မြတ်ဝါဆိုသင်္ကန်း

“ဝါဆိုသင်္ကန်းအဓိပ္ပါယ် နှင့် လှူဒါန်းရကျိုး မြတ်တန်ဘိုး”
•••••••••••••••••••••••••••••••••••••••••••••••••••••••••

ဝါဆိုသင်္ကန်းလှူဒါန်းခြင်းနှင့် ပတ်သက်ပြီး ယနေ့ခေတ်
မြန်မာတစ်ပြည်လုံး ဗုဒ္ဓဘာသာဝင်များသည် တစ်ဦးချင်း ဖြစ်စေ၊
အသင်းအဖွဲ့အနေဖြင့်ဖြစ်စေ၊ သံဃာအများအားဖြစ်စေ၊
တစ်ပါးကိုဖြစ်စေ အမျိုးမျိုးအဆင်ပြေစွာ လှူဒါန်းနေကြပါသည်။

ဝါဆိုသင်္ကန်းဆိုသည်မှာ ဝါဆိုခါနီးကပ်ပြီး လှူဒါန်းသည့်သင်္ကန်းဖြစ်စေ၊
ဝါတွင်းကာလမှာတွင်ဖြစ်စေ လှူဒါန်းသည့် သင်္ကန်းကို
“ဝါဆိုသင်္ကန်း”ဟုခေါ်ပါသည်။
ကာလ ဒါနသင်္ကန်းဆိုလျှင်လည်း မှန်ပါသည်။
ဝါဆိုပြီး ခေတ်ကာလတွင် လှူဒါန်းသောသင်္ကန်း၊
ကထိန်ခေတ်ကာလတွင် လှူဒါန်းသောသင်္ကန်းတို့ကို
သူခေတ်သူ့ကာလ အခါအားလျော်စွာ လှူဒါန်းသည့်
သင်္ကန်းဖြစ်၍ ကာလသင်္ကန်း ၊ကာလဒါနအလှူဟု ခေါ်နိုင်ပါသည်။
ဝါဆိုသင်္ကန်း လှူဒါန်းနိုင်သော ကာလများမှာ-
၁။ ဝါတွင်း(၃)လ၊
၂။ သီတင်းကျွတ်လဆုတ်(၁)ရက်မှ
တန်ဆောင်မုန်းလပြည့်ထိ သင်္ကန်းကာလ (၁)လ၊
၃။ သီတင်းကျွတ်လဆုတ်(၁)ရက်မှ တပေါင်းလပြည့်အထိ ကထိန်အာနိသင်ကာလ (၅)လ၊
၎။ တပေါင်းလဆုတ်(၁)ရက်မှ ဝါဆိုလပြည့်အထိ နွေ (၄)လ၊
အထက်ပါကာလများကို ပြန်လည်ပေါင်းရုံးကြည့်လျှင်
တစ်နှစ်ပတ်လုံး မည်သည့်နေ့ရက်၌မဆို ဝါဆိုသင်္ကန်း
လှူဒါန်း နိုင်ကြောင်း တွေ့ရပေမည်။

သို့သော် လှူဒါန်းပုံနှင့် ရယူပိုင်ဆိုင်ခွင့်များအား ကွာခြားမှုရှိ၏။
•••••••••••••••••••••••••••••••••••••••••
၁။ ဝါတွင်း(၃)လ၌ လှူဒါန်းလိုသော်...
အလှူရှင်သည် “ဝိဿံ ဝသန္တာနံ ဒမ္မိ = ဝါဆိုဆဲသံဃာအား လှူပါ၏”
ဟုနှုတ်မြွက်ရွတ်ဆို လှူဒါန်းရ၏။
ဤသို့ ဝါတွင်း၌ လှူဒါန်းလာသော သင်္ကန်းကို ဝါမကျိုးသော
ရဟန်းတို့အား ခံယူနိုင်ခွင့် ပိုင်ဆိုင်နိုင်ခွင့်ရှိ၏။
ဝါကျိုးပြတ်သော ရဟန်း မစ္ဆိမဝါ (ဒုတိယဝါ) ကပ်သော
ရဟန်းတော်များမခံယူရ၊ ပိုင်ဆိုင်ခွင့်မရှိ။

၂။ သီတင်းကျွတ်လဆုတ် (၁)ရက်မှ
တန်ဆောင်မုန်းလပြည့်အထိ သင်္ကန်းကာလခေါ်သော
(၁)လအတွင်း၌ အလှူရှင်သည် အထက်ပါအတိုင်း
“ဝိဿံ ဝသန္တာနံ ဒမ္မိ = ဝါဆိုဆဲသံဃာအား လှူဒါန်းပါ၏”
ဟု နှုတ်မြွက်ရွတ်ဆို လှူဒါန်းလာသော်
ဝါဆိုဆဲ၊ဝါဆိုတုန်းဖြစ်သော ဒုတိယဝါကပ်သော
ရဟန်းတို့သာ ရယူနိုင်ခွင့်၊ ပိုင်ဆိုင်ခွင့်ရှိ၏။
ပုရိမဝါ (ပထမဝါ)ကျွတ်ပြီးသော ရဟန်းဝါကျိုးပြတ်သော
ရဟန်းများနှင့်မဆိုင်၊ မရနိုင်ပေ။

၃။ သီတင်းကျွတ်လဆုတ်(၁)ရက်မှ တပေါင်းလပြည့်အထိ
ကထိန်အာနိသင် ရရာကာလ (၅)လအတွင်း၌ လှူဒါန်းလိုသော
အလှူရှင်သည်“ဝိဿာဝါသိကံ ဒမ္မံ = ဝါလပတ်လုံးနေခြင်းရှိသော
(ဝါဆို) ခဲ့ပြီးသော သံဃာအား လှူပါ၏”ဟု နှုတ်မြွက်ရွတ်ဆိုလှူဒါန်းရ၏။
ဤ (၅)လအတွင်း၌ လှူဒါန်းလာသော ဝါဆိုသင်္ကန်းကို
(ကထိန်ခင်းသည် ဖြစ်စေ၊ မခင်းသည်ဖြစ်စေ)
ပထမဝါကျွတ်သူ၊ ဒုတိယဝါကျွတ်သူ ရဟန်းအားလုံး
ပိုင်ဆိုင်ခွင့်၊ ခံယူခွင့်ရှိကြ၏။
ဝါကျွတ်မှ ရောက်လာသော ရဟန်းသစ်တို့အား
သံဃာဟောင်းတို့ သဘောတူလျှင် ဝေစုရနိုင်၏။

၎။ တပေါင်းလဆုတ်(၁)ရက်မှ ဝါဆိုလပြည့်နေ့အထိ
နွေ(၄)လ၌ လှူဒါန်းရာဝယ် “ဝိဿာဝါသ်ိကံ”ဟူ၍ပင် လှူဒါန်းရ၏။
သို့ရာတွင် လှူဒါန်းသူသည်-
(က) ကပ်ခဲ့ပြီးသော အတိတ် (ဝါ ဆိုသံဃာ) ကိုလည်း
ရည်မှန်း၍ လှူဒါန်းနိုင်၏။
(ခ) မကပ်ရသေးသည့် အနာဂတ် (ဝါ ဆိုသံဃာ)ကိုလည်း
ရည်မှန်း လှူဒါန်းနိုင်၏။

ဤသို့ လှူဒါန်းလာသော် အလှူခံ ရဟန်းတော်တို့က
“ဒကာတို့ ယခု လှူဒါန်းသော ဝါဆိုသင်္ကန်းသည် အတိတ်ဝါကို
ရည်မှန်း သလော၊ အနာဂတ်ဝါကို ရည်မှန်းသလော”ဟု
မေးမြန်းစိစစ်ကြည့်ရ၏။ အလှူရှင်များက-
(က) “ပြီးခဲ့သော အတိတ်ဝါဆိုသံဃာအား ရည်မှန်းပါ၏ ”ဟု
လျှောက်ထားသော်
ထိုဝါဆိုသင်္ကန်းကို ဤကျောင်း တိုက်၌ ဝါဆိုခဲ့ပြီးသော
ရဟန်းတော်များသာ သက်ဆိုင်အလှူခံနိုင်၏။
(ဝါဆိုပြီး ဤကျောင်းတိုက်မှ ပြောင်းရွှေ့သွားသော
ရဟန်းတော်များကိုလည်း ဝေစုပေးလိုက်ရ၏။
ဝါကျွတ်ပြီးမှ အသစ်ရောက်လာသော သံဃာကား
ကျောင်းတိုက်သံဃာက သဘောတူမှ ရနိုင်၏။)

(ခ) “လာမည့်အနာဂတ် ဝါကပ်သံဃာအား ရည်မှန်းလှူဒါန်းပါသည်”ဟု
ဆိုလာသော် ၎င်းသင်္ကန်းများကို မဝေခြမ်းသေးဘဲ သိမ်းထားပြီး
လာမည့် ဝါဆိုနေ့ကျမှ ခွဲခြမ်း ဝေဖန်ရ၏။
သံဃာအဟောင်း၊အသစ် အားလုံးဆိုင်သည်။
(ယခု ရေးသားဖော်ပြသည်ကား သံဃိကလှူဒါန်းလာသော
ဝါဆိုသင်္ကန်းအတွက်လှူဒါန်းဝေဖန်ပုံများ ဖြစ်၏။)

“ဝါဆိုသင်္ကန်းလှူဒါန်းရကျိုး။”
••••••••••••••••••••••••••••••
အပါယ်လွတ်သော ကုသိုလ်(၇)မျိုး
၁။ သရဏဂုံကုသိုလ်။
၂။ ငါးပါးသီလကုသိုလ်။
၃။ စာရေးတံဆွမ်း။
၎။ လဆန်းပက္ခ၊ လဆုတ်ပက္ခ၊၌ လှူဒါန်းသောဆွမ်း။
(တစ်လကို နှစ်ပိုင်း ပိုင်းလိုက်ပါ။ ရှေ့ဆယ်ငါးရက်သည်
လဆန်း ပက္ခဖြစ်၍ နောက်၁၆ရက်မှ လကုန်ထိသည်
လဆုတ်ပက္ခဖြစ်သည်။)
၅။ ဝါဆိုသင်္ကန်း
၆။ ရေတွင်းရေကန်အလှူ။
၇။ ကျောင်းအလှူတို့ဖြစ်၏။ ထိုကုသိုလ် ၇မျိုးထဲမှ တစ်မျိုးမျိုးကိုဖြစ်စေ၊
နှစ်မျိုးဖြစ်စေ၊ ခုနစ်မျိုးလုံးဖြစ်စေ အမြဲ(ဝတ်) ထားပြီးလှူဒါန်းမယ်ဆိုရင်
ဂတိမြဲတဲ့ကုသိုလ်ဖြစ်ပါတယ်။

(သောတာပန္တွ သဒိသာနေဝ) ဆိုတဲ့ ပုဒ်ကိုထောက်ဆပြီး
သောတာပန်များ လားရာဂတိမြဲသလို၊ ထိုကုသိုလ်များကို အမြဲတန်း
ဝတ်ထားပြီး ပြုလုပ် အားထုတ်မည်ဆိုပါလျှင် သောတာပန်များ
လားရာဂတိမြဲသကဲ့ ထိုကုသိုလ်ကို အားထုတ်သူများလည်း
လားရာဂတိမြဲပါတယ်။

သောတာပန်များ မကောင်းတဲ့အပါယ်လေးပါး ဂတိကို
မရောက်စေနိုင်ဘဲ ကောင်းရာ လူဘုံ နတ်ဘုံ သုဂတိဘုံမြဲသကဲ့သို့
ထိုကုသိုလ်ရှင်များလည်း ကောင်းရာ လူဘုံ နတ်ဘုံ သုဂတိဘုံမြဲပါတယ်။
ဆိုတော့ ဝါဆိုသင်္ကန်းကို အမြဲတန်း (ဝတ်)- နှစ်စဉ်နှစ်တိုင်း
လှူဒါန်းမည်ဆိုပါက သောတာပန်ပုဂ္ဂိုလ်များ ကောင်းရာ
သုဂတိမြဲသလို ဝါဆိုသင်္ကန်းလှူဒါန်းသူများလည်း ကောင်းရာသုဂတိမြဲတဲ့အကျိုးကိုရရှိစေပါတယ်။
အပါယ်ဘုံသို့မကျရောက်ဘဲ ကောင်းရာသုဂတိဘုံကို ရောက်စေခြင်းဆိုတဲ့
အကျိုးတရားပင်ဖြစ်ပါတယ်။ နောက်ထပ်အကျိုးများစွာကို အောက်တွင်လေ့လာပါ။

“အရဟတ္တဓဇ” ခေါ် ရဟန္တာတို့၏ အလံတံခွန်သဖွယ်ဖြစ်သော
ဤဝါဆိုသင်္ကန်းကို လှူဒါန်းရသဖြင့် . . .
“ဝတ္ထဒေါ ဟောတိ ဝဏ္ဏဒေါ”
“ဝတ္ထဒါနေန ဝဏ္ဏသမ္ပတ္တိ ပဋိလာဘော” ဟူသော
ဒေသနာတော်များအရ သင်္ကန်း၏ အဓိကအကျိုးဖြစ်သော
“အဆင်းလှခြင်း”ဟူသော အကျိုးကို ဧကန်ရမည်ဖြစ်ပေသည်။
ထို့ပြင် ဘဝသံသရာ ကျင်လည်ရစဉ်ဝယ် -
“ရွှေသို့အဆင်း၊ မြူကြေးကင်၍
ရောင်ဝင်းထိန်ပ၊ နူးညံ့ရ၏၊
မကသိန်းဖိုး၊ ပုဆိုးရလေ၊
ညိုရွှေဖြူနီ၊ ဤရှစ်လီသည်၊
ကျမ်းညီသင်္ကန်း လှူကျိုးတည်း။”
ဟူသော အပဒါန်လာ သင်္ကန်းအကျိုး (၈)မျိုးကိုလည်း ရဦးမည်ဖြစ်၏။
ထိုမှတပါး “ဣဒံ မေ ပုညံ အာသဝက္ခယံ ဝဟံ ဟောတု”
-တပည့်တော်၏ ဤဝါဆိုသင်္ကန်းအလှူသည် အာသဝေါ တရား
လေးပါး ကုန်ရာကုန်ကြောင်းဖြစ်သော မဂ်ဥာဏ် ဖိုလ်ဥာဏ်
မြတ်နိဗ္ဗာန်ကို ဧကန်ရောက်အောင် ရွတ်ဆောင်နိုင် ပါစေ” ဟု
ဆုတောင်းလှူဒါန်းခဲ့သော် ဒုက္ခခပ်သိမ်း ငြိမ်းရာဖြစ်သော
နိဗ္ဗာန်ချမ်းသာ ဟူသော အကျိုးအမြတ်ကို မလွဲမသေရပေမည်။

ဆရာတော်အရှင်ဇနကာဘိဝံသ မိန့်ဆိုချက်။ ။
••••••••••••••••••••••••••••••••••••••••••••••••••••
ဝဿာဝါသိကံ။ ။
ဝဿံ-ဝါလပတ်လုံး+အာဝါသော ယဿာတိ ဝဿာဝါသော-
ဝါလပတ်လုံး နေခြင်းရှိသော ရဟန်း၊
ဝဿာဝါသဿ+ဒိန္နံ ဝဿာဝါသိကံ-
ဝါလပတ်လုံး နေခြင်းရှိသော ရဟန်းအား လှူအပ်သော သင်္ကန်း၊
(ယခုကာလ၌ ဝါဆိုခါနီး လှူလေ့ရှိကြ၏။
ထိုသင်္ကန်းကို “ဝိဿဝါသိက” ဟုလည်း အချို့က ခေါ်ကြ၏၊
အမှန်ကား “ဝါတွင်း၌ နေသော ရဟန်းအား ဝါကျွတ်မှ ဖြစ်စေ၊
ဝါကျွတ်သောအခါ သုံးစွဲရန် ဝါတွင်း၌ ဖြစ်စေ
လှူအပ်သော သင်္ကန်းကိုသာ ဝဿာဝါသိကသင်္ကန်း”ဟုခေါ်သည်။

ယဿဘိက္ခဝေ စီဝရံ၊ ပရိဘုဉ္ဇမာနော
ဘိက္ခု မေတ္တံ ကရုဏံ ဘာဝေတိ မုဒိတံ ဘာဝေတိ ဥပေက္ခံ ဘာဝေတိ၊
အပ္ပမာဏော တဿ ပုညာဘိသန္တော။
(စတုက္ကနိပါတ် အင်္ဂုတ္တိုပါဠိတော်)

ဘိက္ခဝေ - ရဟန်းတော်များ အိုချစ်သားတို့။
ယဿ - အကြင်သင်္ကန်းလှူသော ဒါယကာ၏။
စီဝရံ - သင်္ကန်းကို။
ပရိဘုဉ္ဇမာနော - သုံးဆောင်သော။
ဘိက္ခု - ရဟန်းသည်။
မေတ္တံ - မေတ္တာကို။
ဘာဝေတိ - ပွားစေ၏။
ကရုဏံ - ကရုဏာကို
ဘာဝေတိ - ပွားစေ၏။
မုဒိတံ - မုဒိတာကို။
ဘာဝေတိ - ပွားစေ၏။
ဥပေက္ခံ - ဥပေက္ခာကို။
ဘာဝေတိ - ပွားစေ၏။
တဿ - ထိုသင်္ကန်းလှူသောသူအား။
ပုညာဘိသန္တော - ကုသိုလ်အယာဉ်သည်။
အပ္ပမာဏော - အတိုင်းမသိသည်။
ဟောတိ - ဖြစ်၏။

ဣတ္ထိနံ စီဝရဒါနံ မဟလ္လတာပသာဒေန မတ္တကံ ပပ္ပေါတိ။
ပုရိသာနံ ဣဒ္ဓိမယပတ္တစီဝရေန။ (ဓမ္မပဒအဋ္ဌကထာပါဠိ)

ဟိသစ္စံ - မှန်၏။
ဣတ္ထိနံ - မိန်းမတို့၏။
စီဝရဒါနံ - သင်္ကန်းအလှူသည်။
မဟလ္လတာပသာဒေန - မဟလ္လတာတန်ဆာကို ဆင်မြန်းရသဖြင့်။
မတ္တကံ - အပြီးသို့။
ပပ္ပေါတိ - ရောက်၏။
ပုရိသာနံ - ယောက်ျားတို့၏။
စီဝရဒါနံ - သင်္ကန်းအလှူသည်။
ဣဒ္ဓိမယပတ္တစီဝရေန - တန်ခိုးဖြင့်ပြီးသော
သပိတ် သင်္ကန်းကို ဆောင်ရသဖြင့်။
မတ္တကံ - အပြီးသို့။
ပပ္ပေါတိ - ရောက်၏။

“အဝတ်သင်္ကန်းလှူရသောအကျိုးပြ တေးထပ်”
••••••••••••••••••••••••••••••••••••••••••••••••••••••
ဖြစ်လေရာ ဘုံဘဝ၊ ကြုံရတဲ့ခန္ဓာ။
သိင်္ဂီနက်ဆင်းရွှေဝါ ဝင်းအသွေး။
မြူမငြိ ဖြူအိလွင်တယ် ။
လှူသည့်ရှင် ကောင်းမှုအရေး။ ။
စီဝရမြတ်ဒါနာ မှတ်ကြပါလေ၊
ရွှေတောင်မှာ နေရောင်ပေးသလို၊ ပြောင်အသွေး ကိုယ်ရေ၊
ဖဲကတ္တီနု အပါးသို့ သူ့အသား နူးညံ့ခဲ့ပေ ။ ။
အထည်ပေါင်း သိန်းကုဋေ ကိန်းအခြေ မရေတွက်နိုင်ဘု၊
ချွေ့လျက် မိုးပြန့်ခေါင်မှာ ဖြိုးလျှံ့ရောင်ဝါ ပိုးဖဲနှင့်ကတ္တီပါ
လိုရာရာ ရကြောင်းပေ။ ။

ဒသိမေ ဘိက္ခဝေ စီဝရဒါနေန အာနိသံသာ၊ ကတာမာနိ ဒသ၊
သုဝဏ္ဏဝဏ္ဏော .ဝိရဇော. သဗ္ဗပဘာဝေါ. ဝိတပဝါသိနိဒ္ဓဂတ္တော၊
ဒုဿဟဿ ပဋိလာဘော၊ သေတပိတလောဟိတ
ဝတ္ထဒါယကော၊ ခေါမ ကောသေယျ ကပ္ပါသိက ပဋိလာဘော၊
ကပ္ပရုက္ခ ပဋိလာဘော၊
ပစ္ဆိမဘဝေ ဧဟိဘိက္ခု သပသမ္ပဒ ပဋိလာဘော။
(ဓမ္မပဒ အဋ္ဌကထာ)

ဒီစာပိုဒ်လေး ဝါဆိုသင်္ကန်း လှူရကျိုး ဆယ်မျိုးကို ပြဆိုပါတယ်။
••••••••••••••••••••••••••••••••••••••••••••••••••••••••
၁။ရွှေအဆင်းနှင့်တူသော အဆင်းကိုရရှိခြင်း။
၂။ မြူကြေးမတင် စင်ကြယ်သောကိုယ်ရှိခြင်း။
၃။ ခပ်သိမ်းသော အရပ်တို့ကို ထွန်းလင်းတောက်ပသော ကိုယ်ရှိခြင်း။
၎။ ပူပန်ခြင်းကင်းသော ကိုယ်ရှိခြင်း။
၅။ နူးညံ့သိမ်မွေ့သော ကိုယ်ရှိခြင်း။
၆။ အလိုရှိသောအခါ တစ်ထောင်သော အဝတ်ပုဆိုးတို့ကို ရရှိခြင်း။
၇။ အဖြူ၊ အရွှေ၊ အနီစသော အဆင်းရှိသော ပုဆိုးတို့ကို ရရှိခြင်း။
၈။ခေါမတိုင်း ကောတုံပရာဇ်တိုင်းတို့တွင် ဖြစ်သော ပုဆိုးတို့ကို ရရှိခြင်း။
၉။ ပဒေသာပင်တွင်ဖြစ်သော ပုဆိုးတို့ကို ရရှိခြင်း။
၁၀။အဆုံးဘဝတွင် ဧဟိဘိက္ခူ ရဟန္တာအဖြစ်ကို ရရှိခြင်း
စတဲ့ ဆယ်ပါးသော အကျိုးထူး တရားများကို
သင်္ကန်းလှူသော အလှူရှင်တို့မှာ ရရှိခံစားရမှာဖြစ်ပါတယ်ဆိုတဲ့
အကြောင်း အသိပေးရေးသားလိုက်ရပါသည်။

စာဖတ်သူအားလုံးသက်ရှည်ကျန်းမာစိတ်ချမ်းသာ၍
လိုရာဆန္ဒများတစ်လုံးတစ်ဝတည်းပြည့်ဝကြပါစေ။
**********-**********************
အရှင်သြဘာသ မှ မေတ္တာဖြစ်မျှဝေပါသည်။chirstonawba

ဝေးပါသေးတယ်

---

ဥပုသ်နေ့ နံနက်မိုးသောက် အလင်းရောက်လာသော်
“ အရှင်ဘုရား အရှင်ဘုရား....”
“ဆွမ်းခံကြွတာမမြင်လို့ လာကြည့်တာ ကျောင်းမှာရှိသားဘဲ....”
“ ဆွမ်းခံမကြွနိုင်အောင် အရှင်ဘုရားတို့ ဘာတွေလုပ်နေကြတာလည်း....”
“သြော်...ကိုမင်းဇော်မြင့်ပါလား လာလာထိုင်ထိုင်...”
“အစုံပါပဲ မနက်ကတည်းက အားတယ်မရှိဘူး ဘာသာရေးတွေ အားစိုက်နေရတယ်...”
“တပည့်တော်လာတော့ အရှင်ဘုရား computer ရှေ့မှာထိုင်ပြီး တကုတ်ကုတ် ဘာလုပ်နေတာလည်း?’
“ facebook ကြည့်နေတာမှတ်မလား ဒါမြန်းအလုပ်လို့ထင်နေတာကိုး”
“တပည့်တော်ဒို့က facebook မကြည့်ဘူး အလကားအားအားယားယား မကြည့်နိုင်ဘူး...”
ဟ.....! “ ဒို့က အားလို့ ကြည့်နေတာမြန်းမှတ်လို့လား...”
“ဒါဘာသာရေးလုပ်နေတာ.....”
ဟင်......!
“ဘာသာရေးလုပ်တယ်ဆိုတာ တပြည့်တော်ဒို့ကတော့ တရားထိုင် ပုတီးစိတ၊် စာဖက်တရားဟော ဒါကိုပဲ ဘာသာရေးလုပ်တယ်ထင်ပါတယ် ကိုယ်တော် .....”
“အရှင်ဘုရား facebook ကြီးနှိပ်ပြီး မုသာဝါဒတွေပွားနာ ပြေားတော့လည်းမကြိုက်ဘူး....ဟွန်း”
“ဒါယကာတို့လိုမြန်းအားအားရှိ ငွေကုန်ခံပြီး နှိပ်နေတယ်မြန်းမှတ်လို့လား .....”
ဒီမယ်..
“ facebook မှာ ဘာသာရေးတွေဖြန့်ဝေနေတယ်ဆိုတာကောသိကြရဲ့လား.....”
“အားအားရှိ ဆဲနေကြတာတွေကို ပျောက်ပျက်သွားအောင် ၀စီဒုစရိုက်တွေ လျော့သွားအောင် လုပ်နေရတယ် ၊အဲဒါမျိုးတွေနောက်မပေါ်လာအောင် ဘာသာရေးလုပ်ငန်းချဲ့ထွင်ဘို့ ထောက်ပံ့ကြေးပေးထားတဲ့ အဖွဲ့တွေလည်းရှိတယ်နော်၊ သိရောသိကြသလား....
တစ်ချို့က ပဌာန်းစာအုပ်တွေလှူနေတယ် ၊ပိဋကတ် စာအုပ်တွေ ပေးနေတယ် ၊တစ်ချို့ကတော့ငွေလှူနေတယ် facebook က အယူဝါဒတွေ ကောင်းတာတွေဖြန့်တယ်ဆိုတာ သိထားတဲ့သူနည်းတယ် စိတ်မ၀င်စားကြဘူး .....
facebook ကြီးမှာ အကြောင်းအရာ အမျိုးမျိူးတင်ကြတယ် စီးပွားရေး ၊နိုင်ငံရေး၊ အချစ်ရေး၊လူမှုရေးလုပ်ငန်း၊အလှပ ၊ဟာသ စသဖြင့် အစုံပေါ့နော်...
ဘယ်အရာကိုလူတွေ ပိုစိတ်ဝင်စားသလည်းဆိုတော့ post တစ်ခုကိုကြည့်လိုက် Like များများဘယ်သူတွေရသလည်း။ စိတ်ဝင်စားလို့ကြည့်လိုက်တော့ သမီးဒီနေ့ဘာတင်ရမှန်းတောင် မသိဘူး ဟိုင်း ဆိုပြီး ပေါက်တက်ကရတွေ လုပ်ပြတာကိုသာလူတွေက like တွေအများကြီး သွားသွားပေးနေကြတယ် ။
ဘာသာရေး post လေးမြန်း ဘုရားပုံလေးနဲ့ ရဟန်းပုံနဲ့တင်လိုက်လို့ကတော့ ဘယ်သူမှလည်း share ကြဘူး ဘယ်သူမှလည်း ကွန့်မန့် မပေးဘူး like ဆိုတာ လည်းတစ်ခါတစ်လေမှ အလွန်ဆုံးရမှ Like ၈၀ လောက် ။ အများကြီးရဘူးတာ တစ်ရက်ထည်းရဘူးတာ like 4000 ဒါလည်းတိုက်ဆိုင်လို့ပါ ....
ဘာသာရေး ဗုဒ္ဓစာပေတွေကို ကျယ်ပြန့်သွားဘို့အတွက် Like & share မည်ဆိုရင် တရားတော် တွေကိုဖြန့်ဝေပေးရာရောက်တယ်.....
ဗုဒ္ဓဘာသာ ကျယ်ပြန့်လာဘို့ သဒ္ဓါတရား ထက်ထက်သန်သန်နဲ့ တရားဟောစာလေး မြန်းတွေ့ရင် Like & share လုပ်ပေးခြင်းဖြင့် နေ့စဉ် တရားဟောပြသလို ကုသိုလ်တွေ တိုးနေမှာအမှန်ပါ ။ နိဗ္ဗာန်ထိ အကျိုးပေးသန်တယ်ဆိုတာ သိစေခြင်တယ် ၊တစ်စက္ကန့် လေးလောက် ပဲကြာပါတယ် ပိုက်ဆံလည်းပိုကုန်မသွားပါဘူး ၊သာသနာချစ်စိတ်ရှိတယ်ဆိုရင် အချိန်ကုန် ငွေကုန် ကြိုးစားပြီးရေးထားတဲ့ ဗုဒ္ဓစာပေအသိပညာတွေ ဆုံးမစာတွေကို like & share မလုပ်ကြဘူး လွယ်လွယ်ကုသိုလ်ရအောင် ဗုဒ္ဓစာပေတွေကိုမျှဝေ အသိတွေပေး ဒါတွေကိုလည်းမဖတ်ဘူး ကုသိုလ်တိုးအောင် လုပ်ပေးပါလျှက်နဲ့ မယူတက်ကြဘူး ။ facebook သုံးရင်းကုသိုလ်တိုးတယ်ဆိုတာ တောင်မသိကြဘူ အားရှိ အပြစ်တင် ဆဲဆိုနေကြတယ် ကုသိုလ်ပွားအောင်ရေးတာတွေကိုတော့ ကျော်ခွသွားနေကြတယ်။ ပြောတော့ အမျိုးဘာသာ သာသနာ ကိုစောင့်ရှောက်မယ်တဲ့ ဟစ်လိုက်ကြတာ လုပ်တော့ တလွဲ။
ဘယ်လိုရေးရေး ဘာသာရေး post တစ်ခုဟာ like (၁၀၀) ရဘို့ခဲယဉ်းလှတယ်။ Profile မှာမိန်းမပုံချောချောလေးမြန်းတင်လိုက်ပြီး Hi လို့တစ်လုံးတည်းတင်ကြည့်လိုက် များလိုက်တဲ့ Like ၊ရေးလိုက်တဲ့ ကွန့်မန့် ၊ပြီးတော့... အင်ထုခံရမှန်းသိကြဘူး ။ တစ်ချို့ဆို စမီးလေ ပျင်းတာ ဘာပုံတင်ရမှန်းလည်းသိဘူးလို့မြန်း ကပိုကယိုနဲ့ အိပ်ချင်မူးတူးပုံနဲ့ တင်ကြည့်လိုက် များလိုက်တဲ့ like တစ်ခဏလေးဘဲ like (400) (500) လောက်ပုံအောသွားတယ် ။ဒီလိုသာ ဆက်လုပ်နေကြမယ်ဆိုရင် ဗုဒ္ဓဘာသာတရား တိုးတက်ဘို့ အလှမ်းဝေးပါသေးတယ် ........
ကိုမင်းဇော်မြင့် - နားလည်သွားပလား

ခရစ်တွန်သြဘာ
@chirstonawba (23-4-2018)
……………………………………………………
လက်ကိုင်ဖုန်း ဖြင့် စာစီရခြင်းဖြစ်သည့်အတွက် သတ်ပုံမှားယွင်းမှုများ တွေ့ ရှိပါက သည်းခံခွင့်လွှတ်ပြီး ပြင်ဆင်ဖတ်ရှုပေးပါရန် မေတ္တာရပ်ခံပါသည်။