എന്ന് , തൂലിക .
ഉടയനായി മഷി ചീന്തിയ നാളുകൾ തിരഞ്ഞിട്ട് കണ്ടെത്താനാകുന്നില്ല ,
അന്നെന്റെ കറ വാങ്ങിയ കടലാസുകൾ ഇന്ന് ചിതലരിച്ചിരിക്കണം!
അന്നാ ചിന്തകൾക്ക് മധുരമായിരുന്നു രുചി !
പിന്നെയേറെ രുചികൾ കടന്നെത്തി,
അധികാരദാഹികളുടെ ചോരയുടെ കൊഴുപ്പ് ,
കലാലയത്തിലെ അഞ്ചുരൂപാ കട്ടന്റെ ചവർപ്പ് ,
ആനന്ദ നൃത്തത്തിനൊടുവിലെ ഉടയോന്റെ വിയർപ്പ് ,
മുദ്രാവാക്യങ്ങൾ അലറിയ കണ്ഠത്തിലെ
പിളർപ്പ് ,
പക്ഷേയൊരിക്കലും കടന്നു വന്നില്ലയാ മനനത്തിൻ ഇനിപ്പ് !
ഇനിയെന്നദ്ദേഹം വരുമെന്നുമറിയില്ല !
തൊണ്ട വരാളാതെത്ര നാൾ ഞാനുണ്ട് ?അറിയില്ല .
ഒരു തവണ കൂടിയാ മാധുര്യമെന്നിലൂ-
ടൊഴുകുന്നതും കാത്തീമേശവലിപ്പിൽ ,
ഞാനീയിരുളിനോടൊപ്പം !
എന്നിലേക്കെത്തുവാൻ :
Facebook ,Twitter
Instagram ,LinkedIn
Email : [email protected]
Steemit Blog
My Malayalam Scribbles on Steemit