HYGIENE: Sterilan billigdeo

God gnitastank.

Deodorantar er i grunn ufatteleg kjedeleg. For meg er deo noko uinteressant, som ikkje gir meg noko helst, men eg må jo ha det for ikkje å stinke ihjel dei rundt meg. Roll-on gir meg alltid sår hud, og spray varar ikkje lenge nok. Det einaste som funkar for meg er stick, men ikkje kva som helst stick. Forever sin stick til dømes, som eg testa tidlegare, var direkte grusom og gjorde meg sår.

Ein sjukehustur til verdsmetropolen Førde er ikkje komplett utan ein tur innom Sparkjøp. Og blandt dagens fangst vart det ein deostick eg ikkje hadde prøvd tidlegare. Ein 10-kroners stikke med det beskjedne namnet Sterilan Men Xtra Cool Advanced Active Reserve Antiperspirant Deodorant Stick. Lat oss berre kalle den Sterilan frå no av. Og nemnde eg prisen? 10 kroner folkens! Kva får ein eigentleg for 10 kroner i dag? Ikkje ein gong ein kopp kaffe, for dei som driv med slike narkotiske stoff. Då kan vel denne nøka (les: lukt) umogleg vere god?

Designen er kjedeleg, men kven bryr seg når den er så billeg. Plasten er traust og skrumekanismen som dyttar stikka opp er enkel og solid. Kva med lukta? Lukta er menthol med noko attåt. Frisk, men mandig, uten at den luktar for kraftig. Godstanken varar i tillegg heile dagen, på trass av stress på jobben og gaul i heimen. Og best av alt? Den er søt, snill og forsiktig med skinnet mi. Ingen antydning til sår hud i kitlehola. Og dette for 10 kroner folkens!

Viss du, som meg, vil ha ein enkel og billig deodorant som funkar til det den skal så kan eg absolutt anbefale denne Sterilan’en frå Lilleborg. Kom deg til Sparkjøp og bruk opp vekeløna di.