Game … . အနှီစကားလုံးသည် ယနေ့ခေတ်လူများအတွက် သိပ်မစိမ်းလှပေ။ လူကြီး၊ လူငယ်မရွေး သိကြဆော့ကြ၏။ တချို့ဆို လက်ရှိဘ၀ကိုတောင် မေ့ပြီး game ကမ္ဘာထဲမှာပဲ ပျော်ရွှင်စွာနေထိုင်နေကြ၏။ Real life ထက်စာလျှင် Virtual life မှာ ပိုမိုပျော်ရွှင်နေကြ၏။ ဤသည်ကလည်း လက်ရှိ ဖြစ်နေပျက်နေတာတွေကို ခဏတဖြုတ်မေ့ထားနိုင်သောကြောင့်၊ စိတ်ပျော်ရွှင်မှု ရသောကြောင့်၊ အနားယူ အပန်းပြေစေလိုသောကြောင့် စသည့် အကြောင်း အမျိုးမျိုးကြောင့် Game များ ဆော့ကစားကြ၏။

ကျနော်တို့ ခပ်ငယ်ငယ်တုန်းက Family Game စက်လေးများကို သတိရမိနေသေး၏။ အခွေကို ထိုးထည့်ပြီး မိမိဆော့ကစားချင်သည့် Game ကို ဆော့ကစားကြ၏။ မာရီရို၊ ရမ်ဘို၊ တင့်ကား Game လေးများကို ခုချိန်ထိ မှတ်မိပြီး တသသ ဖြစ်နေသေး၏။ အနှီ Game များသည်လည်း Game စက်များ အဆင့်မြင့်လာသည်နှင့်အမျှ Family Game အဆင့်မှာပဲ ကျန်မနေခဲ့ပဲ နောက်ပိုင်း PS Game စက် series များထိတိုင် ပါလာခဲ့၏။ ရေမြင့်တော့ ကြာပါတင့်ရသည် မဟုတ်လား။ ယခုအခါ ထိုကဲ့သို့သော် Game များကို phone များမှာပင် အလွယ်တကူ ဆော့နိုင်နေပြီ မဟုတ်လား။ နည်းပညာတိုးတက်လာမှုသည် လွန်စွာမှပင် မြန်ဆန်လွန်းလှ၏။

photo from Facebook

ငယ်စဉ်ကလေးဘ၀တုန်းက ရွယ်တူ ကလေးများကြား ထို family game စက်ရှိလျှင် လွန်စွာ မျက်နှာပန်း ပွင့်၏။ ဒီဘက်ခေတ်စကားနှင့် ပြောရလျှင် ၀န်းရံချင်သူ များ၏။ ဆယ်လီဖြစ်သည်ပေါ့။ ထိုသူငယ်ချင်း အိမ်သို့ သွားပြီး Game ဆော့ခွင့် ရလျှင် ကျနော်တို့အဖို့ လွန်စွာမှ ကံထူးလှသည်ဟု ခံစားရ၏။ ပျော်သည့်အပျော်က နှလုံးပီတိ ဂွမ်းဆီ ထိသလိုပင်။ ထိုစက်မျိုး ပိုင်ဆိုင်သည့် ကလေးကလည်း (၁၀) ယောက်မှာ (၂) ယောက်လောက်ပင် မရှိချင်ပေ။ ထိုကလေးများသည် ရွယ်တူကလေးများကြား ကလေး အချင်းချင်း၏ ဂရုစိုက်ခြင်း ချစ်ခင်နှစ်သက်ခြင်းကို ခံရ၏။ ကိုယ့်အပေါ်ဆိုးနေလျှင်တောင် Game စက်မျက်နှာနှင့် အစစ အရာရာ သည်းခံ၏။ အခြားတပါးသော ဆော့ကစားဖို့ နေရာကလည်း မရှိသည်ကိုး။

ထို Game စက်အပြင် ထိုစဉ်က ကလေးများကြား ရေပန်းစားသော Game စက် တမျိုး ရှိသေး၏။ မြွေဂိမ်းနှင့် တိုက်ဆောက်ဂိမ်း (ငယ်ငယ်က အခေါ်) စသည့် အသေးစား Game ကလေးများ ဆော့ကစားလို့ ရသည့် mini game လက်ကိုင် Game စက်ကလေးများ ဖြစ်၏။ ဓါတ်ခဲသေး (၂) လုံးထည့်ဆော့ရ၏။ ထိုကဲ့သို့သော် စက်မျိုး ရှိသည့် ကလေးသည်လည်း ရွယ်တူကလေးများကြား ရေပန်းစား၊ မျက်နှာ ပွင့်၏။ အချို့က ထိုစက်ကို အိမ်က မိဘများ မသိအောင် ကျောင်းသို့ ယူယူလာတတ်၏။ အဓိကက ကြွားဖို့ဖြစ်၏။ မိမိ game စက်ကို တအံတသြ ငေးကြည့်နေသည့် သူငယ်ချင်းတွေကို အားလုံးထဲမှာမှ ငါပဲ ကိုင်နိုင်တာ ဆိုသည့် ဒီဇိုင်း မျက်နှာ ဘေးနှင့် ခပ်မော့မော့လေး နေလို့ ရ၏။ ဘ၀င်လေဟပ်နေလို့ ရ၏။ ထိုအချိန်မျိုးဆိုလျှင် ထိုစက်ပိုင်ရှိင်က (on the elephant) စင်ပေါ်က လူ ဖြစ်၏။

photo from Google

ကျောင်းသို့ အယူကောင်းပြီး စာသင်ချိန်မှာ ခိုးဆော့လို့ ဆရာမ မိသွားပါက စင်ပေါ်ကနေ (on the ground) မြေပေါ်က လူ အဖြစ်သို့ ရောက်သွားနိုင်၏။ ဆရာ၊ ဆရာမ၏ အဆူ၊အငေါက်ကို ခံရသည့်အပြင် အခန့်မသင့်လျှင် အရိုက်ပါ ခံရနိုင်၏။ ထိုမျှနှင့် ပြီးလားဆိုတော့ မတော်တဆများ ဆရာမက ထို game စက်ကို တရက်သိမ်းတယ် မနက်ဖြန်မှ ပြန်ယူဟုများ ပြောလျှင် စာဖြင့် ရေးသား မဖော်ပြနိုင်သော မျက်နှာအမူအယာများ ဖြစ်ပေါ်လာပြီး ခေါင်းငိုက်စိုက်ကြသွားသည်အထိပင်။ အိမ်ရောက်လျှင် ထပ်နာတော့မည် ဆိုသည့်အသိက ထိုခေါင်းကို လုံးဝ ငိုက်စိုက် ကြသွားစေ၏။ ထိုသို့ ဖြစ်ဖြစ်နေ၊ မိမိနေ သဖြင့် ကျောင်းသားများသည် ထို Game စက်ကို မယူလာတော့ဘူးလား ဆိုတော့ မဟုတ်၊ ယူလာနေကြသေး၏။ ဆရာမကလည်း ဆူ၊ ရိုက်၊ သိမ်းနှင့် သံသရာကို လည်လို့နေ၏။

ဆက်ပါဦးမည်

Don Jaun

MSC 31