ကျိုက်ထီးရိုးစေတီသို့ အလည်တစ်ခေါက်

ကျိုက်ထီးရိုးစေတီသို့ အလည်တစ်ခေါက်

၂၀၀၅ ခုနှစ်၊ ဧပြီလ သင်္ကြန်အချိန်ပေါ့ ကျွန်တော့်တို့ မိသားစု (၃) ဦးနှင့် ဆိုင်မှ ၀န်ထမ်း (၃) ဦး စုစုပေါင်း (၆) ဦး သွားခဲ့တဲ့ ခရီးစဉ်လေးပါ။ ဘုရားဖူးကားလက်မှတ်ကို ဖုန်းနဲ့လှမ်းဆက်ပြီးမှာခဲ့တယ်။ ကျိုက်ထိုဟိုတယ်ကိုတော့ အသိတစ်ယောက်က လှမ်းပြီးဘွတ်ကင်ချိတ်ပေးတယ်။
ဒီလိုနဲ့ ခရီးစဉ်ဆွဲတော့ ပုသိမ်ကနေ (၁၂) နေ့မနက်ခပ်စောစောထွက်ခဲ့တာပေါ့ ရန်ကုန်ရောက်တော့ အချိန်နည်းနည်းပိုတာနဲ့ ရွှေတိဂုံစေတီသွား၊ အသိမိတ်ဆွေအိမ်သွားနဲ့ အချိန်တွေဖြုန်းရတာပေါ့ဗျာ။ ညနေဖက်ကျတော့ အရှေ့မြင်းပြိုင်ကွင်းနားမှာ ကားတွေစုရပ်လုပ်ထားတဲ့နေရာသွားပြီး ကားစီးဖို့စောင့်ရတာပေါ့ဗျာ။ အဲ့ဒိအချိန်က ဘုရားဖူးကားတွေက အခုခေတ်လောက်ထိ သိပ်အဆင်မပြေသေးဘူး ဂျင်းတွေများတယ်ပေါ့။ ညနေ ၅း၃၀ လောက်ကျတော့ ကားတွေပေါ်မှာလူစုံပြီဆိုတော့ ခရီးစဉ်စကြပါတော့တယ်။ ကားထွက်တော့ ၀န်ထမ်းမိန်းကလေး (၃) ယောက်ကို ကျွန်တော်တို့ရှေ့မှာထားပြီး ကျွန်တော်တို့မိသားစု (၃) ယောက်ကတော့ သူတို့နောက်ဖက်ခုံလေးမှာ ထထိုင်ကြတာပေါ့ဗျာ။ ဘာကြောင့်ဆို မိန်းကလေးတွေတစ်ခုခုဆို ကိုယ်တွေက မြင်ရအောင်လို့ပေါ့။ ဒီထဲမှာ ကောင်မလေးတစ်ယောက်က ကားပေါ်တက်ပြီဆိုတာနဲ့ အန်တော့တာပါပဲ။

ကားက အဲယားကွန်းဖွင့်တယ်ဆိုယုံလေးပေါ့။ နွေခေါင်ခေါင် ပူကလည်းပူ လူတွေရဲ့အနံ့အသက်တွေနဲ့ဆိုတော့ ကားမမူးတတ်တဲ့ကိုယ်တွေတောင် ရိပ်တိတ်ရိပ်တိတ်ဖြစ်လာပါတော့တယ်။ ကင်ပွန်းစခန်းရောက်တော့ ညအတော်လေးမိုးချုပ်နေပါပြီ။ ဒါနဲ့ပဲ ထမင်းဆိုင်တစ်ဆိုင်မှာ ခေတ္တခဏအခန်းငှားပြီ ၀င်အိပ်ရတာပေါ့ဗျာ။ အဲ့ဒိမှာတေ့ အတူတူစုပြီးတခန်းတည်းအိပ်ဖြစ်ခဲ့တယ်။ မနက်ကျတော့ ပါလာတဲ့အထုပ်အချို့ကို အဲ့ဒိအခန်းထဲမှာထည့်ပြီး တောင်ပေါ်တက်တဲ့ကားစီးဖို့ ထွက်လာခဲ့ကြတော့တာပေါ့။ ပွဲတော်ရာသီဆိုတော့ ဘုရားဖူးတွေအတော်များတယ် ကြိတ်ကြိတ်တိုးပဲ။ ကျွန်တော့်မိသားစုဆိုတာကလည်း ကျွန်တော်ရယ်၊ ကျွန်တော့်အမျိုးသမီးရယ်၊ (၂) နှစ်အရွယ်လမ်းလျှောက်တတ်ကာစ သားကလေးရယ် ပါ။ ပါလာတာကလည်း ၀န်ထမ်းမိန်းကလေး (၃) ယောက်၊ ယောင်္ကျားလေးဆိုလို့ ကျွန်တော်ရယ်၊ ကျွန်တော့်သားလေးရယ် ဒီတော့ ကားတိုးစီးဖို့ မလွယ်ဘူးလေ။ အဲ့ဒါကြောင့် ကျွန်တော့်အမျိုးသမီးရယ်၊ သားလေးရယ်၊ ၀န်ထမ်းမိန်းကလေး (၂) ယောက်ရယ်ကို ကားခေါင်းခန်းထိုင်ခိုင်းပြီး၊ ကျွန်တော်နဲ့ ၀န်ထမ်းမိန်းကလေးတစ်ယောက်က ကားနောက်ခန်းမှာ မတ်တပ်ရပ်ပြီးလိုက်ခဲ့ရပါတယ်။
ဒီအတက်လမ်းမှာ မှတ်မှတ်ရရဆိုလို့ ကားခေါင်းခန်းမှာထိုင်တဲ့ ဆိုင်ဝန်ထမ်းမိန်းကလေး (၂) ယောက်က သေးသေးညှပ်ညှပ်လေးတွေလေ။ အရပ်က (၄) ပေ (၅) လက်မလောက်ပဲရှိတယ်။ ကားခေါင်းခန်းမှာကလည်း ရတဲ့နေရာထိုင်ရတော့ တစ်ယောက်က ဂီယာတံကိုခွထထိုင်ရတာပေါ့ဗျာ။ ကားစထွက်တယ်ဆိုရင်ပဲ ကားဆရာက သူ့ဂီယာတံပျောက်လို့လိုက်ရှာနေရတယ်။ ဂီယာထိုးခါနီးတော့ သမီးလေးပေါင်ကား ဦး ဂီယာထိုးချင်လို့ဆိုပြီးတော့ပေါ့ဗျာ။ ဒီလိုနဲ့ပဲ ပေါင်ကားလိုက် ဂီယာထိုးလိုက်နဲ့ တောင်ပေါ်ရောက်သွားတယ်ဆိုပါတော့ဗျာ။ ဒီလိုဟာသလေးတွေလည်း ယခုအထိ အမှတ်တရပြောဖြစ်နေတုန်းပေါ့။
ကားပေါ်ကဆင်းတော့ အထုပ်အပိုးတွေယူပြီး တည်းမယ့်ဟိုတယ်ကိုလမ်းလျှောက်ရတော့တာပေါ့။ ဒီလိုနဲ့ ဟိုတယ်သွားတဲ့လမ်းဘေးဝဲယာမှာ ဘယာကြော်သည်တွေတွေ့တိုင်း သားတော်မောင်က အကြော်စားမယ်၊ အကြော်စားမယ်နဲ့ ၀ယ်ပေးထားတာတောင် တစ်ဆိုင်တွေ့တစ်ခါပူဆာနဲ့သွားရင်း ကျွန်တော်တို့တည်းခိုမယ့် ဟိုတယ်ကိုရောက်ရှိသွားပါတယ်။ ဟိုတယ်ရောက်တော့ တည်းမယ့်အခန်းကိုသွားကြည့်တော့ ဟိုတယ်ခန်းဆိုပေမယ့် အထင်တော့မကြီးပါနဲ့ လူ (၄) ယောက်လောက်စုပြီးအိပ်လို့ရနိုင်တဲ့ ကုတင်အကျယ်ပါပြီး ရေမြှုပ်ခင်း၊ အိပ်ယာခင်းခပ်နွမ်းနွမ်းရယ် ခေါင်းအုံး (၄) လုံးရယ်ပါတဲ့ အခန်းလေး (၂) ခန်းရခဲ့တယ်။ ကုတင်ပေါ်ကဆင်းလိုက်တာနဲ့ တံခါးဝကိုရောက်တဲ့အခန်းလေးပေါ့ဗျာ။ အိမ်သာရေချိုးခန်းဆိုတာလည်း စုပေါင်းသွားရတဲ့ ရေချိုးခန်း (၂) ခန်း၊ အိမ်သာ (၃) ခန်းရယ် အဆောက်အဦလေးပေါ့ဗျာ။ အဲယားကွန်းမပါ၊ ပန်ကာမပါပေါ့။
ဒါနဲ့ ၀န်ထမ်းမိန်းကလေးတွေကို (၁) ခန်း၊ ကိုယ်တွေမိသားစုက (၁) ခန်းယူပေါ့ဆိုပြီး နားလိုက်ကြတယ်။
ဟိုတယ်ရောက်တယ်ဆိုရင်ပဲ ခဏနားကြမယ်ဆိုပြီး လှဲနေလိုက်ကြတာ ခရီးကပမ်းတော့ အားလုံးအိပ်ပျော်သွားလိုက်ကြတယ်။ သားတော်မောင်က ချီးပါချပြီးတော့ သူ့အမေကိုနှိုးတော့မှ ကိုယ်တွေလည်း နိုးကြတော့တယ်။ နိုးတဲ့အချိန်ကလည်း နေ့ခင်း (၂း၃၀) လောက်ဖြစ်နေပြီ မနက်ထမင်းတောင် လွတ်သွားတယ်ပေါ့ဗျာ။
ကဲဒါနဲ့ ရေမိုးချိုးပြီး ဗိုက်ထဲဆာတာနဲ့ ပါလာတဲ့မုန့်လေးဘာလေးစားပြီး ညနေ (၄) နာရီလောက်ကျတော့ ကျိုက်ထီးရိုးဘုရားရင်ပြင်ပေါ်တက်ခဲ့တော့တာပေါ့ဗျာ။ ထုံးစံအတိုင်း လမ်းမှာတွေ့တဲ့ ဘယာကြော်ဆိုင်တွေတွေ့တိုင်း သားတော်မောင်က အကြော် အကြော် အကြော်စားမယ်ဆိုတာချည်း လုပ်တော့တာပေါ့ဗျာ။ လမ်းလျှောက်တတ်ကာစဆိုတော့ ချီလို့လည်းမရ သူကလျှောက်မယ်ချည်း ဟူး သူ့ကိုတွဲရ၊ တောင်ပေါ်တက်ရဆိုတော့ မလွယ်ဘူးပေါ့ဗျာ ခါးကိုချိနေတာပဲဗျာ။ ဘုရားကြီးရင်ပြင်ရောက်တော့ ဘုရားဖူးတွေက ရင်ပြင်အပြည့်ပဲဗျာ စည်လိုက်တာ ကြိတ်ကြိတ်တိုး ဆိုင်က၀န်ထမ်း (၃) ယောက်ကလည်း သူတို့ တခါမှမရောက်ဖူးတော့ အတော်အံ့သြနေကြတာပေါ့ ဒီလိုနဲ့ ညစာကို ခပ်စောစောစားပြီး ဘုရားဖူးဖြစ်ခဲ့တယ်။ ဘုရားပန်းကပ်၊ ပုတီးစိပ်၊ သားတော်မောင်နဲ့ အတူ ရွှေသင်္ကန်းကပ်နဲ့ အတော်လေးကြာကြာနေဖြစ်ခဲ့တယ်။ အားလုံးလည်း ပြီးရော ဘုရားကြီးကိုလှည့်လည်ဖူးမြှော်ဖို့ အောက်ဖက်ဆင်းတဲ့လှေကားမှာ ထိုင်ပြီး စကားပြောလိုက်၊ နေကြာစိစားလိုက်နဲ့ လေညှင်းခံရင်း ည (၁၀း၃၀) လောက်မှ ပြန်ဆင်းဖြစ်တော့တယ်။ ဟိုတယ်ရောက်တော့ အတော်လေးနောက်ကျနေပြီ။ သားတော်မောင်ကလည်း သူအိပ်နေကျက သူ့အဖွားဖြစ်သူ ကျွန်တော့်အမေရယ်၊ ကျွန်တော့်ညီမရယ်တို့နဲ့ အိပ်နေကျဆိုတော့ သူအိပ်ဖို့အတွက် ပြသနာရှာတော့တာပေါ့ဗျာ။ အဲ့ဒိတော့ သူက အိမ်ပြန်မယ် အိမ်ပြန်မယ် အိမ်ပြန်ပို့ပေးဆိုပြီး ငိုလိုက်တာ ည (၂) နာရီကိုထိုးရောပေါ့ဗျာ။ အဲ့ဒိတော့မှပဲ ကိုယ်တွေလည်းအ်ိပ်ရတော့တယ်။ မနက်ကျပြန်တော့ ဘုရားကို အရုဏ်ဆွမ်းကပ်ဖို့ အစောထပြီး ပြင်ရဆင်ရလုပ်ရသေးတာပေါ့ဗျာ။ ဘုရားသွားတဲ့အချိန်ကျတော့ သားတော်မောင်က အိပ်ကောင်းတုန်းဆိုတော့ သူ့ကိုချီပြီး တောင်ပေါ်တက်ခဲ့ရပြန်ရောပေါ့။ အရုဏ်ဆွမ်းကပ်တော့ သူကအိပ်တုန်းလေ။ နည်းနည်းလေးမိုးလင်းတော့မှ သူကနိုးတော့ ကိုယ်တွေက နံနက်စောစာစားဖို့ မုန့်ဆိုင်ရောက်နေကြပြီလေ အဲ့ဒိတော့မှ သူ့ကို မျက်နှာသစ် အင်္ကျီလဲလုပ်ရတော့တာပေါ့ဗျာ။ အားလုံးပြီးတော့ မုဆိုးတောင်၊ ကျီးပါးစပ်ဘက်ကို ဆက်သွားဖြစ်တာပေါ့။ ကျီးပါးစပ်နားရောက်တော့ ယုန်သားကင်၊ အကြော်တွေထိုင်စားရင်း ခဏနားကြတယ်။ စားသောက်လို့ပြီးတော့ ကျီးပါးစပ်နားက နတ်ရေတွင်းဆိုတဲ့နေရာမှာ ဆိုင်က၀န်ထမ်းတွေကို ဒါနတ်ရေတွင်း မျက်နှာသစ်ကြ သောက်ချင်ရင်သောက်ကြ ဆိုပြီး ကိုယ်ကလည်း နတ်ရေတွင်းကရေကို မျက်နှာသစ်ရင် မျက်နှာပွင့်တယ် လူချစ်ခင်တယ်ဆိုပြီး ပြောရင်း မျက်နှာသစ်တော့ အမျိုးသမီးဖြစ်သူက သ၀န်တိုပြီး ဘာမျက်နှာပွင့်ရမှာလည်း ပြန်ဖျက်ပြန်ဖျက်ဆိုပြီး မျက်နှာကိုသူ့လက်နဲ့သုပ် ကိုယ်ကရယ်မောရင်း၊ သူကလည်းသ၀န်တိုရင်း နဲ့ ပျော်စရာအမှတ်တရလေးပေါ့ဗျာ။ ဆိုင်က၀န်ထမ်းမိန်းကလေးတွေကတော့ ဘယ်နှစ်ကြိမ်တောင်သစ်လိုက်လဲမသိပါဘူးဗျာ။ ခရီးသွားပြီးလို့ ပြန်လည်းရောက်ရော အသီးသီးအလီလီကို မျက်နှာတွေပွင့်ကြတာဆိုတာ တစ်ယောက်မှ ဆိုင်မှာမကျန်တော့ဘူးဗျာ။ ဒီလိုနဲ့ တောင်ပေါ်ပြန်ရောက်တော့ နေ့ခင်း (၁း၃၀) လောက်ဖြစ်နေပြီ ဗိုက်ဆာတာနဲ့ ထမင်းဆိုင်ဝင်စားပြီး တည်းတဲ့နေရာကိုပြန်၊ ဟိုတယ်ပြန်ရောက်တော့ တရေးတမောအိပ်ပြီး ညနေ ၄ နာရီလောက်မှ နိုးတော့တယ်။ အိပ်ရာကနိုးတော့ ည ဘုရားဖူးဖို့ ပြန်ပြင်ဆင်ရပြန်တာပေါ့ဗျာ။ အဲ့ဒိမှာ သားတော်မောင်က အိမ်သာတက်ရင်းလက်ဆော့လိုက်တာ ရေပိုက်ကပြုတ်ထွက်ကုန်တော့တယ်။ ရေချိုးဖို့ကလည်း လူတွေကများတော့ အတော်လေးစောင့်လိုက်တယ်။ ည (၆) နာရီလောက်မှ ရင်ပြင်တော်ပေါ်ရောက်တယ်။ ထမင်းအရင်စားပြီးမှ ဘုရားဖူးဖြစ်တော့တယ်။ ကလေးကို ၀န်ထမ်းကောင်မလေးတွေကိုထိန်းခိုင်းပြီး ပုတီးစိပ်၊ တရားထိုင်လုပ်ရတယ်။ အတော်လေးလည်း ငြိမ်းငြိမ်းချမ်းချမ်းရှိတယ်။ စိတ်ချမ်းသာမှုအပြည့်ရတယ်။ ည (၉) နာရီလောက်ကျတော့ တည်းတဲ့ဟိုတယ်ကို ပြန်ခဲ့ကြပါတယ်။ ခပ်စောစောပြန်ခဲ့တာကလည်း နောက်တစ်နေ့မနက်ကျရင် ပြန်ဆင်းရမှာဆိုတော့ ထည့်စရာပြုစရာတွေစုဖို့အတွက် ပြန်ခဲ့တာပါ။ အဲ့ဒိနေ့ညက (၁၁း၃၀) လောက်မှ အိပ်ဖြစ်တယ်။ ဒီညတော့ သားတော်မောင်က အစောကြီးအိပ်တယ်။

နောက်တစ်နေ့မနက်ကျတော့ (၆း၃၀) လောက် ပစ္စည်းတွေစုပြီး မနက်စာစား၊ အခန်းအပ်ပြီး ဟိုတယ်ကထွက်မယ်လုပ်တော့ ပတ်ဝန်းကျင်တစ်ခုလုံး မြူတွေဆိုင်းနေတာ (၁၀) ပေလောက်အထိတောင် ကောင်းကောင်းမမြင်ရချင်ဘူး။ တိမ်တွေပေါ်ရောက်နေသလိုပဲခံစားရတယ်။ ဟိုတယ်ကလည်း မုန့်ဟင်းခါးခေါက်ဆွဲစတုဒီသာကျွေးတော့ ၀င်စားလိုက်သေးတယ် စားဖူးသမျှထဲမှာ အဲ့ဒိနေ့ကမုန့်ဟင်းခါးခေါက်ဆွဲက အကောင်းဆုံးပဲဗျာ။
ပြန်ဆင်းတော့ အမျိုးသမီးရယ်၊ သားလေးနဲ့ရယ် ၀န်ထမ်းကောင်မလေး (၁) ယောက်ရယ်ကို ကားနဲ့တင်ပေးလိုက်ပြီး ကျွန်တော်နဲ့ ၀န်ထမ်းကောင်မလေး (၂) ယောက်က လမ်းလျှောက်ပြီးဆင်းဖြစ်တယ်။ ကားခသက်သာအောင်လို့လေ အဲ့ဒိတုန်းက သင်္ကြန်တွင်းဆိုတော့ အင်မတန်ဈေးကြီးတာဗျ။ လမ်းလျှောက်ဆင်းတော့ အရင်လိုသိပ်သွက်သွက်မဆင်းနိုင်ဘူး အရင်ဒဏ်ဖြစ်ထားတဲ့ ဒူးခေါင်းက ပြန်နာနေလို့ ဖြည်းဖြည်းချင်းနားနားပြီးဆင်းရတယ်။ တောင်အောက်ရောက်တော့ သားတော်မောင်က သူ့အတွက် သေနတ်ဝယ်ပေးပါဆိုလို့ ၀ယ်ပေးရသေးတယ်။ တစ်လမ်းလုံး အဲ့ဒိကျိုက်ထီးရိုးသေနတ်ကို လက်ကမချဘူးဗျာ။ အပြန်ကျတော့ မှဲ့ရှင်ဘုရားဝင်ဖူးရသေးတယ်။ ပြီးတော့ ထီးတော်လှုပ်စေတီလည်းဝင်ဖူးဖြစ်ခဲ့တယ်။ ရန်ကုန်ကို သင်္ကြန်အကြက်နေ့ ပြန်ရောက်ပါတယ်။ ပြန်ရောက်တော့ ညနေစောင်းနေပြီလေ ဒါနဲ့ပဲ မြို့တော်ခန်းမနားက ဟိုတယ်တစ်ခုမှာ အခန်း (၂) ခန်းငှားပြီး တစ်ညအိပ်ဖြစ်တယ်။ နောက်တစ်နေ့မနက်ကျတော့ နံနက်စာစားပြီး ပုသိမ်ပြန်ဖို့ အဝေးပြေးကားဂိတ်ကိုသွားတော့ ကားတွေမထွက်ဘူးတဲ့ဗျာ။ ထွက်တဲ့ကားတွေတော့ရှိတယ် ဆိုတော့ ကားလက်မှတ်က တစ်စောင်ကို ၅၀၀၀ လောက်ကျတယ်ဗျာ။ သို့ပေမယ့် မပြန်လို့ကလည်းမဖြစ်ဘူးလေ ဟိုတယ်မှာတစ်ညနေရရင် အဆင်မပြေဘူး။ ဒီလိုနဲ့ပဲ ပြန်ခဲ့ရတာပေါ့ဗျာ။ ညဖက် ပုသိမ်ကိုပြန်ရောက်ပါတယ်။ ပြန်ရောက်တယ်ဆိုရင်ပဲ ဆိုင်က၀န်ထမ်းကောင်မလေးတွေကို အိမ်ပြန်လိုက်ပို့၊ သားတော်မောင်ကို သိပ်နဲ့ ည (၁၂း၀၀) နာရီလောက်မှ ကိုယ်တွေလည်း အိပ်ဖြစ်တော့တယ်။
ဒီလိုခရီးသွားလိုက်ခြင်းအားဖြင့် ဆိုင်က၀န်ထမ်းတွေလည်း ရောက်ဖူးသွားသလို အလုပ်ရှင်နဲ့ အလုပ်သမားလည်း တစ်ဦးနဲ့တစ်ဦးပိုပြီးခင်မင်ရင်းနှီးသွားသလို အလုပ်ခွင်ထဲမှာရှိတဲ့ စိတ်ဖိစီးမှုတွေပြေပျောက်သွားခဲ့တယ်၊ ခရီးသွားရင်းအမှတ်တရတွေ ယနေ့ထိ ပြန်ဆုံတိုင်းပြောဖြစ်ခဲ့တယ်။ ဒါတွေကြောင့် တခဏတာလေး အပန်းပြေစေသလို မိမိအတွက် ကုသိုလ်လည်းရစေပါတယ်။ ဒါကြောင့် ခရီးများများသွားခြင်းကို ကျွန်တော်ကတော့ အတော်လေးနှစ်သက်သလို နှစ်စဉ်လည်း ခရီးသွားဖြစ်တယ်ဆိုတဲ့အကြောင်း၊ ဒီစာလေးနဲ့ ကျွန်တော့်ရဲ့ ကုသိုလ်လေးတွေကို ထပ်တူရကြပါစေလို့ ဆုမွန်ကောင်းတောင်းရင်း နိဂုံးချုပ်အပ်ပါတယ်။

ကိုမျိုးမင်းဦး
(မြင့်မြတ်) ပုသိမ်