電影 - Club Zero - 飢餓教室
話說在前頭，筆者承認有時係唔應該食太多嘢，適當嘅斷食確實有助保持身體健康，但係如果斷到好似電影呢個程度，甚至成為宗教式嘅極端崇拜，就真係太過火啦。
有個老師推行「意識飲食」(conscious eating)節食主義，認為飲食對於世界係有害，而佢嚟咗呢間學校教學生，故事就係咁樣展開咗。
撇除故事裏面瘋狂嘅推薦，反思資本主義飲食文化，甚至係意識操控，喺唔同嘅方面都有值得深思嘅範疇，當然故事都幾癲，但係當中提出嘅意念又唔係完全錯得晒。
導演Jessica Hausner嘅前作《Little Joe 極樂品種》畫面同故仔都好過癮，今次再實在啲，探討吓當思考到極端嘅時候會變成有幾咁恐怖，而呢種恐怖嘅思想灌輸落一啲意志薄弱嘅人身上，邪教就係咁樣形成。
