As E dey HOT: MY NAIJA PIDGIN CHALLENGE

I troway cap for madam @ogoowinner as she arrange dis ogbonge challenge wey everyone go take express themselves gidigbam. Me no dey carry last for this kin tin cuz i dey like am as e dey hot.

Ma pipol my name na Henry, ah be Enugu boi (042 blood). One thing about us be say we no dey carry last atall. Make i coolee jeje yan una how STEEMIT don better my life.

Image

STEEMIT DON BETTER MY LIFE
My good brothers and sisters, i go vomit everything kpatakpata and make i warn pesin, no near me oo😀
Since i chuk my head for steemit, my life don change for better. When i enter first eeh, wetin dey hard me then be say how to crack dis ma yeye wonder brain make en bring out something we fit give me moni. I no know say na second degree wey i dey come enter. I dey read now like say Buhari go change, i dey research like say @ned go make me his PA..lol.

Make i yarn you one tory now, e get one babe wey dey do guy for me because around september my pocket just dey red!.. I tell am say things go better o but she no gree and i love dis girl na en be d worst part. I come dey hustle dey use my brain wella for steemit since Naija no won give me colla job.

Na em e reach around december, the boi don dey boll wella...she come dey see ma updates for facebook where i dey change designers cloth like say tomorrow no dey. My brodas, to my suprise dis babe come halla me for phone dey sacu me, dey beg say she dey sorry...Nna me come dey sing am one better song by ma man Davido..."you for dey for me, when the boi dey hunger, i for die for you ooo....". As e dey now, i don hide my face for STEEMIT ooo.

Steemit don make me sabi better pipol, pipol wey dey change my life positively. I troway salute to all of una and i pray soon una brain go make una millioniares.chaii pidgin sweet die. I still be una humble padi, @setapart.