ငယ်ဘဝပျော်ခဲ့ရ မင်းကွန်းမြေ

မြသိန်းတန်စေသီသည် မြန်မာမှာသာမက ကမ္ဘာထိအောင် ဂုဏ်ထူးဆောင်သည့်စေတီဖြစ်ပါသည်။စေတီတော်မြတ်ကြီး၏အမည်မှာ ပုဂံခေတ်အလောင်းစည်သူမင်းကြီး၏ကုသိုလ် ရှင်ဖြူရှင်ဘုရားရုပ်တုတော်ကို အစွဲပြု၍ 'ရှင်ဖြူဘုရား'ဟူ၍ လည်းကောင်း ကုန်းဘောင်ခေတ် ပဒုံမင်းတရားကြီးလက်ထက် မင်းကွန်းပုထိုးတော်ကြီးတည်ဆောက်စဉ် မြေးတော်စစ်ကိုင်းမင်းသားလေးက ပြန်လည်ပြုပြင်ရန်ခွင့်တောင်းရာ မင်းကြီးကခွင့်ပြုသဖြင့် စစ်ကိုင်းမင်းသား၏ ကြင်ရာတော် ဘိုးတော်မင်း၏အချစ်ဆုံးမြေးတော် ဆင်ဖြူမင်းသမီး ဘုရားတည်စဉ် နတ်ရွာစံကံတော်ကုန်သဖြင့် 'ဆင်ဖြူမယ်ဘုရား' ဟူ၍ လည်းကောင်း တစ်သိန်းတန်မြရတနာကို ဆင်ဖြူမယ် မင်းသမီးက ဌာပနာလှူဒါန်းခဲ့၍ 'မြသိန်းတန်ဘုရား' ဟူ၍ လည်းကောင်း အမည်တွင်ခဲ့ပါသည်။
စေတီတော်ကြီး၏ ထူးခြားချက်မှာ ရေလှိုင်းတွန့်သဏ္ဌန် ပစ္စယံခုနှစ်ဆင့်တွင် သီတာခုနှစ်တန် တောင်ရံ ခုနှစ်လုံးကို ရသည်ရွယ်ပါသည်။ သတ္တမပစ္စယာမှာ ယုဂန္ဓိုရ်တောင်ထိပ်ကို ရည်ရွယ်၍ အလယ်ဗဟိုမှာ မြင်းမိုရ်တောင်ကို ရည်ရွယ်ထားပါသည်။
စောင်းတန်းသုံးသွယ်မှာ မြတ်စွာဘုရားတာဝတိံသာနတ်ပြည်မှ အဘိဓမ္မာတရားဟောကြားတော်မူပြီး 'ရွှေစောင်းတန်း ငွေစောင်းတန်း ပတ္တမြားစောင်းတန်း' စောင်းတန်းသုံးသွယ်ဖြင့် ဆင်းသက်ပုံကို ရည်ရွယ်ထားပါသည်။
ကျွန်မငယ်စဉ်က ဗောဓိဝိုင်းဘုရားကျောင်းဝင်းအတွင်း ဘုန်းကြီးကျောင်း၌ အိပ်စက်စဉ် လသာညများ၌ မြသိန်းတန်စေတီတော်ဘက်မှာ မိန်းမပျိူများ၏ တဟီးဟီး တဟားဟား ရယ်မောပျော်ရွှင်သံများ ထုပ်ဆီးထိုးကစားသံလို ပြေးတမ်းလိုက်တမ်းကစားသံလို အသံများအမြဲကြားရသည်။သို့သော် ကလေးပီပီ မစပ်စုမိပါ။နောက် ကျွန်မကြီးပြင်းလာမှ မြသိန်းတန်ဘုရားရင်ပြင်တွင် လပြည့်ညများ၌ ဥစ္စာစောင့်များ မြူးတူးပျော်ပါးကြကြောင်း ဖခင်ကပြောပြပါသည်။
မြသိန်းတန်ဘုရားရှေ့မုခ်အဆင်း သစ်ပင်အောက်၌ရှိသော လက်ရာမြောက်လှသည့် ဘီလူးမရုပ်တုမှာ ညအခါတွင် အသက်ဝင်ပါသည်။ဘုရားပရိဂုဏ်တွင် မကောင်းမှုပြုလုပ်သူများကို ထင်ထင်ရှားရှားပြ၍ ခြောက်လှန့်သည်ဟုလည်းဆိုပါသည်။
နေ့အခါတွင် မြသိန်းတန်ဘုရားပေါ်စောင်းတန်းသုံးသွယ်မှနေ၍ တက်လိုက် ဆင်းလိုက် တူတူပုန်းကစားလိုက်ဖြင့် ကျွန်မပျော်ခဲ့ဖူးပြီး စေတီတော်အပေါ်ဆုံးပစ္စယာမှနေ၍လည်း အနောက်ဘက်ထန်းတောများ ဥသျှစ်ပင်များ အဝေးရှုခင်းများကို ကြည့်ရှုရသည်မှာ စိတ်နှလုံးပေါ့ပါးလွတ်လပ်ခဲ့ပါသည်။
မြသိန်းတန်စေတီတွင် ကြုံခဲ့ရသော အမှတ်တရတစ်ခုကို တင်ပြချင်ပါသေးသည်။တစ်ခါက ညဦးပိုင်းလသာညတစ်ညတွင် ကျွန်မဖခင်ဖြစ်သူနှင့်အတူ ဦးလေးတစ်ယောက်အပါအဝင် မြသိန်းတန်စေတီပေါ်သို့တက်၍ ဖူးမြော်ခဲ့ကြသည်။
အရှေ့ဘက်စောင်းတန်းကတက်လာစဉ် ဦးလေးဖြစ်သူက ဆေးလိပ်သောက်ချင်၍ 'မီးခြစ်ပါလား'ဟု ကျွန်မဖခင်ကိုမေးရာ ဖခင်ကြီးက 'မပါပါဘူးကွာ'ဟု ပြောရင်း အပေါ်သို့မော့ကြည့်သည်တွင် ဘုရားရှေ့၌ ဖယောင်းတိုင်မီး ပူဇော်ထာသည်ကို တွေ့ရ၍ 'အပေါ်ကျမှ ဘုရားမီးနဲ့ညှိသောက်ကွာ'ဟု ပြောလိုက်ပါသည်။
ဘုရားရှေ့ရောက်သောအခါ ဦးလေးက ကျွန်မဖခင်ပြောသည့်အတိုင်း ဘုရားမီးဖြင့် ဆေးလိပ်မီးညှိရာ ရုတ်တရက် 'ဟုပ်'ခနဲ လေတိုက်ပြီး ဖယောင်းတိုင်သုံးတိုင်လုံး မီးငြိမ်းသွားပါသည်။
'လေကလဲတိုက်လိုက်တာကွာ မှောင်နေပြီပြန်ဆင်းကြစို့' ကျွန်မတို့ သုံးဦးပြန်ဆင်းလာပြီး စောင်းတန်းအဆင်းပထမပစ္စယာအရောက် အမှတ်မထင်အပေါ်သို့ သမင်လည်ပြန်ကြည့်လိုက်ကြသည်။စောစောက လေတိုက်၍ငြိမ်းသွားသည့် ဖယောင်းတိုင်များမှာ ဘုရားရှေ့တွင် ထိန်ထိန်လင်းလျက်တွေ့လိုက်ရသဖြင့် ဖခင်မှာ ကျွန်မကိုပွေ့ချီ၍ ဗောဓိဝိုင်းဘုရားအရောက် ပြန်ပြေးခဲ့ကြရသည်။
မြသိန်းတန်စေတီမှ ဆည်းလည်းသံလေးများက လေထဲမှာပျံဝဲလျက် လသာညလေးများကိုကျွန်မလွမ်းဆွတ်ဆဲပါ။