My country people. Una good morning o. Finally weekend don show face. Hope una enjoy una week? Today for naijapidgin we want do something different. We decide to bring una our own mama, our own person wey get @naijapidgin blog make she follow us yarn today. So today for we house, we get @ogoowinner for our naija hot seat. Abeg make una clap hand welcome am. @ogowinner, welcome o
Oya trowey salute for your country people
Ogoowinner:
My people I hail o
Naijapidgin:
She dey hail una o. Una don hear?
Now we want know who @ogoowinner be. E Don tey wey this question dey people mind. Tell us today who be this @ogoowinner?
Ogoowinner:
OK o, I be one better pikin wey my mama born for Kaduna but I from Eastern part of Nigeria. My real name na ogochukwu
Naijapidgin:
Hmmm kaduna? Na im be say you dey chew hausa?
Ogoowinner:
Small small
Lol!
Naijapidgin:
Okay na that one na im make you naija daughter
Ogoowinner:
Yeah, I understand Yoruba small sef.
Naijapidgin:
Ehen we know say you don be don for this steemit mata but we still know say dey no born you born steemit 😁😁 so abeg yarn us, how you take hear about steemit
Ogoowinner:
Na one fake facebook account for my friends list tell me about steemit o! I just make post ask wetin person fit do earn money online, na ein him send me the link.
Naijapidgin:
You see how fake Facebook account take beta your life so?
Ogoowinner:
My sister na God o! Lol
Naijapidgin:
Hehehe na this kind luck we dey pray for always o.
So as you start this steemit Waka, na immediately your post begin dey hammer dey get plenty plenty upvote abi abeg yarn us how the journey be and the first time wey you see $1 for your post
Ogoowinner:
Yes. My first post make money, the same thing with the second one. But after then, I begin see 0.00. Lol
Until ein later pick up again
Naijapidgin:
😂 na im be say all of us na im must pass this 0.00 levels. God dey. Steemit that time wey you join and now, any difference?
Ogoowinner:
That time sweet pass now sha, because people never plenty. So everybody dey do like brothers and sisters
Naijapidgin:
No be lie. now people don full yakata for steemit, nobody know anybody again. This na good thing abi na bad thing?
Ogoowinner:
Na good thing sha Because we all dey pray make steemit become the number social media
Naijapidgin:
Amen o
You go advice person make e close him bank account, resign for him job carry everything wey he get put for steemit make an the main place wey e go take dey get money, wetin oyibo dey call "primary source of income?"
Ogoowinner:
Noo.Never!
Naijapidgin:
Una don hear am? She talk say "never"
Ogoowinner:
No matter how much we you dey get from steemit, still get wetin you dey do offline
Naijapidgin:
Gbam.
Better talk
Okay o. Na this one bring me to my next question. Recently, they say crypto dey bleed, I no know weda na red blood e dey bleed abi na water before you know na so the price of SBD and Steem come just dey fall like breast of woman wey don born twenty children, we try to hold am for where. People liver just dey cut. Some people pack their load say they no steem again.
Abeg wetin dey cause the fall in price?
Ogoowinner:
Everything wey go up must come down. Na normal something And I know say ein go still go up again
Market dey always fluctuate
Naijapidgin:
Una hear am. She say the fall na normal something so make afraid no catch una. Make una still dey steem dey visit naijapidgin blog 😄
@ogoowinner wetin you go talk say na im be post wey dey exceptional? Na as e long teach abi na the number of picture wey dey inside?
Ogoowinner:
Me I think say na the originality of the post and the way wey the writer take capture the mind of him readers. Long or short no matter
Naijapidgin:
Okay o
Wednesday wey pass na your birthday and we for naijapidgin celebrate you well well. How that day be for you as you see people dey celebrate you everywhere as our steemit celebrity?
Ogoowinner:
Nothing much. I thank all of una.
Naijapidgin:
We thank you do. Na you do well pass
We for naijapidgin happy as you make out time join us this morning for our show naijapidgin blog
But before you go, translate this thing for Queen's English for us
"wetin dey puyeke for here, everybody just dey shayo?"
Ogoowinner:
Chisos!
Naijapidgin:
😂
Ogoowinner:
Walahi I no even know wetin ein mean
😂
Naijapidgin:
😂😂😂
No be small thing. That na assignment for you
Ogoowinner:
OK na! I go submit am next year
Happy birthday to steemit
Today steemit go make two years
Naijapidgin:
Tomorrow Sunday abi today Saturday?
No be small thing o. Okay now we for @naijapidgin dey wish steemit happy birthday o
Ogoowinner:
Today na Saturday. 24th March
Naijapidgin:
My country people una don hear am from @ogoowinner. Everything wey you suppose know she don answer. If you get question, you fit ask for comment section.
@ogoowinner you do well grace this our hotseat o. Hope the seat no too hot? Wetin be the final words wey you go tell your people?
Ogoowinner:
I want beg them make them continue to support the naijapidgin account. And make them continue to dey fly naija flag well well for steemit.
Naijapidgin:
Yes o. Make una continue dey fly the naija flag well for steemit o
We don come to the end of this show. If you go like find out more, join our WhatsApp group for this link
Na @zizymena do this one for @naijapidgin
You be correct "nwada", we all for Alaigbo throway salute to you for making us all proud.
As a daughter of the soil, we wey be elders council don gree to give you chieftaincy title of 'Ada Steemit 1' on obodo Naija.
When next you come East, we go crown you.
Thanks @naijapidgin for bringing our nwada @ogoowinner to the hotseat.
Downvoting a post can decrease pending rewards and make it less visible. Common reasons:
Submit
@ogoowinner humble and true always, na wetin make am special well well, she na voice to even people we no get voice, she follow me yarn wella when I first come here, even when I no sabi anybody or belong to any group.
I no know say dem born am for ugwu Hausa o
abeg, tuale for her o my everyday woman crush for here,
no make me emotional for here, I no fit talk everything, day go dark, day go break
Downvoting a post can decrease pending rewards and make it less visible. Common reasons:
Submit
@ogoowinner u be one of the few people for this world wey get golden heart u tooo much
Downvoting a post can decrease pending rewards and make it less visible. Common reasons:
Submit
@ogoowinner u too dey do fake Facebook account lol. Na U make Steemit fun for me, we even dey free to express ourselves wella.
I no even know say u na WAZOBIA pikin, I only Sabi Yoruba and small Igbo. @ogoowinner u too much
Downvoting a post can decrease pending rewards and make it less visible. Common reasons:
Submit
@ogoowinner thank you o as you don clear us on one or two matters
God go bless you
Downvoting a post can decrease pending rewards and make it less visible. Common reasons:
Submit
Interesting interview
I seriously couldn't even translate that to Queen's English
The grammar na correct Adjectival Clause for Pidgin...Lol!!
Downvoting a post can decrease pending rewards and make it less visible. Common reasons:
Submit
Better interview. So @Ogoowinner sef see $0.00 for steemit? This one just show say no be everybody wey you see dey earn big naim start that way. People don't pay the price to fetch where den dey.
Downvoting a post can decrease pending rewards and make it less visible. Common reasons:
Submit
@ogoowiner make the interview hot
I no dey waste time I dey follow you up 😀
Downvoting a post can decrease pending rewards and make it less visible. Common reasons:
Submit
@ogoowinner 🤔 what a blessing to the world!
Downvoting a post can decrease pending rewards and make it less visible. Common reasons:
Submit
Naijapidginators wetin dey puye puye
I hail una no b small, una dey erect
May una reason SBD come make I yarn una wetin puyeke mean
Downvoting a post can decrease pending rewards and make it less visible. Common reasons:
Submit
Dear friend, you do not appear to be following @wafrica. Follow @wafrica to get a valuable upvote on your quality post!
Downvoting a post can decrease pending rewards and make it less visible. Common reasons:
Submit
Oh! I'll tell them to do that right away.
Downvoting a post can decrease pending rewards and make it less visible. Common reasons:
Submit
See as i dey smile as i dey read the post as if say person dey for corner dey totorimi hahaha. Na wa finally the mountain appear, i fit say ti i leave steemit @ogoowinner no go show face as the owner of naijapidgin blog chai! You too much, you yarn well, nothing do you. No mind that cras man wen dey hala puyeke ani how for the town, if i catch am eh.
As i dey read this post i know say na @zizymena nai write am hahaha, i don read you sotey i dey know watin you dey do for dream (monitoring spirit) hehehe
Abeg make i drop my pen as e dey hot b4 water go pass garri.
Downvoting a post can decrease pending rewards and make it less visible. Common reasons:
Submit
Nah because of people like @ogoowinner and @naijapidgin dey give me joy say naija people dey dominate for this steemit.
Even if unah no know me, I still get joy say I know unah for this steemit so.
Ten Gbossa for unah head. 👊👊👊👊👊👊👊👊👊👊
Downvoting a post can decrease pending rewards and make it less visible. Common reasons:
Submit
"
Haaahaa abeg dem really ask am the puyeke question wella 😂😂.
" wetin dey puyeke for here, everybody just dey shayo?"
(whats groving here!! everyone is just celebrating?). ..
Na ekpan boys dey yarn dix one pass oo. @ogoowinner
Downvoting a post can decrease pending rewards and make it less visible. Common reasons:
Submit
this interview make sense. the way una decide to change matter to posting even better. kudos to all of una at @naijapidgin
Downvoting a post can decrease pending rewards and make it less visible. Common reasons:
Submit
@ogoowinner Na pikin wit better heart
Na only mama wey get good heart dey pray for e children to do well for life. As you think go about us like this
Anybody person wey get bad belle wey dey folo you for back go Waka los
Downvoting a post can decrease pending rewards and make it less visible. Common reasons:
Submit