Henry Aung ရဲ့ထိုအကြည့်မှ..အဝေးဆီသို့လှမ်းမျှော်မိခြင်း

in myanmar •  7 years ago  (edited)

မနေ့က..Henry Aung ရဲ့ထိုအကြည့်ဆိုသောပို့စ်တခုကိုဖတ်လိုက်တော့..ရင်ထဲမှာစူးစူးရှရှဖြစ်သွားတယ်။စိတ်ထဲမှာ
နာကျင်သောခံစားမူ့က..ဟိုး..အတိတ်ဆီသို့၊ခေါ်ဆောင်သွားတယ်လေ....။
ကြာခဲ့ပါပီ....။အတိတ်ဆိုတာမေ့ထားလို့သာရတယ်..ဖျောက်လို့မရဘူးဆိုတာ...တကယ်မှန်တာဘဲ။
၁၉၇၀ခုနှစ်ကာလ...အထက်ချင်းတွင်းမြစ်ရိုးတလျောက်ဆိုတာ..အခုခေတ်လို..ကားတွေ၊ရှပ်ပြေးယာဉ်ဖြစ်တဲ့..အမြန်ရေယာဉ်တွေမရှိသေးဘူး။တပတ်မှာ..နှစ်ကြိမ်သာဆိုက်ကပ်တဲ့သဘောင်္ကြီးတွေဘဲရှိတာ။IMG_20180228_120220.jpg
ဒီလိုသဘောင်္ကြီးတွေ၊ကမ်းနားဆိုက်မှ..မုံရွာကနေကုန်သည်တွေတင်ပီးရောင်းချတဲ့..စားသုံးကုန်တွေ၊လူသုံးကုန်ပစ္စည်းတွေကို၊ကိုယ့်ဒေသကကုန်သည်တွေကဝယ်...။အဲဒီမှတဆင့်ရပ်ရွာမှာရှိတဲ့လူတွေကိုလက်လီပြန်ရောင်း။ကုန်စည်စီးဆင်းမူ့ဆိုတာ..အဲဒီအဆင့်လောက်ပါဘဲ။
အဲဒီအချိန်က..ရုပ်ဝတ္ထူပိုင်းဆိုင်ရာတွေကလည်း..မဖွံဖြိုးသေးတော့...ဘာမှလည်းထူးပီး..မလိုအပ်သလိုပါဘဲ။အဓိက
မနက်နဲ့ညစာလေး..မှန်မှန်စားနေရတယ်ဆိုရင်ဘဲ..ဘဝဟာပြည့်စုံနေသလိုပါ။အိမ်တအိမ်မှာရှိတဲ့စဥ့်အိုးထဲမှာဆန်
အပြည့်ရှိနေရင်...ထမင်းမငတ်ဘူးဆိုတဲ့အသိတခုလေးဟာ...အရေးကြီးဆုံးသောအချက်ဖြစ်ပါတယ်။
လမ်းပန်းဆက်သွယ်ရေးခက်ခဲခြင်းဆိုတာ၊ဖွံဖြိုးမူ့ကိုတားဆီးပိတ်ပင်ခြင်းတခုပါလား..လို့..မသိကြသေးတဲ့ကာလတခုမှာ.ကြီးပြင်းလာခဲ့တဲ့လူသားတဦး။
အလုပ်အကိုင်ရှားပါး၊အခွင့်အလမ်းတွေ..မှန်းဆလို့မရနိူင်တဲ့ဒေသမှာ...မိသားစုများပြားသူတွေကတော့...တနေ့..တနေ့..ထမင်းနပ်မှန်ရင်ဘဲ..ကျေနပ်စွာဖြင့်
ညကိုအိပ်စက်နိူင်ပီပေါ့...။
မနက်စာကိုမွန်းတည့်ချိန်မှာစားပီးသော်လည်း...ညစာအတွက်ရင်မအေးရပြန်ဘူး။ဖခင်ဖြစ်သူက..မနက်မိုးလင်းကတည်းက..အလုပ်သွားပီး..မိုးချူပ်မှောင်ရီပျိူးစမှာ၊မောမောပန်းပန်းပြန်ရောက်ပေမဲ့..အမောမဖြေအားသေးဘဲ...လွယ်အိပ်
ထဲမှအကြွေစလေးထုတ်ပီး..သမီးငယ်ကိုဆန်ဝယ်ခိုင်းတယ်။ဗိုက်ဆာနေတဲ့သမီးလေးက...ဝမ်းသာအားရနဲ့ဈေးဆိုင်ကိုဆန်ပြေးဝယ်တယ်ပေါ့။
မီးမရှိတဲ့လမ်းက..မှောင်လို့လား...၊ထမင်းစားရတော့မဲ့အသိကြောင့်ပျော်လွန်းလို့..အပြေးမြန်ခဲ့သောခြေလှမ်းကြောင့်လား..။တောင်းစုတ်အသေးလေးထဲက..ဆန်တပြည်ဟာ
မြေကြီးပေါ်သို့မှောက်ကျသွားပါတယ်။
ခဲသဲရောနေတဲ့ဆန်အပေါ်မှာ..ကျနေတဲ့ကလေးမလေးရဲ့မျက်ရည်ဟာ...ထမင်းမဝမှာစိုးလို့လား..ဖခင်ရိုက်မှာကြောက်လို့လား..ဆိုတာတော့၊ကလေးမလေးကိုယ်တိုင်တောင်
သိမှာမဟုတ်ပါဘူး။အချိန်ကလင့်နေတော့...နှစ်ခုစလုံးလည်းဖြစ်နိူင်ပါတယ်နော်....။သေခြာတာကတော့...အဲဒီညနေစာဟာ...မဝခဲ့ပေမဲ့..ဖခင်ရဲ့အရိုက်လညိးမခံရတာပါဘဲ။
ဒီလိုနဲ့နှစ်ပေါင်းများစွာကြာမြင့်လာပီး.ကြီးပြင်းလာကြတယ်။
ထမင်းမဝခဲ့သော...ထမင်းငတ်မှာကြောက်သောဒုက္ခကိုလူ့ဘဝရဲ့နုနယ်စဉ်မှာ...လက်တွေ့ရင်ဆိုင်ကြုံတွေ့ခဲ့သော
ထိုကလေးမလေးဟာ...ဆင်းရဲတဲ့သူတွေ့တိုင်းပေးခြင်ကျွေးခြင်...ဆင်းရဲစေတဲ့အဖြစ်ကိုရောက်စေတဲ့လုပ်ရပ်တွေကိုရှူံ့ချခြင်..လက်မခံခြင်အောင်..စိတ်နှလုံးသားမှာဒဏ်ရာ
ရသွားပါတယ်။သူနေ့စဉ်တွေးမိတာက...လူတွေထမင်းကို
နပ်မှန်အောင်..ဝအောင်စားရရဲ့လား...ဆောင်းတွင်းမှာသူကနွေးထွေးအောင်အိပ်စက်ရပေမဲ့...သူ့ထက်နိမ့်ပါးသူတွေ
နွေးထွေးကြပါ့မလား....ဆိုတဲ့အတွေးတွေဟာ..မရိုးနိူင်သောအတွေးတွေဖြစ်နေပါတယ်။
ဒီကမှတဆင့်...ဆင်းရဲသားပြည်သူအများစုဘဝအနေနဲ့စိုစိုပြေပြေထမင်းဝိုင်းလေးကိုမိသားစုစုံစုံလင်လင်မိတ်ဆုံစားဖို့..အခွင့်မသာစေတဲ့အဖြစ်ကိုမြင်တွေ့ရတိုင်း.ကြားသိရတိုင်း...ကိုယ်ချင်းစာစိတ်ကင်းမဲ့သူတွေကို..ယနေ့အထိ..အော့နှလုံးနာပီး..ရှူံ့ချနေမြဲပါဘဲ....။သူဆိုတာ...တခြားသူမဟုတ်ပါဘူး။ထမင်းမဝခဲ့တဲ့...ထမင်းငတ်မှာကြောက်ခဲ့တဲ့
ကျမ..ကိုယ်တိုင်ဖြစ်ပါတယ်။

ရီရီဆွေ
အလုံ.မုံရွာ

Authors get paid when people like you upvote their post.
If you enjoyed what you read here, create your account today and start earning FREE STEEM!
Sort Order:  

ဆရာမကြီး စာကို ဖတ်ရတာ မျက်ရည်တောင်ကျတယ်ဗျာ ။ အခုခေတ်ဆို ဆိုးဆိုးရွားရွား ဘ၀လေးတွေ ဘယ်လောက်များလိုက်မလဲ။ ကျနော်တွေးမကြည့်ရဲပါဘူးဗျာ။ အဲဒါတွေတွေးမိလိုက်ရင် စားနေတဲ့ ထမင်းမြိုမကျဘူးဗျ။ အခုဆို ကျနေ်ာတတ်နိုင်သလောက် အရပ်ထဲက ကလေးတွေကို ထောက်ပံ့တယ်၊ စာသင်ပေးတယ်၊ တစ်ပိုင်တစ်နိုင် ပရဟိတလေးပါ။ ကျနော်သင်ပေး ထောက်ပံ့ပေးလိုက်တဲ့ ကလေးတွေ လူဖြစ်သွားကြပီ သူတို့ ခြေထောက်ပေါ်သူတို့ ရပ်တည်နိုင်သွားကြပီ ။ ကျနော် ပျော်ပါတယ် နောင်လည်း တတ်နိုင်သလောက် လုပ်ပေးထောက်ပံ့ပေးနေအုန်းမှာပါ။

ဟုတ်တယ်ကိုညီရေ..
မနေ့ညက..ဒီစာစုကိုမနည်းအားတင်းပီးရေးတာ..အခုပြန်ဖတ်တော့လည်း..မျက်ရည်ကိုထိန်းထားရတယ်။ငတ်မွတ်ခြင်းရဲ့ဒုက္ခဝေဒနာကို..ကြုံဖူးသူမှသိမှာ။

ကျွန်တော်လည်းပဲ ကျောင်းသားဘဝမှာ ခြံထဲက အဝေရာရွက်တွေ စားခဲ့ရလို့ စာနာမိပါ့ဗျာ

ထမင်းတစ်လုပ်ကို လွယ်လွယ်ရနေသူများက
တန်ဘိုးကိုမသိကြဘူးဗျာ

အမေ အဖေ တို့ရဲ့ပုံရိပ်များ လွမ်းမောလှပါ၏ သားငယ်

မိဘတွေရဲ့ သားသမီးအပေါ်ထားတဲ့မေတ္တာကိုလည်းတွေ့မြင်ရတယ်။တော်ရုံမိဘဆို အဲ့ဒီအဖြစ်မျိုးကြုံရင် သားသမီးကိုရိုက်နှက် အော်ငေါက်ပြီး ဆူတော့မှာ။
ဘဝစာမျက်နှာတွေက စာပေဖြစ်သွားတော့လည်း ဖတ်ရှုရတာ အနှစ်သာရရှိလိုက်တာ အန်တီရေ

ကိုဟင်ပိုလ့် ဖတ်ပြီး အတိတ်ကို ပြန်တွေးမိသွားတယ်ပေါ့ အန်တီဆွေ