Xiaomi စမတ်ဖုန်းတွေက လက်ရှိအချိန်မှာ ဈေးနှုန်းအသက်သာဆုံးစမတ်ဖုန်းတွေဖြစ်နေပြီးတော့ ဒီနှစ်အစောပိုင်းက ထွက်ရှိထားတဲ့ Redmi Note 5 နဲ့ Redmi Note 5 Pro စမတ်ဖုန်းတွေလည်း အပါအဝင်ဖြစ်ပါတယ်။
အခုအချိန်မှာတော့ Xiaomi ကနေ လက်ရှိအချိန်မှာ ကြေညာချက်တစ်ခုကို ထုတ်ပြန်လိုက်ပြီးတော့ Xiaomi Redmi Note 5 နဲ့ Redmi Note 5 Pro စမတ်ဖုန်းတွေကို ၄ လအတွင်း အလုံးရေး ၅ သန်းရောင်းချရပြီးပြီပဲဖြစ်ပါတယ်။ မနှစ်က ထွက်ရှိခဲ့တဲ့ Xiaomi Redmi Note 4 စမတ်ဖုန်းတွေက အလုံးရေ ၅ သန်းရောင်းချရဖို့အတွက် အချိန် ၆ လယူလိုက်ရတဲ့အတွက် အခု Redmi Note 5 စမတ်ဖုန်းတွေက သိသိသာသာကို ရောင်းအားကောင်းလာတယ်ဆိုရင်လည်း မမှားပါဘူး။
Xiaomi Redmi Note 5 Pro စမတ်ဖုန်းဟာ ပြီးခဲ့တဲ့ ဖေဖော်ဝါရီလတုန်းက စတင်ရောင်းချထဲက စမတ်ဖုန်း အလုံးရေ ၃ သိန်းကို ၃ မိနစ်အတွင်း ရောင်းကုန်ခဲ့တဲ့ စမတ်ဖုန်းဖြစ်ပြီးတော့ အိန္ဒိယဈေးကွက်မှာလည်း အအောင်မြင်ဆုံး စမတ်ဖုန်းတစ်ခုဖြစ်လာတာပဲဖြစ်ပါတယ်။
ဘာပဲဖြစ်ဖြစ် Xiaomi ရဲ့ အောင်မြင်မှုကတော့ လုံးဝ အကြမ်းစားဖြစ်နေပါပြီ။