UNAH DON HEAR?

My country people I trowey ogbongae salute for unah?
How unah dey?
How unah take d hold body for this change wey d touch everybody so?

Anywhere you dey wey you dey read dis post I say good morning gee……. Today nah another beautiful Wednesday and hustle gat continues......
I pray say God go bless our handiwork today…….
We don carry another ogbonge gist come unah domot today and today we want do small amebo make e no come be like say we too talk too much.

UNAH DON HEAR?

In case you never hear, nah today you go hear am and in case you don hear nah today you go hear am again because dis matta concern us well well

So taday I want take about one of the biggest event, if I say biggest I mean say very very big event wey dey come up for we country and d better aspect of d matta be say nah our own very @ehiboss nah him d organize am and him still d run d campaign too…

Everybody don d yarn uptop the matta since so e b say wey for no loss and make e be say our @naijapidgin hear d happening tori that nah why we don carry am come so

But wait o wetin I dey yarn about since self ?

SIN2 (steemit in naija)

Yes SIN2 nah one of d biggest event wey go happen for we country naija and nah for we federal capital d thing go happen (ABUJA), d thing go happen for d finest hotel for Abuja that nah transcope hilton
And wetin d sweet me for body pass be say plenty plenty big big whale for steemit from obodo oyinbo too go show face
Our ogas dem wey don d organize d meetup don already promise us say plenty package dey we go make d meetup sweet well well, e go feature plenty talk, entertainment, side attractions and after party too.

YOU KNOW WHY YOU SUPPOSE NO MISS AM?
Because this nah one opportunity for you to meet other steemians from around d world and those from oyinbo land and you know say for dis we steemit we need connect, apart form that one you go get chance see all the big faces for steemit korokoro…. Also there you go get chance learn everything wey d confuse you ontop steemit, nah there you go clear all d matter.
As I dey talk to you so all the necessary arrangement don near finish I even hear say dem don book d hotel already self. Oshe...
So if you never attend meet up or even if you don attend before dis nah d biggest opportunity we don come for us hmm before I forget nah for November the event d happen.
So my @naijapidgin people unah don hear? I sure say by now unah go don hear am...
Hope say you go dey dere live because I go like see all of unah too
And hope say you no go get any reason to miss am?

no forget to d support us with your upvote comment and resteem

nah @oliverwilliams bring dis one for us

nah @mittymartz bring us this fine avarta