MIUI (Mi) မှာတော့ ထိုသို့ မရပေ။ ထိုမျှလောက်လည်း မရိုးရှင်းလှပေ။ down grade ပြန်ဆင်းရန် bootloader unlock လုပ််ဖို့ လို၏။ အဆိုပါ bootloader unlock က စထုတ်လာကတည်းက unlock မဟုတ်ဘူးလားဟု မေးစရာ ရှိ၏။ android phone အကြောင်းကို အထိုက်အလျောက် နားလည်သူများ အဖို့ ထို BLU ဆိုတာကို ရင်းနှီးမည် ထင်၏။ မည်သည့် android phone တွေမှာ မဆို lock လုပ်ထားပြီးသား အနေနှင့်သာ ထုတ်၏။ phone ၏ လုံခြုံရေးနှင့် အခြား ကိစ္စရပ််များကြောင့် phone company တွေက သူတို့ Phone တွေကို lock လုပ်ထားခြင်း ဖြစ်၏။

ဒါကို user တွေက တခြား ကိစ္စရပ်များ လုပ်လိုသဖြင့် unlock လုပ်ကြခြင်း ဖြစ်၏။ root လုပ်လိုခြင်း၊ custom recovery သွင်းခြင်း၊ custom firmware များ တင်ခြင်း အစရှိသည်များကို လုပ်လိုသောကြောင့် unlock လုပ်ကြခြင်း ဖြစ်၏။ ယခင် meizu မှာလည်း unlock လုပ်မှသာ root လုပ်လို့ ရမည် ဖြစ်၏။ root permission အပြည့် ရအောင်လုပ်လို့ ရသည်ကိုး။ ခက်တာက ကျနော့် Meizu Mx6 မှာတော့ unlock လုပ်လို့ မရပေ။ official ကော၊ unofficial ကော လုပ်လို့ မရပေ။ သို့နှင့်ပဲ အဆိုပါ Mx6 လေးနှင့် အချိန်တော်တော်ကြာ လည်နေခဲ့ရသေး၏။

ယခု mi မှာတော့ unlock လုပ်ဖို့ကို official လျှောက်လို့ ရ၏။ mi websit သို့ လှမ်းပြီး လျှောက်ရခြင်း ဖြစ်၏။ unlock လုပ်မည့် phone ကနေ လှမ်းလျှောက်ရခြင်း ဖြစ်၏။ mi account ရှိထားဖို့ လို၏။ Gmail or Email နှင့် ဖွင့်ထားပါက phone no နှင့် ထပ်ချိတ်ပေးဖို့ လို၏။ ထိုသို့ လျှောက်ထားပြီး lock ကို unlock လုပ်ဖို့ စောင့်ရ၏။ တပတ်လောက်တော့ စောင့်ရသည် ဆို၏။ အချို့ Model တွေတော့ စောင့်စရာ မလိုပေ။ ဥပမာ 2018 ခုနှစ်အတွင်း ထွက်သည့် phone များ ဆိုလျှင်တော့ စောင့်စရာ မလိုဘဲ unlock လုပ်လို့ ရ၏။ အချို့ကြပြန်တော့ (၂) ပတ်လောက် စောင့်ရသည် ဆို၏။

သတ်မှတ်ထားသည့် အချိန် ပြည့်သွားလျှင်တော့ unlock လုပ်လို့ ရပြီ ဖြစ်၏။ ထိုအဆင့်ကတော့ သိပ်မခက်တော့ပေ။ Unlock ဖြစ်သွားပြီးလျှင်တော့ အခြား မိမိ လုပ်လိုရာကို လုပ်လို့ ရပြီ ဖြစ်၏။ ကျနော့်အတွက်တော့ MIUI 10 သို့ ပြန်ဆင်းလို့ ရပြီ ဖြစ်၏။ တလက်စတည်း twrp recovery လေးသွင်းပြီး viper4 လေးပါ သွင်းလိုက်ဦးမည်။ ဒါမှ သီချင်း နားထောင်ပြီး ငြိမ့်လို့ ရပြီ။ နောက်ပိုင်း MIUI 12 မှပဲ update လိုက်တင်လိုက်တော့မည်။ လောလောဆယ် ထွက်သမျှ MIUI 11 များကို မျက်ကွယ်ပြုထားလိုက်ဦးမည်။ MIUI 10 လေးမှာပဲ နေလိုက်ပါဦးမည်။ ခုတော့ unlock လုပ်ဖို့ စောင့်နေရပေလိမ့်ဦးမည်။

Don Jaun

MSC 31