Sa se sek aktyalite ka pase nan peyi a kob petrokarive a. Yè, sa te on ti jan nwim vre wi ke chak mesaj ki monte sou bwat mwen se voice Petrocaribe a, men aprè m di tèt mwen "pa gen lagè san bwi bonb ni katouch, pa gen dòmi lan tan lagè". Lèw vle chanjman, fòk gen sakrifis, soufrans, lit jouk chanjman an abouti.
Se pa chita ap mande kisa yon piblikasyon Facebook ap chanje, men sonje se chak blòk, chak sak siman, chak galon dlo, chak travayè, ki bay yon sitadèl. Pa mande kisa patisipasyonw lan ap pote, men kontantew potel. Paske tiyem rachem, m pa sou peye yon lajan m pa benefisye anyen ladanl.
Sim te ka soti Taba epi yon wout travèse vil la depozem Mariani, PV... lan 10 minit, m tap di m pa lan challenge. Si yon moun ta pran lan pwason kwivre Lèziwa epi yon lopital modèn Jeremi remetel sou pye, m tap di m pa lan challenge. Si yon jèn Tirivyè Latibonit ak nenpòt kote lan peyi a te anvi etidye, oswa mwen menm ta anvi resikle, epi 2 kokenn inivèsite modèn kote savan ayisyen ak etranje tap ansenye, ak enfrastrikti lan zòn inivèsite yo pou etidyan, pwofesè ak pwofesyonel inivèsite a konsène, m tap di m pa lan challenge. Si yon majistral pwojè agro endistryel, pou nou sispann enpòte sa nou ka pwodui, kap bay 200,000 moun lan peyi a travay, pou jenès la ta sispann danse raboday, jwe domino, al lan motèl gwo midi, m tap di m pa lan challenge.
KOTE KÒB PETROCARIBE A?
Paske m pap ranbouse lajan ki pa ofri peyim ak nasyonm anyen.
Pa mande sa sa ap pote, men pote kole. Fè vwaw konte, jouk sa pote.