Naijapidgin dey share ten (10) SBD. Where you dey?

naijapidgin (58) in naijapidgin • 7 years ago (edited)

My country people. We trowey salute o.

Today na Sunday so make we use this opportunity wish our Christian babes and guys wey dey celebrate Palm Sunday, Happy celebration.

Una don too try for we blog and because of that @naijapidgin don decide to reward una through contest

E simple well well. The koko of the contest na hin b dis

Make you tell us for the comment section wetin make you like naijapidgin community.
Write wetin you think say we fit do to make this community better pass as ein dey now.
Yarn us who tell u about this group.
Tell us wetin we dey do wey you no like or wey you want make we change.
You go come upload one of your fine picture take seal the comment.

How you go take quality for the entry.

You go make sure say you dey follow naijapidgin.
You go upvote this post.
You go resteem this post.

the comment wey the upvote plenty pass and people talk well na em go win our prize.

OUR PRIZES NAH

1st winner 5sbd
2nd winner 3sbd
3rs winner 2sbd

We go announce the result after 7days from when we post am.

if you like join us for we WhatsApp group just touch this link enter

nah all of us and @zizymena carry dis one come unah domot.

Nah @mirttymatz give us dis fine avarta

naijapidgin contest onequality nigeria wafrica

7 years ago by naijapidgin (58)

$2.37

Authors get paid when people like you upvote their post.
If you enjoyed what you read here, create your account today and start earning FREE STEEM!

Sort Order:

Trending

[-]

burlarj (69) · 7 years ago (edited)

Ur boy Don show o, d only burlarj for steemit, Anoda me na counterfeit...

d main reason wey make me like naija pidgin na d people wey dey der, jollyment too dey yafunyafun, na everyday dem dey do contest....
i dey see improvement everyday, naija pidgin community dey grow, make una kontinue dey host contest and c wetin go happen within d next two month, no tank me now for the advice, make una tank me later and na @zizymena carry me come the community
the tin wey dey pain me be say since I Don dey for dz community, I Neva chop their card before, I Neva chop their sbd, I neVA win something at Al and e dey pepper me for body, there is God oooooo..

$1.49

[-]

fredoski (52) · 7 years ago

As u see me so my name na omokaro Fredrick aka @fredoski for stemit .

As e be so we only get one easy way of communicating in naija wich na pidgin language so as e come be so for stemit naijapidgin community I too believe say na the best way for stemit Nigeria becos if u check u go see say other countries dy use their own language for blogging dats y naijapidgin go remain d best for naija
D tin be say dis community need to spread around the world say to say make our stemit brothers may dey abroad to know say naija nor d carry last and may dy also communicate wit d community as well. My oda opinion be say each an every member gat to promote n support d community as well becos e nor easy to blog at all.
na for one group chat name @bund I for see d correct community @naijapidgin
As for me I like anytin may dey sup for dis community wetin me I believe for na the growth of d community . So up live @naijapidgin
4.#baseonlogistic I be Edo pikin for South south
Always on shaku level

$1.44

[-]

stevenson7 (55) · 7 years ago (edited)

Stevenson7 don show, oooh make una clear road, oya clear road for the boss 😁😁.
Abeg ooh na joke ooh, abi confam minnow 😁.

Chaiii, he no get plenty thing wey day sweet me for belle, but this one day among. The naijapidgin community na way of promoting we own language, the one wey we like to day speak well, wetin make me like the naija pidgin be say na the first of hin kind and na one language wey I day like speak, naim con still enter Steemit so, I no fit happy, all the Opie pie pie pie [english] grammar wey me day yarn for here don taya me walai 😁😁😁.
2.as the community day so, everything day campe, me been still day reason say the community fit day do promotion of best pidgin post abi that kind thing 😏.
Na for mama @ogoowinner forum naim I for hear this beta ooooh
As he day be so eehn, everything day well ooh, everywhere good as he day be so, but I for still like make he no only be for naija ooh, be like Ghana and some kind African country day speak pidgin that year na 😀.
4.

Anyways my name as he day for my blog na Onyejekwe Chukwuebuka Steven but for Steemit na Stevenson, na me just carry the name as autocorrect for my handset suggest am for me so😁, na Anambra pikin I be.

$0.88

[-]

yungchief (63) · 7 years ago

The originality of pidgin cos na em be senior broda of other yankee language.
As the country mata don scara so, say monkey and snake colonise our money and shuck inside knicker. We need to dey yarn dis kind mata make we use laugh take reduce the tension our government of dAPChi dey give us. Na who get for face fit dey greet him neighbour good morning.
Na for @jeaniepearl interview wey @ogoowinner show face as guest na i take know of naijapidgin.
This one no pure for me as i just land with my ebuka agbada inside my naijapidgin private jet. Make i leave this one for people wey don pay ground money or the elders of naijapidgin village square make dey yarn their mind

$0.58

[-]

rosyblessing (47) · 7 years ago

Una babe don show o na my name be @rosyblessing

@naijapidgin too make sense,na the wey dem dey yarn and the originality na im make me like the community. All of us dey play and we dey free to talk our mind.
Make we tell other people for steemit make dem know about naijapidgin so that the community go grow. Na @Zizymena yarn me about naijapidgin
For now o as I dey new for the community I Neva notice anything wey bad I dey gbadun una.

Na my entry for the contest be dis oo

$0.52

[-]

bob-elr (56) · 7 years ago

Oya make una tuaily for the baba. Bob don show. I don land gidigba for naijapidgin crib. This one na original sukusu

As I dey so, na for baba God kabã I chill dey throway salute.

Make we do the koko

Una go gree me say" I gbadun we language like oyinbo gbadun to dey tãfé (cigarette). As Monkey nor dey carry eye see banana.Naijapidgin na we mama tongue tale tale, and I fit yarn am as I sabi.
E no be like oyinbo own wey we must to yarn like how e take be.
Na shekele thing una get to do wey go make we community better. Make una find agbara for we steemit (SP) to take helep we country people for this area.
We country people for here no dey see water drink well. I day my own jejely wey person carry put for wasap. I be wan waka comot, but tori been change as I see say na tiwantiwa.

Shey una sabi say person wey do yangayanga for this we steemit, we go give am gbege. Una never do me strong thing so I full ground for here. Some pipu dey samankwe but una be correct man pikin.

$0.45

[-]

diamondrich (54) · 7 years ago

Greetings my pipo @diamomdrich all the way from warri city! You say👂? Ok make i drop my own sharp sharp now as e dey hot make e no burn my hand.

I like naijapidgin community no tor small, this people dey bring us fresh news as e dey hot everyday so tey i no come dey bother listen to news for fm again. Creative minded people nai full there, no dull moment, people dey even dey sleep there sef 😁.
Naijapidgin dey trowey contest everyday for people to win prizes such as upvote, recharge cards and sbds. Almost everyday nai mi dey win sbd (hope say my village pipo no hear this one make dey no pour sand sand for my garri 😁)
To me, naijapidgin don better already. Notin to add again, e better pass 98% of other groups wen i don come across for steemit, sotey i abandon my other groups for this one. I remove cap⛑
for una.
As e dey hot, na @zizymena nai nack me about this ogbonge community, make e for no loss nai i join o, i no fit shout 😁.
You say👂
If i say una do watin i no like nai bi say i no like better tin for this my life..... Naijapidin, nothing do una, make una carry go!

My humble self @diamondrich

$0.35

[-]

steemnaija (25) · 7 years ago

You dey represent waff town wella.. Na you dey run

$0.00

[-]

tutufaith (48) · 7 years ago

Wetin make me like naijapidgin be say na free place to yarn your mind and you fit see plenty people wey you fit play with. Naijapidgin be like school, you dey learn and you dey play.
As e be I like to dey yarn people about naijapidgin well, I don meet people wey dey Steemit and wen I yarn them about naijapidgin dem rush come. I even dash dem whatsapp link sef. To dey resteem sef, dey help am grow wella. Na for one hot post wey i see @ogoowinner wey she still dey do her contest wey we go change English to pidgin. Na there she yarn about naijapidgin, na so I carry my leg Waka see am.
Wetin naijapidgin dey do we me no like, maybe na me ooo but I dey feel say some people dey form cacus for there, like na my person be dis. Another thing again na we be 102 people for the group, we no even reach 20 wey dey yarn.

4.
Na my new look be that.

$0.35

7 votes

[-]

prayzz (60) · 7 years ago

Zagadat..my people say as e dey hot, naso e dey go..so here na my entry.

1 the first time wey man pikin join this our obodo steemit community, man being just dey do am just to gather small money take hold body no fun inside at all but every every change the moment wey man pikin sabi abt naijapidgin...naijapidgin na the only place wey you go come jolificate con still win small something inside..ah ah that one na weyti we country people dey call double awoof abbi no be soo?

2 weyti me think say una go fit do to make this we community better pass like this na concerning this we contest matter...una no dey give we admin power and e no good...our ogbonge admins suppose to dey pick winners sometimes on their own..at least that one go let us sabi say dem admins get small power and e go make people respect we admin..because if respect no dey things fit go wrong oo. And na @udezee tell me about this our ogbonge community

3 as for me ehn..everything wey una dey do dey swit man belle ooo...I remember the first day wey I join naijapidgin whatsapp group..that same night na e I win card iyoo.. @zizymena na e sama me the card. My body swit me no be small.

$0.31

[-]

jacksondavies (47) · 7 years ago

Keep rocking baba. Nothing do you.

$0.00

[-]

eprolific (65) · 7 years ago (edited)

My fellow naija steemian, I dey hail una from my small corner for Warri. First of all I won thank God for the naija pidgin community beta thing wey dey happen for community. This community na ogbonge one

The first pidgin community wey dey inside blockchain, even Google know say pidgin don hold ground for the world
.
For steemit no go dere
@naijapidgin go hold ground wella
Which naija pesin no like beta thing. Naija pidgin community na the only one community wey I know wey dey show appreciation the way them dey give back to community member. People don lick mouth tire for this community for free free thing sha and the post for the @naijapidgin blog na true life story mata dey alway dey drop wetin dey happen for area as we see am
Well naija pidgin una dey try oh na small sha as our people talk say na from clap d dey enter dance. For me make una give some people chance to be contributor dem una give small percentage sbd wey the post go generate. Make una still add crack ya rib day* for correct pidgin joke.

Na tru @diamondrich I take land here

As I say before una dey try make una continue. Na make the community spread like bama on top of agege bread 🍞 naim be the matta and this one go fit happen if @naijapidgin dey do some small upvote beta post for community member becos people here upvote na race dem go take join the community as we know say if you won gada ants put sugar for ground dem all go show from all corner.

Is na me be dis na inside church I snap this picshure. Shebi I resemble my papa?

$0.27

2 votes

[-]

oshiokhenhoya (47) · 7 years ago (edited)

My country people wetin dey puyeke na. Based on logistics me na dat guy wey dem sabi as area pastor wey dey deliver flows to area members, dem guys and omotogbe as e dey hot. Me na una home boy @Oshiokhenhoya may una dey shew my name for mouth as e dey hot. May una no go dull am for area may dem no dagbogbana una oooo.

Wetin make I like for Naijapidgin na say e dey sweet person say in follow person tok for language wey dem gather dey tear. Pidgin wey we dey yarn sweet pass English for my syd oo. Na y as I bin enta Naijapidgin I see say dem dey yarn like say na one mama n papa dem get. D thing come sweet me sote I dey tell my own say may dem enta dis posha levelz for Naija pidgin.

Another thing na say una dey write as e dey apen for area well well. As e b so una dey give people wey no sabi as e dey go street OT may dem no dull for area .

Me believe say may Naijapidgin dey organize contest wey person wey dey do am go resteem am. D reason na say me go lyk am may dem world n oyibo sabi say we get language wey we borrow still come make am sweet lyk honey koso. Abi may I ask una if pidgin no sweet to yarn for mouth pass English? As I dey English dey draw for my mouth like okro.

Na my area sister yarn me about dis community na in I come follow @zizymena say may she send me link wey I fit take join.

As e b say e neva too tey wey man pikin join dis community man no fit tok, but I fit find something tok oooo if una go drop SBD as e dey hot.

na my picture wey gboyan wey ugly as man pikin no fyn na. My face b lyk wetin dem take seperate fight, if una fit remember say na me seperate jesus and judas wen jesus wan beat am as in betray am. Na joke I dey oo n na my picture b dis. I hail ooo

$0.03

18 votes

[-]

simplewole (38) · 7 years ago (edited)

my country people I salute una.

wetin make me like @naijapidgin so, na say we bin dey family level with pidgin. we dey take everyperson as our broda and sisto so.
wetin me think be say make una dey organize context wella, make una dey upvote we posts.

Na for one whatsapp group I see naijapidgin o na so I nack the link com see say naijapidgin join.

I just join this community so, I never see any yakata point sha.

    na my own entry for we post be this.

$0.00

10 votes

[-]

marvettsy (45) · 7 years ago (edited)

Abeg clear road gimme jare. See as beta tin wan take pass me but bros j no go gree.
My name for this steemit na @marvettsy but the name wey my papa and mama dem give me na Marvelene.

I wan follow drop my comment oh.

1.Wetin do make i like @naijapidgin be say, as we dey dis naija eh,no be all man fit speak this oyibo language dem and na pidgin dem go use feel at home. Abegi na naija we from,why I go come dey strand for my papaland?

2 Wetin i think about @naijapidgin be say , make una try publicize this una movement because me sef,na from person blog I see una contest come comment. The guy name na @burlarj and em no know sef😉. Una contests and upvotes go helep all man.

3 Una dey try abeg,I no hate anything about una oh,make una continue the good things wey una dey do.

4 Oya time don reach,mah put my pichur. No be like say i too fine sha,but manage abeg

Mah join una whatsapp group sharpenly.

Me na typical Akwaibom girl..

$0.00

2 votes

Naijapidgin dey share ten (10) SBD. Where you dey?

How you go take quality for the entry.

OUR PRIZES NAH

if you like join us for we WhatsApp group just touch this link enter

nah all of us and @zizymena carry dis one come unah domot.

@naijapidgin too make sense,na the wey dem dey yarn and the originality na im make me like the community. All of us dey play and we dey free to talk our mind.

Make we tell other people for steemit make dem know about naijapidgin so that the community go grow. Na @Zizymena yarn me about naijapidgin

For now o as I dey new for the community I Neva notice anything wey bad I dey gbadun una.

O boi. Even tho una picture dey down na hin my eye see first. Dis one na banger o. Go carry the prize come house oooo

Make we do the koko

My humble self @diamondrich

The @naijapidgin community