ဒဲ့ပြားရွာသို့စာပေခရီးတစ်ခေါက်

ကျွန်တော်သည် ခရီးထွက်ခြင်းကို ဝါသနာပါသူတစ်ဦးဖြစ်ပါသည်။ခရီးတို ခရီးရှည် အချိန်ရလျှင် ရသလိုသွားဖြစ်တယ်။ခရီးသွားခြင်းဖြင့် စာပေဗဟုသုတ ဒေသန္တရဗဟုသုတ ဓလေ့ထုံးစံများ လေ့လာရခြင်းကို အင်မတန်ဝါသနာပါသူလည်း ဖြစ်ပါတယ်။အခုတစ်ခေါက် ပခုက္ကူသို့သွားသောခရီးစဉ်မှာ 'စာပေ' ကို အကြောင်းပြု၍ ထွက်ခဲ့ရသောကြောင့် ပိုပြီးပျော်ရွှင်မိပါတယ်။
မိမိသင်ကြားနေသော တက္ကသိုလ်ရှိ တပည့်ကျောင်းသားကလေးနှင့် စကားစပ်မိရာမှ ယခုစာပေခရီးဖြစ်ပေါ်လာရပါတယ်။တပည့်ကျောင်းသားကလေးစာဖတ်ဝါသနာပါခြင်းကို သတိပြုမိရာမှ သူနေထိုင်ရာ ရွာလေးရှိ စာကြည့်တိုက်တွင် စာအုပ်လှူဒါန်းရန် အလှူရှင်လိုအပ်နေပြီး စာအုပ်လှူဒါန်းမည့်သူ တစ်ဦးတစ်ယောက်မျှ မပေါ်ပေါက်သေးကြောင်း စာကြည့်တိုက်ရှိနေပါသော်လည်း စာအုပ်စာပေတစ်အုပ်မျှ မရှိသေးသည့်အတွက် မိမိအပါအဝင်အလှူရှင် စုစုပေါင်း ခြောက်ဦး၏ စုပေါင်းအလှူဒါနဖြင့် စာအုပ်အမျိူးအစားစုံစုံနှင့် တတ်နိုင်သမျှ သွားရောက်လှူဒါန်းခဲ့ခြင်းဖြစ်ပါသည်။
ယခုနှစ် ဖေဖော်ဝါရီ ၉ရက်တွင် မန္တလေးမြို့မှ ကချင်-မန်း ခရီးသည်တင်ယာဉ်လိုင်းဖြင့် စတင်ထွက်ခွာလာခဲ့ပါသည်။ခရီးသည် ၁၃ဦးဆံ့ ကားဖြစ်၍ လမ်းခရီး၌ မပင်ပန်းဘဲသွားခဲ့ရပါသည်။လမ်းတစ်လျှောက် ဖြတ်သန်းလာသောမြို့များကို ကြည့်ရင်း ကျွန်တော်၏စိတ်တွင် လန်းဆန်းလာပါတော့သည်။
မန္တလေး စစ်ကိုင်း မြင်းမူမြို့တို့ကို တဖြည်းဖြည်းကျော်လွန်ပြီးနောက် ချောင်းဦးမြို့နယ်သို့ စတင်ဝင်လာပါတော့သည်။ချောင်းဦးမြို့နယ်သို့ ရောက်သည့်အခါ ဆရာကြီးသခင်ကိုယ်တော်မှိုင်း၏ လေးချိူးတွက်ပါသော မြို့များကိုလည်း ပြန်လည်သတိရမိသည်။ထို့နောက် ဆင်ဖြူတံတားကိုဖြတ်ကျော်ပြီးနောက် ရွာစဉ်တန်းလေးများ၏ အမည်မှာ မြန်မာဆန်လှပါတယ်။ရေစကြိုနယ်အစကိုဝင်လိုက်သည်နှင့် ရွာညီအစ်အကိုရွာကို စတွေ့ရပါသည်။အမည်ဆန်းလေးများဟု တင်စားလောက်အောင် ရွာအမည်လေးမှာ ချစ်စရာကောင်းလှသည်။မန်ကျည်းခွရွာ မန်ကျည်းဘုတ်ရွာ မအူအလယ်ရွာ မအူတောင်ရွာဆိုသည့် မြန်မာ့ကျေးလက်ရနံ့အပြည့်ပါသည့် ရွာအမည်ဆန်းလေးများပဲဖြစိပါတယ်။
ထိုနောက် ရေစကြိုထန်းသီးမုန့်ရောင်းသည့် တမာတန်းဈေးအပြင်ဘက် တန်းသီးမုန့်များရောင်းချသည့်နေရာတွင် ကားရပ်နားပေး၍ ထန်းသီးမုန့်များ မြည်းခွင့်ရပါသည်။ထန်းသီးဆိုင်များ အများအပြးရှိပါသည်။ထန်းသီးမုန့်ကို မြန်မာ့ရိုးရာအစားအစာ ရေစကြိုဒေသထွက် အစားအစာဖြစ် လူကြိုက်များလှသည်။ဆိုင်အတွင်းသို့ ဝင်လိုက်သည်နှင့်မြန်မာဆန်ဆန် ရေနွေးကြမ်းဝိုင်းဖြင့် တည်ခင်းဧည့်ခံပါသည်။