電影 - 風流一代

賈樟柯導演，咁樣得唔得㗎？

筆者有啲嬲嬲地賈導演竟然東拉西扯左拼右插砌出橫跨20年嘅故仔，但係又不得不佩服賈導演可以咁樣新舊融合前後呼應將20年嘅國家變遷同埋一對男女嘅感情瓜葛完整地呈現。

有啲幽默、有啲奇幻，正寫感情變動，則寫城市變遷，跟住起飛緊嘅國家走動，人民究竟係歡天喜地定係徬徨失措呢？導演仲加咗一個設定俾女主角趙濤，呢個設定唔知係咪表示係呢個城市入邊嘅人都一樣，面對世事變遷，唯有變成如同呢個設定一樣嘅模式，先可以安然走過呢？