ اج سے چھ دن پہلے کی بات ہے کہ جب ہمارے بہت ہی دل عزیز شاعر اور ایک خوبصورت انسان اور ایک پروفیسر جناب پروفیسر قلب عباس صاحب کے گھر میں محفل مسالمہ کا انعقاد ہوا ۔

پروفیسر صاحب ہر حوالے سے ایک خوبصورت انسان ہے۔ وہ ایک بہت اچھے شاعر ہیں اچھے شاعر ہونے کے ساتھ ساتھ ان کا اخلاق انسان کو ان کا گرویدہ بناتا ہے۔ چونکہ اس مسالمہ میں میں بھی مدعو تھا تو میں بھی امام عالی مقام کے حضور اپنے چند اشعار پیش کرنے کی غرض سے ان کے گھر پہنچ گیا۔

^{قلب عباس کا گھر}

جب میں پہنچا تو وہاں مسالمہ شروع ہو چکا تھا اور شاعر اپنا کلام پیش کر رہے تھے تھوڑی دیر بعد میری باری ائی اور میں نے اپنے اشعار سنائے اور الحمدللہ میرے اشعار کو بہت لوگوں نے پسند کیا اور خوب داد دی۔

مسالمہ میں پورے ملک سے شعراء حضرات تشریف لائے تھے۔ سب نے بہت خوبصورت اشعار پیش کیے مجھے کافی حد تک ان کے اشعار پسند ائے کچھ ایسے شاعر بھی تھے جنہوں نے بوریت پیدا کی لیکن باقی تمام اچھے شعراء نے ان کی کمی پوری کر دی۔

میرے دوست

یہاں پر میرے ساتھ میرے کزن بھی تھے اور میرے کچھ دوست بھی ائے ہوئے تھے ہم نے مسالمہ بہت اچھے سے سنا یقینا یہ ایک شاندار اور بہت بہترین پروگرام تھا جو کہ سالانہ ہوتا ہے جناب قلب عباس کے گھر میں ۔ اصل میں یہ قلب عباس صاحب کے والد صاحب کی یاد میں اور ان کے ایصال و ثواب کے لیے منعقد کیاجاتا ہے

پسندیدہ شاعر

اس میں جن شعراء کے شعروں نے مجھے پسند کیا ان میں سے سید ابرار حسین شاہ استاد محترم علمی خان صاحب کاظم حسین کاظم قیس رضا اور جناب جاوید دانش صاحب ہے

^{اک شاعر کلام سناتے ہوئے}

پسندیدہ کلام

بغیر حب علی بخش دے گا ایسے تجھے
سخی ضرور ہے لیکن خدا دیوانہ نہیں۔

۔۔۔۔
محسنِ انسانیت کا غم منانے کے لیے
ادمی کو کم سے کم انسان ہونا چاہیے۔۔

۔۔۔
حر اشقیا کو چھوڑ کر عباس سے ملے۔
پہلی باراک باوفا کو بے وفا اچھا لگا

۔۔۔

یہ وہ کچھ چنیدہ اشعار ہے جو اس دن میں نے سنے اور میرے دماغ میں بیٹھ گئے یہ بہت ہی بہترین تھے اور میں ان کو بار بار دہراتا رہتا ہوں۔

مسالمہ کے دو سیشن ہوئے پہلے سیشن میں جونیئرز شعرا نے اپنا کلام پیش کیا اس کے بعد سینیئرز نے کلام پیش کیا جو کہ بہت ہی بہترین تھا

نیاز مولا حسین ع

مسالمہ کے دوران چائے کی تقسیم کہی گئی جو بھی وہاں پر حاضر تھے ان سب کے درمیان اور اس کے بعد لنگر بھی دیا گیا۔

لنگر میں بڑا گوشت اور روٹی تھی میں یہاں تقریبا پچھلے تین سالوں سے پڑھ رہا ہوں لیکن پہلے یہاں پر چاول یا حلیم ہوتے تھے اس سال قلب عباس صاحب نے قورمہ اور اس میں روٹی کا بندوبست کیا

^{لنگر کا کھانا کا ذائقہ بہت لذیذ ہوتا}

یہ میرے لیے بالکل حیرانی کی بات تھی کہ اس دفعہ لنگر کے ساتھ حلوہ بھی تھا لنگر میں ورنہ یہ بہت کم ہوتا ہے کہ لنگر میں کھانے کے ساتھ اپ کو حلوہ بھی میسر ہو۔ ہم نے حسب طلب نیاز کھائی اور پھر سر سے اجازت لی اور اپنے گھر کی طرف چل پڑے۔

^{میٹھا حلوہ}

مسالمہ میں حضرت امام حسین علیہ السلام کی شان اقدس میں اشعار پیش کیے گئے جو کہ بہت بہترین تھے اور میں نے اپنے چنیدہ اشعار اپ کی خدمت میں پیش کیے ہیں اس کے علاوہ بھی سارے اشعار بہترین تھے میں تقریبا ڈیڑھ بجے اپنے گھر جا پہنچا اور پھر جا کر سو گیا بہت ہی شاندار اور کامیاب مسلمان تھا میں اس مسالمے کا سال بھر انتظار کرتا ہوں کیونکہ میں نے اپنا کلام یہاں پر سب کو سنانا ہوتا ہے

____

^{تمام تصویریں میں نے اپنے موبائل سے بنائی ہیں}

نیک تمنائیں ❤️.

---

---

🌷بہت شکریہ دعائیں🌷

🌷@aliabid01🌷