அவள் வரவே என் விடிவு

நினைவை கடக்கவே
காதலை வெறுக்கிறேன்
எனக்கென ஒரு சிறை
அமைத்து சில காலம்
தனிமையில் என்னை
மீட்க முயல்கிறேன்

நித்திரையில்லா இரவில்
நிம்மதி தொலைத்து
நிலைகுலைந்து நிற்கும் நிலை
இனியும் வேண்டாம்

ஆதலால் அனைத்திலும்
ஒதுங்குகிறேன் மாற்றம்
நிகழும் அதற்கு காலம்
வழி வகுக்கும்

வெற்றிடம்தான் ஆனால்
வெறும் இடமல்ல
சிறிது ஏமாற்றமாயினும்
நெஞ்சம் கலங்கும்

இனியும் காயம் நிகழாதிருக்க
தனிமையே வினா
அவள் வரவே விடை

காத்திருப்பும் சுகம் தான்
அவளுக்காக நிச்சயம்
அவள் வருவாள்

என் மனச்சிறையை அகற்ற
புது கவிதைகள் பாட
பாடல்கள் பல தேட
அவள் வருவாள்

எம்மை மீட்டே எம்மை
எமக்கு அறிமுகம் செய்வாள்
தேகம் கடந்த தேடல் அவள்
ஊடல் கடந்த காதல் அவள்

அவள்
என் உணர்ச்சியின் உச்சம்
என் இன்பத்தின் ஊற்று
என் கண்ணீரின் எல்லை
என் துயரத்திற்கு மாமருந்து

எனது ஏக்கத்தின் நிறைவு அவள்
என் தனிமையின் இழைப்பாரல் அவள்
என் புன்னகையின் மந்திரமும் அவள்
என் புதுக்கவிதையின் தொடக்கம் அவள்
ஆதலால் தான் அவள் வரவே என் விடிவு