When be the last time wey you make person smile?
Making other people smile na one kind job wey no too easy, but the thing dey very important.
Making other people smile na something wey I hear say ein good well well and ein dey attract blessings for person life.
No be by force say you go buy jeep for person before you go fit make the person smile. Sometimes wetin look small and insignificant na ein fit be wetin another person dey wait for to make am smile.
Find person bless him life today. Even if na only soap fifty naira, try look for person wey need am, give am to the person.
Even if na just visiting, visit some people. Some people dey wey no need your money at all, but your visit or call go make them happy well.