Bak masa Soltan Badrul Munir Jamailullah bin Syarif Hasyim (1703 - 1726 Masehi). Mula phoen Azyumardi Azra geteuliti ulama Nusantara bak abad XVII, sinan meuteumeung hubongan Aceh deungon Haramain (Mekkak ngoen Madinah) nyankeuh ka meuhase pumike seubaro Islam di Nusantara nyoe.
Kuburan Teungku Chik Awe Geutah
Nyankeuh keuhadiran Teungku Chik Awe Geutah u Aceh hana lheuh nibak hubongan ulama abad keu 17 ngoen abad keu 18. Teungku Awe Geutah nan asli gobnyan Syeikh Abdurrahim Bawarith Al - Assyi aneuk Syeikh Jamaluddin Zabid Yaman. Meusigoe ngoen adoe geuh Syeikh Abdussalam Bawarith Al-asyi ngoen lom tujoh ulama laen, diantara jih na keuh Teungku di Kandang ngoen Syeikh Daud Ar-Rumi meusigoe beurangkat jak u Aceh.Hingga sampe troek ohnoe had keuturunan Teungku Awe Geutah mantoeng tinggai geumukim di lingka kuburan droenueh nyan di Awe Geutah, Peusangan.
Di Awe Geutah keuh phoen droeneuh nyan geu syiar agama Islam keu rata sagoe bumoe Seuramoe Meukah nyoe meupunca bak ileume teupeusee, hadih, fiqah ngoen tasawoh. Meunak siet adek droe neuh nyan teutap geuduek di Samalanga hingga geupeudoeng saboh dayah Cot Meurak di Samalanga.
Meunurot catatan sijarah, bandua urueng ceureubi muslem nyan keuh (Syeikh Abdurrahim ngoen Syeikh Abdussalm) geujak meurantoe u Keurajaan Aceh Darussalam. Urueng nyan dua droe geukubah bak Ali Ibnu Az-Zain Al-Mizjaji di Zabid Yaman. Dudoe teuma jak meureunoe u Meukah ngoen Madinah.
Geujak beut bak Syeikh Al-Mizjaji di Zabid, jeut ta teupeu nibak salah saboeh catatan nyan na di Awe Geutah. Catatan - catatan nyan nakeuh Al-Azkar ngoen Riyadh Al- Shalihin, karangan Imam Nawawi Iam hadih masalah peiminah kiblat (Hadih Mursal) ngoen na ciet meuseubot lam silsilah rateb Haddad diantara laman oen catatan nyan.
Syeikh Al-Mizjaji nyoe na keuh guree nibak Murthadha Az-Zabidi yang wafeut bak thoen 1205 Hijriah. Gob nyan na keuh peungarang kitab Taj Al-Urus min Jawahir Al-Qamus Ithaf As-Sa'dah Al-Muttaqin. Murthadha Az-Zabidi komodian teuma geujak meurantoe keudeh u nanggroe Meuse (Mesir) sampe jeut keu ulama rayek sideh di Muese (Mesir).
Neubaca siet bak link nyoe: https://acehtok.000webhostapp.com/2018/08/sijarah-teungku-chik-awe-geuah